ਭਾਰਤੀ ਕਿਸਾਨ ਯੂਨੀਅਨ ਦੇ ਆਗੂ ਰਾਕੇਸ਼ ਟਿਕੈਤ ਦਾ ਸ਼ੁੱਕਰਵਾਰ ਨੂੰ ਸੀਡੀਐਸ ਜਨਰਲ ਬਿਪਿਨ ਰਾਵਤ ਦੇ ਘਰ ਦੇ ਬਾਹਰ ‘ਗੋ ਬੈਕ’ ਦੇ ਨਾਅਰਿਆਂ ਨਾਲ ਵਿਰੋਧ ਕੀਤਾ ਗਿਆ, ਜਦੋਂ ਉਹ ਸ਼ਹੀਦ ਅਧਿਕਾਰੀ ਨੂੰ ਅੰਤਿਮ ਸ਼ਰਧਾਂਜਲੀ ਦੇਣ ਲਈ ਜਾ ਰਹੇ ਸਨ।
ਜਨਰਲ ਦੀ ਰਿਹਾਇਸ਼ ਦੇ ਆਲੇ ਦੁਆਲੇ ਇਕੱਠੇ ਹੋਏ ਲੋਕਾਂ ਦੀ ਇੱਕ ਵੱਡੀ ਭੀੜ ਨੇ ‘ਗੋ ਬੈਕ ਰਾਕੇਸ਼ ਟਿਕੈਤ’ ਦੇ ਨਾਅਰੇ ਲਗਾਏ, ਕਿਉਂਕਿ ਬੀਕੇਯੂ ਨੇਤਾ ਨੇ ਸ਼ਰਧਾਂਜਲੀ ਦੇਣ ਲਈ ਸੀਡੀਐਸ ਦੇ ਘਰ ਜਾਣ ਦੀ ਕੋਸ਼ਿਸ਼ ਕੀਤੀ।
‘ਗੋ ਬੈਕ ਰਾਕੇਸ਼ ਟਿਕੈਤ’ ਤੋਂ ਇਲਾਵਾ, ਲੋਕਾਂ ਨੇ ‘ਰਾਕੇਸ਼ ਟਿਕੈਤ ਮੁਰਦਾਬਾਦ’, ‘ਦੇਸ਼ ਡਰੋਹੀ (ਗੱਦਾਰ) ਰਾਕੇਸ਼ ਟਿਕੈਤ’ ਦੇ ਨਾਅਰੇ ਵੀ ਲਗਾਏ ਅਤੇ ਉਨ੍ਹਾਂ ਨੇ ਬੀਕੇਯੂ ਨੇਤਾ ਦੀ ਮ੍ਰਿਤਕ ਸੀਡੀਐਸ ਦੀ ਰਿਹਾਇਸ਼ ‘ਤੇ ਜਾਣ ਦਾ ਵਿਰੋਧ ਕੀਤਾ। ਜਿਵੇਂ ਹੀ ਰਾਕੇਸ਼ ਟਿਕੈਤ ਨੇ ਸੀਡੀਐਸ ਜਨਰਲ ਦੀ ਰਿਹਾਇਸ਼ ਦੇ ਬਾਹਰ ਲੱਗੇ ਬੈਰੀਕੇਡਾਂ ਵਿੱਚੋਂ ਲੰਘਣ ਦੀ ਕੋਸ਼ਿਸ਼ ਕੀਤੀ ਤਾਂ ਲੋਕਾਂ ਦੇ ਇੱਕ ਸਮੂਹ ਨੇ ਉਨ੍ਹਾਂ ਦੇ ਦਾਖਲੇ ਦਾ ਵਿਰੋਧ ਕਰਨਾ ਸ਼ੁਰੂ ਕਰ ਦਿੱਤਾ ਅਤੇ ਉਨ੍ਹਾਂ ਦੇ ਖਿਲਾਫ ਨਾਅਰੇਬਾਜ਼ੀ ਕੀਤੀ। ਇਸ ਪੂਰੀ ਘਟਨਾ ਦੀ ਵੀਡੀਓ ਕਾਫੀ ਵਾਇਰਲ ਹੋ ਰਹੀ ਹੈ।
