ਆਲੂਆਂ ਦੀ ਕਮੀ ਕਾਰਨ ਜਾਪਾਨੀ ਸਪਲਾਈ ਲੜੀ ਪ੍ਰਭਾਵਤ ਹੋ ਰਹੀ ਹੈ।ਮੈਕਡੋਨਲਡਜ਼ ਨੂੰ ਇਨ੍ਹਾਂ ਦਿਨਾਂ ‘ਚ ਫ੍ਰੈਂਚ ਫਰਾਈਜ਼ ‘ਚ ਕਟੌਤੀ ਕਰਨ ਲਈ ਮਜਬੂਰ ਕਰ ਦਿੱਤਾ ਹੈ। ਕੋਵਿਡ-19 ਤੇ ਕੈਨੇਡਾ ‘ਚ ਆਏ ਹੜ੍ਹਾਂ ਕਾਰਨ ਆਲੂਆਂ ਦੀ ਦਰਾਮਦ ਘੱਟ ਗਈ ਹੈ, ਜਿਸ ਦੇ ਕਾਰਨ ਇਹ ਕਮੀ ਆਈ ਹੈ। ਮੈਕਡੋਨਲਡਜ਼ ਜਾਪਾਨ ਨੇ ਕਿਹਾ ਕਿ ਉਹ ਕਮੀ ਤੋਂ ਬਚਣ ਲਈ ਸ਼ੁੱਕਰਵਾਰ ਤੋਂ ਹਫ਼ਤੇ ‘ਚ ਸਿਰਫ 1 ਦਿਨ ਛੋਟੇ ਆਕਾਰ ਦੇ ਫਰੈਂਚ ਫਰਾਈਜ਼ ਵੇਚੇਗਾ।
ਮੈਕਡੋਨਲਡਜ਼ ਨੇ ਕਿਹਾ, “ਵੈਨਕੂਵਰ ਦੀ ਬੰਦਰਗਾਹ ਦੇ ਨੇੜੇ ਭਾਰੀ ਹੜ੍ਹਾਂ ਕਾਰਨ ਗਲੋਬਲ ਸਪਲਾਈ ਚੇਨ ‘ਚ ਸੰਕਟ ਪੈਦਾ ਹੋ ਗਿਆ ਹੈ ਤੇ ਕੋਰੋਨਾਵਾਇਰਸ ਮਹਾਂਮਾਰੀ ਕਾਰਨ ਆਲੂਆਂ ਦੀ ਸਪਲਾਈ ‘ਚ ਦੇਰੀ ਹੋ ਰਹੀ ਹੈ। ਕੰਪਨੀ ਨੇ ਕਿਹਾ ਕਿ ਉਸਨੇ ਇਹ ਯਕੀਨੀ ਬਣਾਉਣ ਦੇ ਲਈ ਉਪਾਅ ਕੀਤੇ ਹਨ। ਗਾਹਕ ਹਲੇ ਵੀ ਫਰਾਈ ਦਾ ਆਰਡਰ ਦੇ ਸਕਦੇ ਹਨ, ਭਾਵੇਂ ਕਿ ‘ਸਰੋਤ ਸਮੱਗਰੀ ਦੀ ਸਥਿਰ ਖਰੀਦਦਾਰੀ’ ਮੁਸ਼ਕਲ ਸਾਬਤ ਹੋ ਰਹੀ ਹੈ। ਮੈਕਡੋਨਲਡ ਦੇ ਰੈਸਟੋਰੈਂਟਾਂ ਨੇ ਕਿਹਾ ਕਿ 20,000 ਡੌਕਵਰਕਰਾਂ ਤੇ ਟਰਮੀਨਲ ਆਪਰੇਟਰਾਂ ਤੇ ਸ਼ਿਿਪੰਗ ਲਾਈਨਾਂ ਵਿਚਕਾਰ ਲੰਬੇ ਵਿਵਾਦ ਦੇ ਕਾਰਨ ਉਨ੍ਹਾਂ ਨੂੰ ਅਮਰੀਕਾ ਦੇ ਪੱਛਮੀ ਤੱਟ ਉੱਤੇ 29 ਬੰਦਰਗਾਹਾਂ ਤੇ ਅਸਥਾਈ ਤੌਰ ਤੇ ਮੁਅੱਤਲ ਕਰ ਦਿੱਤਾ ਗਿਆ ਸੀ।
ਮੈਕਡੋਨਲਡਜ਼ ਜਾਪਾਨ ਨੇ ਹਵਾਈ ਦੁਆਰਾ 1,000 ਟਨ ਫਰੋਜ਼ਨ ਫਰਾਈਜ਼ ਨੂੰ ਆਯਾਤ ਕਰਨ ਦੇ ਲਈ ਇੱਕ ਐਮਰਜੈਂਸੀ ਕਦਮ ਵੀ ਚੁੱਕਿਆ ਹੈ। ਇਸ ਦੌਰਾਨ, ਜਾਪਾਨ ਦੇ ਟੋਇਟਾ ਸਮੇਤ ਕਾਰ ਨਿਰਮਾਤਾਵਾਂ ਨੇ ਮਹਾਮਾਰੀ ਦਰਮਿਆਨ ਸ਼ੁਰੂ ਹੋਈ ਗਲੋਬਲ ਮਾਈਕ੍ਰੋਚਿੱਪ ਦੀ ਘਾਟ ਅਜੇ ਵੀ ਜਾਰੀ ਹੈ ਜਿਸ ਦੇ ਕਾਰਨ ਦੱਖਣ-ਪੂਰਬੀ ਏਸ਼ੀਆ ‘ਚ ਸੰਕਟ ਤੇ ਸਪਲਾਈ ਚੇਨ ਦੀ ਸਮੱਸਿਆਵਾਂ ਦੇ ਕਾਰਨ ਉਤਪਾਦਨ ‘ਚ ਕਟੌਤੀ ਦਾ ਐਲਾਨ ਕੀਤਾ ਹੈ।
30 ਦਸੰਬਰ ਤੱਕ ਇਸੇ ਤਰ੍ਹਾਂ ਹੀ ਰਹੇਗਾ
ਮੈਕਡੋਨਲਡਜ਼ ਦਾ ਕਹਿਣਾ ਹੈ ਕਿ ਉਸਨੂੰ ਆਲੂਆਂ ਦੀ ਸ਼ਿਪਮੈਂਟ ‘ਚ ਦੇਰੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ, ਜਿਸ ਦੇ ਕਾਰਨ ਸ਼ੁੱਕਰਵਾਰ ਤੋਂ 30 ਦਸੰਬਰ ਤੱਕ ਜਾਪਾਨ ‘ਚ ਸਿਰਫ ਛੋਟੇ ਪੋਰਸ਼ਨ ਦੇ ਫਰੈਂਚ ਫਰਾਈਜ਼ ਹੀ ਵੇਚੇ ਜਾਣਗੇ। ਜਾਪਾਨ ਵਿੱਚ 30 ਦਸੰਬਰ ਤੱਕ ਮੱਧਮ ਆਕਾਰ ਤੇ ਵੱਡੇ ਆਕਾਰ ਦੇ ਫਰੈਂਚ ਫਰਾਈਜ਼ ਦੀ ਵਿਕਰੀ ਨਹੀਂ ਹੋਵੇਗੀ।ਦੱਸ ਦਈਏ ਕਿ ਇਹ ਫੈਸਲਾ ਚਿਪਸ ਦੀ ਕਮੀ ਕਾਰਨ ਲਿਆ ਗਿਆ ਹੈ।
