ਕੈਨੇਡਾ ਵਿੱਚ ਹੋਈ ਇੱਕ ਪ੍ਰੈਸ ਕਾਨਫਰੰਸ ਦੌਰਾਨ ਅਮਰੀਕਾ ਦੇ ਨੈਸ਼ਨਲ ਸਿਕਿਊਰਿਟੀ ਐਡਵਾਈਜ਼ਰ ਜੇਕ ਸੁਲੀਵਾਨ ਨੇ ਕਿਹਾ ਕਿ ਅਮਰੀਕਾ ਅਜੇ ਵੀ ਮਿਸਰ ਦੇ ਕਾਹਿਰਾ ਵਿੱਚ ਇਜ਼ਰਾਈਲ-ਹਿਜ਼ਬੁੱਲਾ ਵਿੱਚ ਜੰਗਬੰਦੀ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਅਮਰੀਕਾ, ਮਿਸਰ ਅਤੇ ਕਤਰ ਨੇ ਮਿਲ ਕੇ ਇਸ ਜੰਗਬੰਦੀ ਲਈ ਮਦਦ ਕਰਨ ਦੀ ਪੇਸ਼ਕਸ਼ ਕੀਤੀ ਹੈ। ਹਾਲਾਂਕਿ, ਦੋਵਾਂ ਪਾਸਿਆਂ ਦੀ ਅਜੇ ਤੱਕ ਕੋਈ ਪੱਕੀ ਸਹਿਮਤੀ ਨਹੀਂ ਹੋਈ।
ਇਨ੍ਹਾਂ ਵਿਚੋਲਿਆਂ ਨੇ ਇਜ਼ਰਾਈਲ ਨੂੰ ਕਈ ਵਿਕਲਪ ਦਿੱਤੇ ਹਨ, ਜਿਨ੍ਹਾਂ ਵਿੱਚ ਫਿਲਾਡੇਲਫੀਆ ਕੋਰੀਡੋਰ ਦੀ ਖੋਲ੍ਹਣੀ ਵੀ ਸ਼ਾਮਲ ਹੈ, ਜੋ ਗਾਜ਼ਾ ਪੱਟੀ ਤੋਂ ਮਿਸਰ ਤੱਕ ਜਾ ਸਕਦਾ ਹੈ। ਪਰ ਦੋਵਾਂ ਪੱਖਾਂ ਨੇ ਇਸ ਮਾਮਲੇ ‘ਤੇ ਕੋਈ ਸਪੱਸ਼ਟ ਰੁਖ ਨਹੀਂ ਦਿਖਾਇਆ।
ਇਜ਼ਰਾਈਲ ਦੀ ਮੰਗ ਹੈ ਕਿ ਹਮਾਸ ਪਹਿਲਾਂ ਸਾਰੇ ਬੰਧਕਾਂ ਨੂੰ ਰਿਹਾਅ ਕਰੇ, ਜਦੋਂਕਿ ਹਮਾਸ ਦਾ ਦਾਅਵਾ ਹੈ ਕਿ ਉਹ ਸਿਰਫ ਗਾਜ਼ਾ ਪੱਟੀ ਤੋਂ ਇਜ਼ਰਾਈਲ ਦੀ ਪੂਰੀ ਵਾਪਸੀ ਤੋਂ ਬਾਅਦ ਹੀ ਮੰਗਾਂ ਨੂੰ ਮੰਨਣਗੇ। ਮਿਸਰ ਅਤੇ ਕਤਰ ਦੇ ਵਫਦ ਨੇ ਹਮਾਸ ਦੇ ਨੇਤਾਵਾਂ ਨਾਲ ਗੱਲਬਾਤ ਕੀਤੀ, ਜਦੋਂਕਿ ਇਜ਼ਰਾਈਲੀ ਅਧਿਕਾਰੀਆਂ ਨੇ ਵੀ ਇਸ ਮੁਲਾਕਾਤ ‘ਚ ਸ਼ਿਰਕਤ ਕੀਤੀ। ਜੁਲਾਈ ਵਿੱਚ, ਹਮਾਸ ਨੇ ਅਮਰੀਕਾ ਦੇ ਇਕ ਪ੍ਰਸਤਾਵ ਨੂੰ ਮੰਨਿਆ ਸੀ, ਪਰ ਹਮਾਸ ਦੇ ਤਹਿਰਾਨ ਵਿੱਚ ਮੌਜੂਦ ਇੱਕ ਆਗੂ ਦੀ ਹੱਤਿਆ ਕਾਰਨ ਇਹ ਮੁਲਾਕਾਤਾਂ ਰੁਕ ਗਈਆਂ ਸਨ।
ਇਜ਼ਰਾਈਲ ਦੇ ਹਮਲੇ ‘ਚ ਹਿਜ਼ਬੁੱਲਾ ਦੇ ਸੀਨੀਅਰ ਕਮਾਂਡਰ ਫੁਆਦ ਸ਼ੁਕਰ ਦੀ ਮੌਤ ਤੋਂ ਬਾਅਦ, ਹਿਜ਼ਬੁੱਲਾ ਨੇ ਇਜ਼ਰਾਈਲ ‘ਤੇ ਜਵਾਬੀ ਹਮਲਾ ਕੀਤਾ। ਹਿਜ਼ਬੁੱਲਾ ਨੇ ਇਜ਼ਰਾਈਲ ਵੱਲ 320 ਰਾਕੇਟ ਦਾਗਣ ਦਾ ਦਾਅਵਾ ਕੀਤਾ, ਜਦੋਂਕਿ ਇਜ਼ਰਾਈਲ ਨੇ ਹਿਜ਼ਬੁੱਲਾ ਦੇ ਇਨ੍ਹਾਂ ਦਾਅਵਿਆਂ ਨੂੰ ਗਲਤ ਕਰਾਰ ਦਿੱਤਾ।
