ਗਰੇਟਰ ਟੋਰਾਂਟੋ ਇਲਾਕੇ ਵਿੱਚ ਕੈਨੇਡਾ ਬਾਰਡਰ ਸਰਵਿਸਿਜ਼ ਏਜੰਸੀ (CBSA) ਨੇ ਇਕ ਕਮਰਸ਼ੀਅਲ ਸ਼ਿਪਮੈਂਟ ਤੋਂ 2.2 ਕਿਲੋਗ੍ਰਾਮ ਅਫ਼ੀਮ ਬਰਾਮਦ ਕੀਤੀ ਹੈ। ਇਹ ਅਫ਼ੀਮ ਚਵਨਪ੍ਰਾਸ਼ ਦੇ ਡੱਬਿਆਂ ਵਿੱਚ ਛਿਪਾਈ ਗਈ ਸੀ, ਜਿਸ ਨੂੰ ਕੈਨੇਡਾ ਭੇਜਣ ਦੀ ਕੋਸ਼ਿਸ਼ ਕੀਤੀ ਗਈ। ਅਜਿਹੀ ਤਸਕਰੀ ਦੀ ਮਾਮੂਲੀ ਮਿਸਾਲ ਦੇਖਣ ਨੂੰ ਮਿਲਦੀ ਹੈ, ਜਿਥੇ ਚਵਨਪ੍ਰਾਸ਼ ਅਤੇ ਅਫ਼ੀਮ ਦੇ ਰੰਗ ਵਿੱਚ ਸਮਾਨਤਾ ਦੇ ਫਾਇਦੇ ਉਠਾ ਕੇ ਇਸ ਨੂੰ ਕੈਨੇਡਾ ਤੱਕ ਪਹੁੰਚਾਉਣ ਦੀ ਯੋਜਨਾ ਬਣਾਈ ਗਈ।
CBSA ਨੇ ਹਾਲਾਂਕਿ ਅਫ਼ੀਮ ਦੇ ਸਰੋਤ ਬਾਰੇ ਕੋਈ ਸਪਸ਼ਟ ਜਾਣਕਾਰੀ ਸਾਂਝੀ ਨਹੀਂ ਕੀਤੀ, ਪਰ ਇਹ ਪਹਿਲਾ ਮੌਕਾ ਨਹੀਂ ਜਦੋਂ ਭਾਰਤ ਤੋਂ ਮਠਿਆਈ ਦੇ ਡੱਬਿਆਂ ਜਾਂ ਹੋਰ ਚਲਾਕ ਤਰੀਕਿਆਂ ਨਾਲ ਅਫ਼ੀਮ ਭੇਜਣ ਦੀ ਕੋਸ਼ਿਸ਼ ਕੀਤੀ ਗਈ ਹੋਵੇ। ਚਵਨਪ੍ਰਾਸ਼ ਵਰਗੇ ਉਤਪਾਦ ਦੀ ਪੈਕਿੰਗ ਨੇ ਤਸਕਰਾਂ ਨੂੰ ਇੱਕ ਸੌਖੀ ਡਹੋਣੀ ਮੁਹੱਈਆ ਕਰਵਾਈ। ਇਸ ਮਾਮਲੇ ਵਿੱਚ ਸ਼ਿਪਮੈਂਟ ਮੰਗਵਾਉਣ ਵਾਲੇ ਦੇ ਨਾਂ ਜਾਂ ਹੋਰ ਬਾਹਰਲੇ ਜੁੜੇ ਲੋਕਾਂ ਬਾਰੇ ਜਾਣਕਾਰੀ ਮੀਡੀਆ ਨੂੰ ਜਾਰੀ ਨਹੀਂ ਕੀਤੀ ਗਈ ਹੈ।
ਇਸ ਦੇ ਨਾਲ ਹੀ, ਪੀਲ ਰੀਜਨਲ ਪੁਲਿਸ ਨੇ 2024 ਵਿੱਚ ਹੁਣ ਤੱਕ 205 ਗੈਰਕਾਨੂੰਨੀ ਹਥਿਆਰ ਜਬਤ ਕੀਤੇ ਹਨ। ਸਟ੍ਰੈਟੇਜਿਕ ਐਂਡ ਟੈਕਟੀਕਲ ਐਨਫੋਰਸਮੈਂਟ ਟੀਮ ਨੇ 53 ਹਥਿਆਰ, 63 ਮੈਗਜ਼ੀਨ, ਅਤੇ 915 ਗੋਲੀਆਂ ਬਰਾਮਦ ਕੀਤੀਆਂ ਹਨ। ਮੁਖੀ ਨਿਸ਼ਾਨ ਦੁਰਈਅੱਪਾ ਨੇ ਕਿਹਾ ਕਿ 2023 ਦੇ ਮੁਕਾਬਲੇ ਗੈਰਕਾਨੂੰਨੀ ਹਥਿਆਰਾਂ ਦੀ ਬਰਾਮਦਗੀ ਦੋ ਗੁਣਾ ਅਤੇ 2022 ਦੇ ਮੁਕਾਬਲੇ ਤਿੰਨ ਗੁਣਾ ਵਧ ਗਈ ਹੈ। ਇਸ ਕਾਰਵਾਈ ਵਿੱਚ 50 ਸ਼ੱਕੀਆਂ ਦੀ ਗ੍ਰਿਫ਼ਤਾਰੀ ਹੋਈ ਅਤੇ 461 ਕ੍ਰਿਮਿਨਲ ਦੋਸ਼ ਲਗਾਏ ਗਏ ਹਨ।
ਉਹਨਾਂ ਇਹ ਵੀ ਦੱਸਿਆ ਕਿ ਬਰਾਮਦ ਕੀਤੇ ਗਏ ਹਥਿਆਰਾਂ ਵਿੱਚੋਂ 41 ਹਥਿਆਰ ਅਮਰੀਕਾ ਦੇ ਸਰੋਤ ਨਾਲ ਜੁੜੇ ਹੋ ਸਕਦੇ ਹਨ। ਇਸ ਮਾਮਲੇ ਵਿੱਚ ਕੁਝ ਹੋਰ ਹਥਿਆਰਾਂ ਦੀ ਪੜਤਾਲ ਜਾਰੀ ਹੈ। ਕੈਨੇਡਾ ਵਿੱਚ ਹਥਿਆਰਾਂ ਅਤੇ ਨਸ਼ਿਆਂ ਦੀ ਤਸਕਰੀ ਰੋਕਣ ਲਈ ਸਰਕਾਰ ਅਤੇ ਏਜੰਸੀਆਂ ਵੱਲੋਂ ਲਗਾਤਾਰ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
