ਨੋਵਾ ਸਕੋਸ਼ੀਆ ਨਾਲ ਵੱਡਾ ਸਮਝੌਤਾ, ਵਾਤਾਵਰਣ ਮਨਜ਼ੂਰੀ ਪ੍ਰਕਿਰਿਆ ਹੋਵੇਗੀ ਆਸਾਨ |

Canada Environmental Deal: ਕਾਰਨੀ ਦਾ ਨੋਵਾ ਸਕੋਸ਼ੀਆ ਨਾਲ ਸਮਝੌਤਾ |

ਕੈਨੇਡਾ ਵਿੱਚ ਵੱਡੇ ਇੰਫਰਾਸਟਰਕਚਰ ਅਤੇ ਰਿਸੋਰਸ ਪ੍ਰੋਜੈਕਟਾਂ ਲਈ ਮਨਜ਼ੂਰੀ ਪ੍ਰਕਿਰਿਆ ਨੂੰ ਤੇਜ਼ ਕਰਨ ਵਾਸਤੇ ਇੱਕ ਮਹੱਤਵਪੂਰਨ ਕਦਮ ਚੁੱਕਿਆ ਗਿਆ ਹੈ। Canada Environmental Deal ਤਹਿਤ ਫੈਡਰਲ ਸਰਕਾਰ ਅਤੇ ਨੋਵਾ ਸਕੋਸ਼ੀਆ ਨੇ ਨਵਾਂ ਸਮਝੌਤਾ ਕੀਤਾ ਹੈ।

ਪ੍ਰਧਾਨ ਮੰਤਰੀ Mark Carney ਅਤੇ ਨੋਵਾ ਸਕੋਸ਼ੀਆ ਦੇ ਪ੍ਰੀਮੀਅਰ Tim Houston ਨੇ ਹੈਲਿਫੈਕਸ ਵਿੱਚ ਇਸ ਸਮਝੌਤੇ ਦਾ ਐਲਾਨ ਕੀਤਾ।

ਇਸ ਸਮਝੌਤੇ ਨੂੰ “one project, one review” ਮਾਡਲ ਦਾ ਨਾਮ ਦਿੱਤਾ ਗਿਆ ਹੈ, ਜਿਸ ਦਾ ਮਤਲਬ ਹੈ ਕਿ ਹੁਣ ਵੱਡੇ ਪ੍ਰੋਜੈਕਟਾਂ ਲਈ ਫੈਡਰਲ ਅਤੇ ਪ੍ਰੋਵਿੰਸ਼ੀਅਲ ਦੋਵਾਂ ਵੱਲੋਂ ਵੱਖ-ਵੱਖ ਮਨਜ਼ੂਰੀਆਂ ਦੀ ਥਾਂ ਇੱਕੋ ਰਿਵਿਊ ਕੀਤਾ ਜਾਵੇਗਾ।

ਸਰਕਾਰ ਦੇ ਅਨੁਸਾਰ, Canada Environmental Deal ਨਾਲ ਬੇਲੋੜੀ ਦੁਹਰਾਈ ਨੂੰ ਖਤਮ ਕੀਤਾ ਜਾਵੇਗਾ, ਮਨਜ਼ੂਰੀ ਦਾ ਸਮਾਂ ਘਟੇਗਾ ਅਤੇ ਨਿਯਮਾਂ ਵਿੱਚ ਸਪਸ਼ਟਤਾ ਆਵੇਗੀ।

ਇਹ ਨਵਾਂ ਮਾਡਲ ਹਰ ਪ੍ਰੋਜੈਕਟ ‘ਤੇ ਲਾਗੂ ਨਹੀਂ ਹੋਵੇਗਾ। ਇਸ ਦੀ ਵਰਤੋਂ ਪ੍ਰੋਵਿੰਸ ਵੱਲੋਂ ਪ੍ਰੋਜੈਕਟ-ਟੂ-ਪ੍ਰੋਜੈਕਟ ਅਧਾਰ ‘ਤੇ ਕੀਤੀ ਜਾਵੇਗੀ।

ਜਿਨ੍ਹਾਂ ਪ੍ਰੋਜੈਕਟਾਂ ਨੂੰ ਇਸ ਤੋਂ ਫਾਇਦਾ ਹੋਵੇਗਾ, ਉਨ੍ਹਾਂ ਵਿੱਚ ਊਰਜਾ ਲਾਈਨਾਂ, ਏਅਰਪੋਰਟ, ਪੋਰਟ, ਪਾਈਪਲਾਈਨ ਅਤੇ ਮਾਈਨਿੰਗ ਪ੍ਰੋਜੈਕਟ ਸ਼ਾਮਲ ਹਨ। ਇਸ ਤੋਂ ਇਲਾਵਾ, ਨੋਵਾ ਸਕੋਸ਼ੀਆ ਦਾ ਵੱਡਾ Wind West ਪ੍ਰੋਜੈਕਟ ਵੀ ਇਸ ਦੇ ਅਧੀਨ ਆ ਸਕਦਾ ਹੈ।

ਕਾਰਨੀ ਨੇ ਕਿਹਾ ਕਿ ਇਸ ਸਮਝੌਤੇ ਨਾਲ “Build big, build fast” ਦੇ ਲਕਸ਼ ਨੂੰ ਹਾਸਲ ਕਰਨ ਵਿੱਚ ਮਦਦ ਮਿਲੇਗੀ ਅਤੇ ਦੇਸ਼ ਵਿੱਚ ਨਵੀਆਂ ਨੌਕਰੀਆਂ ਪੈਦਾ ਹੋਣਗੀਆਂ।

ਉਨ੍ਹਾਂ ਇਹ ਵੀ ਕਿਹਾ ਕਿ ਇਹ ਕਦਮ ਕੈਨੇਡਾ ਨੂੰ ਇੱਕ ਗਲੋਬਲ ਕਲੀਨ ਐਨਰਜੀ ਸੁਪਰਪਾਵਰ ਬਣਾਉਣ ਵੱਲ ਇੱਕ ਵੱਡਾ ਕਦਮ ਸਾਬਤ ਹੋ ਸਕਦਾ ਹੈ।