Carney pipeline deal: ਕਾਰਨੀ ਅਲਬਰਟਾ ਨਾਲ ਸਮਝੌਤਾ ਲਿਆਉਣ ਦੀ ਤਿਆਰੀ ‘ਚ

Carney pipeline deal ਅਲਬਰਟਾ ਨਾਲ ਸਮਝੌਤੇ ਦੇ ਨੇੜੇ !

ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਵੀਰਵਾਰ ਨੂੰ ਅਲਬਰਟਾ ਨਾਲ Carney pipeline deal ਸਾਹਮਣੇ ਲਿਆਉਣ ਵਾਲੇ ਹਨ, ਜਿਸ ਨਾਲ ਨਵੀਂ ਤੇਲ ਪਾਈਪਲਾਈਨ ਦਾ ਰਾਹ ਸਾਫ਼ ਹੋ ਸਕਦਾ ਹੈ ਅਤੇ ਇਸਦੇ ਨਾਲ ਕੁਝ ਫੈਡਰਲ ਕਲਾਈਮਟ ਨੀਤੀਆਂ ਨੂੰ ਪਿੱਛੇ ਹਟਾਇਆ ਜਾ ਸਕਦਾ ਹੈ। ਇਸਦੇ ਬਦਲੇ ਅਲਬਰਟਾ ਵੱਲੋਂ ਹੋਰ ਮਜ਼ਬੂਤ ਵਾਤਾਵਰਣੀ ਨਿਯਮ ਲਾਗੂ ਕਰਨ ਦੀ ਸੰਭਾਵਨਾ ਹੈ।

ਅਲਬਰਟਾ ਦੀ ਪ੍ਰੀਮੀਅਰ ਡੈਨੀਐਲ ਸਮਿਥ ਪਹਿਲਾਂ ਹੀ ਕਹਿ ਚੁੱਕੀ ਹੈ ਕਿ ਉਨ੍ਹਾਂ ਦੀ ਸਰਕਾਰ ਓਟਾਵਾ ਨਾਲ ਇੱਕ “ਗ੍ਰੈਂਡ ਬਾਰਗੈਨ” ‘ਤੇ ਗੱਲਬਾਤ ਕਰ ਰਹੀ ਹੈ, ਜਿਸ ਨਾਲ Pathways Alliance ਦਾ ਕਾਰਬਨ-ਕੈਪਚਰ ਪ੍ਰੋਜੈਕਟ ਅਤੇ ਵੈਸਟ ਕੋਸਟ ਵੱਲ ਨਵੀਂ ਤੇਲ ਪਾਈਪਲਾਈਨ ਇਕੱਠੇ ਅੱਗੇ ਵਧ ਸਕਦੇ ਹਨ।

ਬੁੱਧਵਾਰ ਨੂੰ ਓਟਾਵਾ ਵਿੱਚ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ, ਕਾਰਨੀ ਨੇ ਕਿਹਾ ਕਿ ਇਹ Carney pipeline deal ਸਿਰਫ਼ ਇੱਕ ਮੁੱਦੇ ਤੱਕ ਸੀਮਿਤ ਨਹੀਂ ਹੈ।

“ਇਹ ਸੌਦਾ ਸਾਡੀ ਅਰਥਵਿਵਸਥਾ ਬਣਾਉਣ, ਕੈਨੇਡਾ ਨੂੰ ਹੋਰ ਸੁਤੰਤਰ ਅਤੇ ਇਸਨੂੰ ਟਿਕਾਊ ਬਣਾਉਣ ਬਾਰੇ ਹੈ,” — ਮਾਰਕ ਕਾਰਨੀ

🔹 ਟੈਂਕਰ ਬੈਨ ‘ਤੇ ਵੱਡਾ ਸਵਾਲ

ਪਾਈਪਲਾਈਨ ਨੂੰ ਸਮੁੰਦਰ ਤੱਕ ਪਹੁੰਚਾਉਣ ਦੇ ਰਸਤੇ ਵਿੱਚ ਸਭ ਤੋਂ ਵੱਡੀ ਰੁਕਾਵਟ ਬ੍ਰਿਟਿਸ਼ ਕੋਲੰਬੀਆ ਦੇ ਉੱਤਰੀ ਤੱਟ ‘ਤੇ ਲਾਗੂ ਟੈਂਕਰ ਬੈਨ ਹੈ, ਜਿਸਨੂੰ 2019 ਵਿੱਚ ਜਸਟਿਨ ਟਰੂਡੋ ਦੀ ਸਰਕਾਰ ਨੇ ਕਾਨੂੰਨ ਬਣਾਇਆ ਸੀ।

ਅਲਬਰਟਾ ਇਸ ਬੈਨ ਨੂੰ ਹਟਾਉਣ ਲਈ ਲੰਮੇ ਸਮੇਂ ਤੋਂ ਦਬਾਅ ਬਣਾ ਰਿਹਾ ਹੈ, ਪਰ B.C. ਦੇ ਪ੍ਰੀਮੀਅਰ ਡੇਵਿਡ ਏਬੀ ਅਤੇ ਕੋਸਟਲ ਫ਼ਸਟ ਨੇਸ਼ਨਜ਼ ਨੇ ਸਪੱਸ਼ਟ ਕੀਤਾ ਹੈ ਕਿ ਉਹ ਪਾਈਪਲਾਈਨ ਨੂੰ ਉੱਤਰੀ ਤੱਟ ਵੱਲ ਨਹੀਂ ਜਾਣ ਦੇਣਗੇ।

ਕਾਰਨੀ ਨੇ ਵੀ ਕਿਹਾ ਹੈ ਕਿ ਕੋਈ ਵੀ ਪਾਈਪਲਾਈਨ ਬਿਨਾ B.C. ਅਤੇ ਫ਼ਸਟ ਨੇਸ਼ਨਜ਼ ਦੀ ਮਨਜ਼ੂਰੀ ਦੇ ਅੱਗੇ ਨਹੀਂ ਵੱਧੇਗੀ।
ਜਦੋਂ ਪੁੱਛਿਆ ਗਿਆ ਕਿ ਕੀ ਉਹਨਾਂ ਨੇ ਅਲਬਰਟਾ ਨੂੰ ਟੈਂਕਰ ਬੈਨ ਹਟਾਉਣ ਦਾ ਭਰੋਸਾ ਦਿੱਤਾ ਹੈ, ਕਾਰਨੀ ਨੇ ਸਿੱਧਾ ਜਵਾਬ ਨਹੀਂ ਦਿੱਤਾ।

“ਇਹ ਸਵਾਲ ਕੱਲ੍ਹ ਲਈ,” — ਮਾਰਕ ਕਾਰਨੀ

🔹 ਕਾਰਬਨ ਪ੍ਰਾਇਸਿੰਗ ਅਤੇ ਉਦਯੋਗੀ ਨੀਤੀਆਂ

ਮੋਅੂ (MOU) ਵਿੱਚ ਅਲਬਰਟਾ ਦੀ ਉਦਯੋਗੀ ਕਾਰਬਨ ਪ੍ਰਾਇਸਿੰਗ ਸਿਸਟਮ ਨੂੰ ਬਦਲਣ ਬਾਰੇ ਵੀ ਮਸਲੇ ਸ਼ਾਮਲ ਹੋਣ ਦੀ ਸੰਭਾਵਨਾ ਹੈ।
ਅਲਬਰਟਾ ਨੇ ਉਦਯੋਗੀ ਕਾਰਬਨ ਕੀਮਤ 2026 ਤੱਕ $95 ਪ੍ਰਤੀ ਟਨ ਰੱਖਣ ਦਾ ਐਲਾਨ ਕੀਤਾ ਸੀ, ਜੋ ਫੈਡਰਲ ਬੈਕਸਟਾਪ ਨਾਲ ਮੇਲ ਨਹੀਂ ਖਾਂਦੀ, ਕਿਉਂਕਿ ਫੈਡਰਲ ਕੀਮਤ 2025 ਵਿੱਚ $110 ਪ੍ਰਤੀ ਟਨ ਹੋ ਜਾਏਗੀ।

Carney pipeline deal ਅਲਬਰਟਾ ਨਾਲ ਸਮਝੌਤੇ ਦੇ ਨੇੜੇ !

ਫੈਡਰਲ ਸਰਕਾਰ ਆਪਣੀ ਕਲਾਈਮਟ ਕੰਪਟੀਟਿਵਨੈੱਸ ਸਟ੍ਰੈਟੇਜੀ ਵਿੱਚ ਉਦਯੋਗੀ ਕਾਰਬਨ ਕੀਮਤ ਨੂੰ ਮਜ਼ਬੂਤ ਕਰਨ ‘ਤੇ ਨਿਰਭਰ ਕਰ ਰਹੀ ਹੈ।
ਇਸ ਸਿਸਟਮ ਤਹਿਤ:

• ਕੰਪਨੀਆਂ ਉਤਸਰਜਨ ਕੈਪ ਤੋਂ ਘੱਟ ਆਉਣ ‘ਤੇ ਕ੍ਰੈਡਿਟ ਬਣਾਉਂਦੀਆਂ ਹਨ
• ਕ੍ਰੈਡਿਟ ਉੱਚੇ ਦਾਮਾਂ ‘ਤੇ ਵਿਕਣੇ ਚਾਹੀਦੇ ਹਨ ਤਾਂ ਕਿ ਕੰਪਨੀਆਂ ਨਵੀਂ ਤਕਨਾਲੋਜੀ ਵਿੱਚ ਨਿਵੇਸ਼ ਕਰਨ ਲਈ ਪ੍ਰੇਰਿਤ ਹੋਣ

🔹 ਇਮੀਸ਼ਨ ਕੈਪ ਖਤਮ ਕਰਨ ਦਾ ਵੀ ਰਾਹ ਖੁੱਲਿਆ

ਕਾਰਨੀ ਦੀ ਨਵੀਂ ਕਲਾਈਮਟ ਸਟ੍ਰੈਟੇਜੀ ਵਿੱਚ ਤੇਲ ਅਤੇ ਗੈਸ ਕੰਪਨੀਆਂ ‘ਤੇ ਲਾਗੂ ਫੈਡਰਲ ਇਮੀਸ਼ਨ ਕੈਪ ਨੂੰ ਖਤਮ ਕਰਨ ਦੀ ਸੰਭਾਵਨਾ ਵੀ ਦਰਸਾਈ ਗਈ ਹੈ, ਜਿਸਦੀ ਅਲਬਰਟਾ ਅਤੇ ਉਦਯੋਗੀ ਗਰੁੱਪ ਕਾਫ਼ੀ ਸਮੇਂ ਤੋਂ ਮੰਗ ਕਰ ਰਹੇ ਹਨ।

ਪਰ ਇਹ ਤਦ ਹੀ ਸੰਭਵ ਹੋਵੇਗਾ ਜਦੋਂ:

• ਕਾਰਬਨ ਪ੍ਰਾਇਸਿੰਗ ਸਿਸਟਮ ਮਜ਼ਬੂਤ ਹੋਵੇ
• ਕਾਰਬਨ ਕੈਪਚਰ ਤਕਨੀਕ ਸਕੇਲ-ਅੱਪ ਹੋਵੇ
• ਮਿਥੇਨ ਇਮੀਸ਼ਨ ਕੱਟਣ ਲਈ ਨਵੇਂ ਨਿਯਮ ਲਾਗੂ ਕੀਤੇ ਜਾਣ

ਵੀਰਵਾਰ ਨੂੰ ਘੋਸ਼ਿਤ ਹੋਣ ਵਾਲਾ Carney pipeline deal ਕੈਨੇਡਾ ਦੀ ਊਰਜਾ ਨੀਤੀ, ਵਾਤਾਵਰਣੀ ਭਵਿੱਖ ਅਤੇ ਸੂਬਾਈ-ਕੇਂਦਰੀ ਸਬੰਧਾਂ ‘ਤੇ ਮਹੱਤਵਪੂਰਣ ਅਸਰ ਪਾ ਸਕਦਾ ਹੈ।