ਓਨਟਾਰੀਓ ਦੇ ਸਕੂਲਾਂ ਵਿੱਚ ਸਿਹਤਮੰਦ ਭੋਜਨ ਦੀ ਪਹੁੰਚ ਵਧੀ, ਕੈਨੇਡਾ ਦੇ ਰਾਸ਼ਟਰੀ ਭੋਜਨ ਪ੍ਰੋਗਰਾਮ ਨਾਲ ਸ਼ਾਮਿਲ ਹੋਇਆ ਸੂਬਾ
ਓਨਟਾਰੀਓ ਦੇ ਲਗਭਗ 10 ਲੱਖ ਬੱਚਿਆਂ ਨੂੰ ਇਸ ਸਾਲ ਸਿਹਤਮੰਦ ਸਕੂਲੀ ਭੋਜਨ ਦੀ ਪਹੁੰਚ ਮਿਲੇਗੀ, ਕਿਉਂਕਿ ਸੂਬਾ ਕੈਨੇਡਾ ਦੇ ਰਾਸ਼ਟਰੀ ਸਕੂਲ ਭੋਜਨ ਪ੍ਰੋਗਰਾਮ ਨਾਲ ਜੁੜ ਗਿਆ ਹੈ। ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਸ਼ੁੱਕਰਵਾਰ ਨੂੰ ਇਸ ਸਾਂਝ ਦਾ ਐਲਾਨ ਕੀਤਾ, ਜਿਸ ਨਾਲ ਓਨਟਾਰੀਓ ਨਿਊਫਾਊਂਡਲੈਂਡ ਐਂਡ ਲਾਬਰੇਡੋਰ ਅਤੇ ਮਨੀਟੋਬਾ ਤੋਂ ਬਾਅਦ ਇਸ ਪ੍ਰੋਗਰਾਮ ਵਿੱਚ ਸ਼ਾਮਿਲ ਹੋਣ ਵਾਲਾ ਤੀਜਾ ਸੂਬਾ ਬਣ ਗਿਆ ਹੈ।
ਇਸ ਯੋਜਨਾ ਅੰਦਰ, ਸੰਘੀ ਸਰਕਾਰ ਓਨਟਾਰੀਓ ਦੇ ਸਕੂਲ ਭੋਜਨ ਪ੍ਰੋਗਰਾਮਾਂ ਨੂੰ ਸਮਰਥਨ ਦੇਣ ਲਈ ਤਿੰਨ ਸਾਲਾਂ ਵਿੱਚ $108.5 ਮਿਲੀਅਨ ਦੀ ਰਕਮ ਲਗਾ ਰਹੀ ਹੈ। ਇਸ ਫੰਡ ਨਾਲ ਕੇਵਲ ਭੋਜਨ ਦੀ ਪਹੁੰਚ ਹੀ ਨਹੀਂ ਵਧੇਗੀ, ਸਗੋਂ ਟਰਾਂਸਪੋਰਟੇਸ਼ਨ, ਸਟੋਰੇਜ ਅਤੇ ਖਾਣੇ ਦੀ ਤਿਆਰੀ ਦੇ ਸਮਾਨ ਤੇ ਖਰਚੇ ਜਿਵੇਂ ਲਾਜ਼ਮੀਂ ਲਾਜਿਸਟਿਕ ਸਹੂਲਤਾਂ ਨੂੰ ਵੀ ਸੰਭਾਲਿਆ ਜਾਵੇਗਾ।
ਪਰਧਾਨ ਮੰਤਰੀ ਟਰੂਡੋ ਨੇ ਕਿਹਾ, “ਇਹ ਪ੍ਰੋਗਰਾਮ ਪਰਿਵਾਰਾਂ ਦੀਆਂ ਚਿੰਤਾਵਾਂ ਘਟਾਏਗਾ, ਬੱਚਿਆਂ ਦੇ ਭਵਿੱਖ ਵਿੱਚ ਸਿੱਧਾ ਨਿਵੇਸ਼ ਕਰੇਗਾ, ਅਤੇ ਇਹ ਯਕੀਨੀ ਬਣਾਏਗਾ ਕਿ ਉਹ ਸਿਹਤਮੰਦ ਅਤੇ ਖੁਸ਼ ਮਹਿਸੂਸ ਕਰਦੇ ਹੋਏ ਆਪਣੇ ਪੂਰੇ ਸਮਰਥ ਨੂੰ ਪਹੁੰਚ ਸਕਣ।” ਟਰੂਡੋ ਨੇ ਇਸ ਪ੍ਰਯਾਸ ਨੂੰ ਕੈਨੇਡੀਅਨ ਪਰਿਵਾਰਾਂ ਲਈ ਇੱਕ “ਗੇਮ ਚੇਂਜਰ” ਦੱਸਿਆ।
More kids in Ontario are now going to have healthy meals guaranteed in school, and families are going to save hundreds of dollars on groceries along the way — thanks to our National School Food Program.
— Justin Trudeau (@JustinTrudeau) November 22, 2024
ਮੰਤਰੀ ਕਮਲ ਖੇੜਾ, ਜੋ ਐਲਾਨ ਸਮੇਂ ਮੌਜੂਦ ਸਨ, ਨੇ ਇਸ ਯੋਜਨਾ ਨੂੰ ਸਹਾਰਾ ਦਿੰਦਿਆਂ ਕਿਹਾ, “ਅਸੀਂ ਸਘੀ ਸਰਕਾਰ ਨਾਲ ਮਿਲ ਕੇ ਕੰਮ ਕਰਾਂਗੇ, ਤਾਂ ਜੋ ਕੋਈ ਵੀ ਬੱਚਾ ਭੁੱਖਾ ਸਕੂਲ ਨਾ ਜਾਏ।”
9.8 million!
That’s how many meals our school food program will be serving to kids across Ontario!
But it’s not just good for children—it’s also going to save parents $800 in grocery bills, on top of the savings families will see from our two-month GST/HST tax break. pic.twitter.com/MVO3lRtsD9
— Kamal Khera (@KamalKheraLib) November 22, 2024
ਸਰਕਾਰੀ ਅਧਿਕਾਰੀਆਂ ਦੇ ਅਨੁਸਾਰ, ਇਸ ਪ੍ਰੋਗਰਾਮ ਦਾ ਵਿਸਥਾਰ ਓਨਟਾਰੀਓ ਦੇ 75% ਸਕੂਲਾਂ ਤੱਕ ਪਹੁੰਚੇਗਾ। ਇਸ ਨਾਲ ਵਿਦਿਆਰਥੀਆਂ ਨੂੰ 98 ਲੱਖ ਹੋਰ ਭੋਜਨ ਪਹੁੰਚਾਏ ਜਾਣਗੇ। ਵਿਸ਼ੇਸ਼ ਤੌਰ ‘ਤੇ, ਇਨ ਵਿੱਚੋਂ 1,30,000 ਭੋਜਨ ਇੰਡੀਜਿਨਸ ਭਾਈਚਾਰਿਆਂ ਦੇ ਬੱਚਿਆਂ ਲਈ ਵੰਡੇ ਜਾਣਗੇ, ਜੋ ਸਮਾਜਿਕ ਸਮਾਨਤਾ ਅਤੇ ਸ਼ਾਮਿਲੀਅਤ ਨੂੰ ਵਧਾਵਣ ਲਈ ਇੱਕ ਮਹੱਤਵਪੂਰਨ ਕਦਮ ਹੈ।
ਰਾਸ਼ਟਰੀ ਸਕੂਲ ਭੋਜਨ ਪ੍ਰੋਗਰਾਮ ਦੀ ਸ਼ੁਰੂਆਤ ਅਪ੍ਰੈਲ ਵਿੱਚ ਕੀਤੀ ਗਈ ਸੀ ਅਤੇ ਇਹ ਪੰਜ ਸਾਲਾਂ ਵਿੱਚ $1 ਬਿਲੀਅਨ ਦੀ ਰਕਮ ਦੇਣ ਦਾ ਵਾਅਦਾ ਕਰਦਾ ਹੈ। ਇਸ ਦਾ ਮਕਸਦ ਹਰ ਸਾਲ 4 ਲੱਖ ਹੋਰ ਬੱਚਿਆਂ ਨੂੰ ਭੋਜਨ ਪਹੁੰਚਾਉਣਾ ਹੈ। ਇਹ ਪ੍ਰੋਗਰਾਮ ਸੂਬਾਈ ਅਤੇ ਸਥਾਨਕ ਭੋਜਨ ਯੋਜਨਾਵਾਂ ਨੂੰ ਪੂਰਾ ਕਰਨ ਲਈ ਬਣਾਇਆ ਗਿਆ ਹੈ।
ਇੱਕ ਅਧਿਐਨ, ਜੋ ਬ੍ਰੇਕਫਾਸਟ ਕਲੱਬ ਆਫ ਕੈਨੇਡਾ ਨੇ ਕੀਤਾ, ਨੇ ਦਿਖਾਇਆ ਕਿ ਨਿਯਮਿਤ ਸਕੂਲੀ ਭੋਜਨ ਦੀ ਪਹੁੰਚ ਵਾਲੇ ਬੱਚੇ ਜ਼ਿਆਦਾ ਧਿਆਨ ਕੇਂਦਰਿਤ ਕਰਦੇ ਹਨ, ਬਿਹਤਰ ਅਕਾਦਮਿਕ ਪ੍ਰਦਰਸ਼ਨ ਦਿਖਾਉਂਦੇ ਹਨ ਅਤੇ ਸੋਸ਼ਲ ਵਿਹਾਰ ਵਿੱਚ ਵੀ ਸੁਧਾਰ ਦਿਖਾਉਂਦੇ ਹਨ।
ਜਿਵੇਂ ਜਿਉਂ ਰਾਸ਼ਟਰੀ ਸਕੂਲ ਭੋਜਨ ਪ੍ਰੋਗਰਾਮ ਦੇਸ਼ ਵਿੱਚ ਲਾਗੂ ਹੋ ਰਿਹਾ ਹੈ, ਨੀਤੀ-ਨਿਰਧਾਰਕ ਉਮੀਦ ਕਰਦੇ ਹਨ ਕਿ ਇਹ ਨਾ ਸਿਰਫ ਪਰਿਵਾਰਾਂ ਉੱਤੇ ਵਿੱਤੀ ਦਬਾਅ ਨੂੰ ਘਟਾਏਗਾ, ਸਗੋਂ ਸਿਹਤਮੰਦ ਅਤੇ ਸਮਾਨਤਾ ਵਾਲੇ ਸਿੱਖਿਆਜੋਗ ਵਾਤਾਵਰਣ ਦਾ ਨਿਰਮਾਣ ਕਰੇਗਾ।
