ਮੈਨੀਟੋਬਾ ਸਰਕਾਰ ਵੱਲੋ ਨਵੇਂ ਹਾਊਸਿੰਗ ਇਨਵੈਸਟਮੈਂਟ ਟਰੱਸਟ ਲਈ 10 ਮਿਲੀਅਨ ਡਾਲਰ ਦਾ ਨਵਾਂ ਫੰਡ ਘੋਸ਼ਿਤ
ਇਹ ਨਵੇਂ ਆਵਾਸ ਪ੍ਰੋਜੈਕਟ ਗੈਰ-ਲਾਭਕਾਰੀ ਸੰਸਥਾਵਾਂ ਦੁਆਰਾ ਚਲਾਏ ਜਾ ਸਕਦੇ ਹਨ, ਜੋ ਦੂਸਰੀ ਸਰਕਾਰੀ ਸਕੀਮਾਂ ਤੋਂ ਹੋਰ ਵਿੱਤੀ ਸਹਾਇਤਾ ਪ੍ਰਾਪਤ ਕਰ ਸਕਦੇ ਹਨ।
ਮੰਤਰੀ, ਬਰਨਾਡੇਟ ਸਮਿਥ ਨੇ ਕਿਹਾ ਕਿ ਇਸ ਪਹਿਲ ਦਾ ਮੁੱਖ ਲਕਸ਼ ਸਾਲ ਤੱਕ ਘੱਟੋ-ਘੱਟ ਤਿੰਨ ਨਵੇਂ ਆਵਾਸ ਪ੍ਰੋਜੈਕਟਾਂ ਨੂੰ ਸ਼ੁਰੂ ਕਰਨਾ ਹੈ।
ਇਹ ਟਰੱਸਟ ਮੈਨਿਟੋਬਾ ਬਿਜ਼ਨਸ ਕੌਂਸਲ ਦੁਆਰਾ ਵਿਕਸਿਤ ਕੀਤਾ ਜਾ ਰਿਹਾ ਹੈ ਅਤੇ ਇਸ ਨੂੰ “ਕੋਲੈਬਰੇਟਿਵ ਹਾਊਸਿੰਗ ਅਲਾਇੰਸ ਰਿਅਲ ਇਸਟੇਟ ਇਨਵੈਸਟਮੈਂਟ ਟਰੱਸਟ” ਦੇ ਰੂਪ ਵਿੱਚ ਜਾਣਿਆ ਜਾਵੇਗਾ।
ਬਿਜ਼ਨਸ ਕੌਂਸਿਲ ਦੇ ਪ੍ਰਧਾਨ ਬ੍ਰਾਮ ਸਟ੍ਰੇਨ ਨੇ ਕਿਹਾ ਕਿ ਸਰਕਾਰ ਨੂੰ ਆਪਣੇ ਨਿਵੇਸ਼ ‘ਤੇ ਕੋਈ ਮੁਨਾਫਾ ਨਹੀਂ ਮਿਲੇਗਾ ਅਤੇ ਕਈ ਹੋਰ ਵੱਡੇ ਕਾਰੋਬਾਰੀ ਨਿਵੇਸ਼ਕਾਂ ਨੂੰ ਵੀ ਬਹੁਤ ਘੱਟ ਜਾਂ ਕੋਈ ਮੁਨਾਫਾ ਨਹੀਂ ਮਿਲੇਗਾ, ਜਿਸ ਨਾਲ ਨਵੇਂ ਘਰਾਂ ਦੀ ਕੀਮਤ ਘਟਾਈ ਜਾ ਸਕਦੀ ਹੈ।
ਬ੍ਰਾਮ ਸਟ੍ਰੇਨ ਨੇ ਮੰਗਲਵਾਰ ਨੂੰ ਕਿਹਾ, “ਇਹ ਫੰਡ ਕਮਾਈ ਲਈ ਨਹੀਂ, ਸਗੋਂ ਸੂਬੇ ਦੇ ਵਾਸੀਆਂ ਦੀ ਸਹਾਇਤਾ ਲਈ ਹੈ। ਇਹ ਸਾਡਾ ਸੂਬਾ ਅਤੇ ਲੋਕਾਂ ਦੀ ਸੇਵਾ ਕਰਨ ਲਈ ਹੈ।”
ਉਹਨਾਂ ਨੇ ਕਿਹਾ ਕਿ ਸਮੇਂ ਦੇ ਨਾਲ ਹਜ਼ਾਰਾਂ ਨਵੇਂ ਯੂਨਿਟ ਬਣਾਏ ਜਾਂ ਮੌਜੂਦਾ ਇਮਾਰਤਾਂ ਨੂੰ ਬਦਲਿਆ ਜਾ ਸਕਦਾ ਹੈ।
