ਇਜ਼ਰਾਈਲ ਅਤੇ ਪਲਸਤੀਨੀ ਹਮਾਸ ਵਿਚਕਾਰ ਚੱਲ ਰਹੀ ਹਿੰਸਾ ਨੇ ਹਫਤੇ ਦੇ ਅੰਤ ਤੱਕ ਗਾਜ਼ਾ ਅਤੇ ਲਿਬਨਾਨ ਵਿੱਚ ਕਈ ਜਾਨਾਂ ਲੇ ਲੀਆਂ। ਸ਼ੁੱਕਰਵਾਰ ਨੂੰ ਗਾਜ਼ਾ ਸਿਟੀ ਵਿੱਚ ਹੋਏ ਇਜ਼ਰਾਈਲੀ ਹਮਲਿਆਂ ਨੇ ਘੱਟੋ-ਘੱਟ 25 ਲੋਕਾਂ ਦੀ ਜਾਨ ਲੈ ਲਈ, ਜਿਸ ਵਿੱਚ ਪੰਜ ਬੱਚੇ ਵੀ ਸ਼ਾਮਲ ਸਨ। ਇਸ ਤੋਂ ਪਹਿਲਾਂ ਵੀਰਵਾਰ ਨੂੰ ਨੁਸੀਰਤ ਸ਼ਰਨਾਰਥੀ ਇਲਾਕੇ ਵਿੱਚ ਹਮਲਿਆਂ ਦੌਰਾਨ 16 ਲੋਕ ਮਾਰੇ ਗਏ ਸਨ।
ਲਿਬਨਾਨ ਵਿੱਚ ਵੀ ਹਿੰਸਾ ਵੱਧ ਗਈ ਹੈ, ਜਿੱਥੇ ਤਾਜ਼ਾ ਹਵਾਈ ਹਮਲਿਆਂ ਵਿੱਚ 13 ਲੋਕਾਂ ਦੀ ਮੌਤ ਹੋ ਗਈ। ਵੀਰਵਾਰ ਅਤੇ ਸ਼ੁੱਕਰਵਾਰ ਦੀ ਰਾਤ ਦੌਰਾਨ ਰਾਜਧਾਨੀ ਬੇਰੂਤ ਦੇ ਦੱਖਣੀ ਖੇਤਰਾਂ ਵਿੱਚ ਹੋਏ ਬੰਬ ਧਮਾਕਿਆਂ ਨੇ ਕਈ ਇਮਾਰਤਾਂ ਨੂੰ ਤਬਾਹ ਕਰ ਦਿੱਤਾ। ਇਲਾਕਾਈ ਰਾਹਤ ਅਧਿਕਾਰੀਆਂ ਨੇ ਚਿੰਤਾ ਜਤਾਈ ਹੈ ਕਿ ਇਮਾਰਤਾਂ ਦੇ ਮਲਬੇ ਹੇਠ ਕੁਝ ਲੋਕ ਦੱਬੇ ਹੋ ਸਕਦੇ ਹਨ।
ਇਨ੍ਹਾਂ ਹਮਲਿਆਂ ਦੇ ਬਾਅਦ ਲੇਬਨਾਨ ਵਿੱਚ ਅਮਰੀਕੀ ਡਿਪਲੋਮੈਟਿਕ ਸਰਗਰਮੀਆਂ ਵੱਧ ਗਈਆਂ ਹਨ। ਅਮਰੀਕੀ ਉੱਚ ਅਧਿਕਾਰੀ ਲੇਬਨਾਨੀ ਸਰਕਾਰ ਅਤੇ ਸਥਾਨਕ ਨੇਤਾਵਾਂ ਨਾਲ ਜੰਗਬੰਦੀ ਸੰਬੰਧੀ ਮੁਲਾਕਾਤਾਂ ਕਰ ਰਹੇ ਹਨ। ਇਜ਼ਰਾਈਲ ਨੇ ਇਹ ਸੰਕੇਤ ਦਿੱਤਾ ਹੈ ਕਿ ਜੇਕਰ ਕੁਝ ਮੁੱਖ ਸ਼ਰਤਾਂ ਪੂਰੀਆਂ ਹੋ ਜਾਂਦੀਆਂ ਹਨ, ਤਾਂ ਉਹ ਵਾਰਤੋਂ ਹਟ ਸਕਦਾ ਹੈ ਅਤੇ ਜੰਗਬੰਦੀ ਦੀ ਪੇਸ਼ਕਸ਼ ਕੀਤੀ ਜਾ ਸਕਦੀ ਹੈ।
ਇਜ਼ਰਾਈਲੀ ਫ਼ੌਜ ਨੇ ਦਾਅਵਾ ਕੀਤਾ ਹੈ ਕਿ ਸ਼ੁੱਕਰਵਾਰ ਨੂੰ ਇੱਕ ਹਵਾਈ ਹਮਲੇ ਦੌਰਾਨ ਹਮਾਸ ਦੇ ਸੀਨੀਅਰ ਅਧਿਕਾਰੀ ਇਜ਼ ਅਲ-ਦੀਨ ਕਸਾਬ ਨੂੰ ਮਾਰ ਦਿੱਤਾ ਗਿਆ। ਹਮਾਸ ਨੇ ਕਸਾਬ ਦੀ ਮੌਤ ਦੀ ਪੁਸ਼ਟੀ ਕਰਦੇ ਹੋਏ ਅਫਸੋਸ ਜਤਾਇਆ ਅਤੇ ਦੱਸਿਆ ਕਿ ਇੱਕ ਹੋਰ ਅਧਿਕਾਰੀ, ਅਯਮਨ ਆਇਸ਼, ਵੀ ਗਾਜ਼ਾ ਵਿੱਚ ਇਜ਼ਰਾਈਲੀ ਹਮਲੇ ਵਿੱਚ ਮਾਰਿਆ ਗਿਆ। ਹਮਾਸ ਦੇ ਅੰਦਰੂਨੀ ਸਰੋਤਾਂ ਨੇ ਰਾਇਟਰਜ਼ ਨੂੰ ਦੱਸਿਆ ਕਿ ਕਸਾਬ ਇੱਕ ਸਥਾਨਕ ਆਗੂ ਸੀ ਪਰ ਉਸਦੇ ਫੈਸਲੇ ਲੈਣ ਵਾਲੇ ਦਫ਼ਤਰ ਦਾ ਮੈਂਬਰ ਨਹੀਂ ਸੀ।
ਲਿਬਨਾਨ ਦੇ ਟਰਾਂਸਪੋਰਟ ਮੰਤਰੀ ਅਲੀ ਹਮੀਹ ਨੇ ਜਾਣਕਾਰੀ ਦਿੱਤੀ ਕਿ ਉੱਤਰ-ਪੂਰਬੀ ਲਿਬਨਾਨ ਅਤੇ ਸੀਰੀਆ ਵਿਚਕਾਰ ਸਥਿਤ ਇੱਕ ਸਰਹੱਦੀ ਲਾਂਘੇ ਦੇ ਨੇੜੇ ਵੀ ਇਜ਼ਰਾਈਲੀ ਹਮਲੇ ਹੋਏ। ਇਹ ਲਾਂਘਾ ਕੁਝ ਸਮੇਂ ਲਈ ਦੁਬਾਰਾ ਖੋਲ੍ਹਿਆ ਗਿਆ ਸੀ ਪਰ ਹੁਣ ਮੁੜ ਬੰਦ ਕਰ ਦਿੱਤਾ ਗਿਆ ਹੈ। ਹਮੀਹ ਨੇ ਕਿਹਾ ਕਿ ਇਹ ਹਮਲਾ ਸੀਰੀਆ ਦੀ ਹੱਦ ਦੇ ਨੇੜੇ ਹੋਇਆ, ਜਿਸ ਕਾਰਨ ਬੰਬਾਰੀ ਦੀ ਹਾਲਾਤ ਬਣੀ ਰਹੀ। ਇਸ ਹਮਲੇ ਨੇ ਸੀਰੀਆ-ਲਿਬਨਾਨ ਵਪਾਰਕ ਗਤੀਵਿਧੀਆਂ ਨੂੰ ਮੁੜ ਪ੍ਰਭਾਵਿਤ ਕੀਤਾ ਹੈ।
ਇਜ਼ਰਾਈਲੀ ਫੌਜ IDF ਨੇ ਕਿਹਾ ਹੈ ਕਿ ਪਿਛਲੇ ਮਹੀਨੇ ਦੇ ਦੌਰਾਨ ਹਿਜਬੁੱਲਾ ਨੇ ਇਜ਼ਰਾਈਲ ਵੱਲ 4,400 ਤੋਂ ਵੱਧ ਰਾਕੇਟ ਦਾਗੇ ਹਨ। IDF ਨੇ ਦੱਸਿਆ ਕਿ ਉਨ੍ਹਾਂ ਨੇ 3,000 ਤੋਂ ਵੱਧ ਵਿਸਫੋਟਕ ਯੰਤਰਾਂ ਦਾ ਪਤਾ ਲਗਾ ਕੇ ਨਸ਼ਟ ਕੀਤਾ ਅਤੇ 2,500 ਐਂਟੀ-ਟੈਂਕ ਮਿਜ਼ਾਈਲਾਂ ਅਤੇ ਆਰਪੀਜੀ ਵੀ ਬਰਾਮਦ ਕੀਤੇ ਹਨ। ਇਜ਼ਰਾਈਲੀ ਫੌਜ ਨੇ ਅੱਗੇ ਕਿਹਾ ਕਿ ਹੁਣ ਤੱਕ ਜੰਗ ਦੌਰਾਨ 1,500 ਤੋਂ ਵੱਧ ਅੱਤਵਾਦੀਆਂ ਨੂੰ ਮਾਰਿਆ ਜਾ ਚੁੱਕਾ ਹੈ।
