Save Max ਬ੍ਰੋਕਰੇਜਾਂ ’ਤੇ ਵੱਡੀ ਕਾਰਵਾਈ: RECO ਨੇ ਰਜਿਸਟ੍ਰੇਸ਼ਨ ਰੱਦ ਕਰਨ ਦੀ ਕਾਰਵਾਈ ਸ਼ੁਰੂ ਕੀਤੀ |
RECO Action: Save Max ਬ੍ਰੋਕਰੇਜਾਂ ’ਤੇ ਸਖ਼ਤ ਕਾਰਵਾਈ !
Ontario ਦੀ ਰੀਅਲ ਅਸਟੇਟ ਨਿਯੰਤਰਕ ਸੰਸਥਾ Real Estate Council of Ontario (RECO) ਵੱਲੋਂ Save Max ਨਾਲ ਸੰਬੰਧਤ ਚਾਰ ਬ੍ਰੋਕਰੇਜਾਂ ਅਤੇ ਦੋ ਵਿਅਕਤੀਆਂ ਖ਼ਿਲਾਫ਼ ਸਖ਼ਤ ਨਿਯਮਕ ਕਾਰਵਾਈ ਕੀਤੀ ਗਈ ਹੈ। ਇਹ RECO Action Trust in Real Estate Services Act, 2002 (TRESA) ਦੇ ਤਹਿਤ ਕੀਤੀ ਗਈ ਹੈ।
RECO ਦੀ ਜਾਂਚ ਦਸੰਬਰ 2024 ਵਿੱਚ ਮਿਲੀ ਇੱਕ ਸ਼ਿਕਾਇਤ ਤੋਂ ਬਾਅਦ ਸ਼ੁਰੂ ਹੋਈ ਸੀ। ਜਨਵਰੀ 2026 ਵਿੱਚ ਕੀਤੀਆਂ ਗਈਆਂ ਜਾਂਚਾਂ, ਇੰਸਪੈਕਸ਼ਨਾਂ ਅਤੇ ਤੀਸਰੇ ਪੱਖ ਵੱਲੋਂ ਕੀਤੀ ਗਈ ਫੋਰੈਂਸਿਕ ਸਮੀਖਿਆ ਵਿੱਚ ਸਾਹਮਣੇ ਆਇਆ ਕਿ ਲਗਭਗ $2.7 ਮਿਲੀਅਨ ਰਕਮ ਚਾਰ Real Estate Trust Accounts ਤੋਂ ਗੈਰਕਾਨੂੰਨੀ ਤੌਰ ’ਤੇ ਕੱਢੀ ਗਈ।
ਰਿਪੋਰਟ ਮੁਤਾਬਕ, ਇਹ ਰਕਮ ਅਕਸਰ ਮਹੀਨੇ ਦੇ ਅੰਤ ਤੋਂ ਪਹਿਲਾਂ ਵਾਪਸ ਪਾ ਦਿੱਤੀ ਜਾਂਦੀ ਸੀ, ਜਦੋਂ ਕਾਨੂੰਨ ਅਨੁਸਾਰ ਟਰੱਸਟ ਖਾਤਿਆਂ ਦੀ ਮਿਲਾਣੀ (reconciliation) ਲਾਜ਼ਮੀ ਹੁੰਦੀ ਹੈ। ਪਰ ਇਹ ਪੈਸਾ ਟਰੱਸਟ ਦੀਆਂ ਸ਼ਰਤਾਂ ਤੋਂ ਬਾਹਰ ਵਰਤਿਆ ਗਿਆ, ਜਿਵੇਂ ਕਿ ਲੋਨ ਦੀਆਂ ਕਿਸ਼ਤਾਂ, ਪ੍ਰਾਪਰਟੀ ਮੈਨੇਜਮੈਂਟ ਫੀਸਾਂ, ਟੈਕਸ, ਕਰੈਡਿਟ ਕਾਰਡ ਬਕਾਇਆ ਅਤੇ ਵੱਖ-ਵੱਖ ਸੇਵਾਵਾਂ ਲਈ ਭੁਗਤਾਨ। ਇਹ ਸਾਰੀ ਕਾਰਵਾਈ RECO Action ਅਧੀਨ ਗੰਭੀਰ ਉਲੰਘਣਾ ਮੰਨੀ ਗਈ ਹੈ।
RECO ਨੇ ਸਪਸ਼ਟ ਕੀਤਾ ਕਿ Trust Accounts ਗ੍ਰਾਹਕਾਂ ਦੇ ਪੈਸੇ ਸੁਰੱਖਿਅਤ ਰੱਖਣ ਲਈ ਹੁੰਦੇ ਹਨ ਅਤੇ ਇਨ੍ਹਾਂ ਨੂੰ ਸਿਰਫ਼ ਨਿਰਧਾਰਤ ਮਕਸਦ ਲਈ ਹੀ ਵਰਤਿਆ ਜਾ ਸਕਦਾ ਹੈ। ਕਿਸੇ ਵੀ ਕਿਸਮ ਦੀ ਗਲਤ ਵਰਤੋਂ ਗ੍ਰਾਹਕਾਂ ਦੇ ਭਰੋਸੇ ਨੂੰ ਟੁੱਟਦੀ ਹੈ ਅਤੇ ਰੀਅਲ ਅਸਟੇਟ ਪ੍ਰਣਾਲੀ ਦੀ ਸਾਖ ਨੂੰ ਨੁਕਸਾਨ ਪਹੁੰਚਾਉਂਦੀ ਹੈ।
ਇਸ RECO Action ਦੇ ਤਹਿਤ Raman Dua ਅਤੇ Nidhi Dua ਖ਼ਿਲਾਫ਼ ਰਜਿਸਟ੍ਰੇਸ਼ਨ ਰੱਦ ਕਰਨ ਦੀ ਨੋਟਿਸ ਅਤੇ ਤੁਰੰਤ ਸਸਪੈਂਸ਼ਨ ਆਰਡਰ ਜਾਰੀ ਕੀਤੇ ਗਏ ਹਨ। ਇਸ ਤੋਂ ਇਲਾਵਾ Save Max Real Estate Inc., Save Max First Choice, Save Max Supreme ਅਤੇ Save Max Ace Real Estate ’ਤੇ ਵੀ ਤੁਰੰਤ ਸਸਪੈਂਸ਼ਨ ਅਤੇ Freeze Orders ਲਗਾਏ ਗਏ ਹਨ।
3 ਫਰਵਰੀ 2026 ਨੂੰ RECO ਨੇ ਇਨ੍ਹਾਂ ਬ੍ਰੋਕਰੇਜਾਂ ਦੇ ਬੈਂਕ ਖਾਤਿਆਂ ਨੂੰ ਫ੍ਰੀਜ਼ ਕਰ ਦਿੱਤਾ, ਤਾਂ ਜੋ ਗ੍ਰਾਹਕਾਂ ਦੀ ਜਮ੍ਹਾਂ ਰਕਮ ਸੁਰੱਖਿਅਤ ਰਹੇ। ਹੁਣ ਇਨ੍ਹਾਂ ਫੰਡਾਂ ਤੱਕ ਪਹੁੰਚ ਲਈ ਇਨਸ਼ੋਰੈਂਸ ਕਲੇਮ ਪ੍ਰਕਿਰਿਆ ਰਾਹੀਂ ਜਾਣਾ ਪਵੇਗਾ।
RECO ਨੇ ਇਹ ਵੀ ਦੱਸਿਆ ਕਿ ਹੋਰ Ontario ਵਿੱਚ ਸਥਿਤ Save Max ਬ੍ਰੋਕਰੇਜਾਂ ਦੀ ਜਾਂਚ ਦੌਰਾਨ ਕਿਸੇ ਵੱਡੀ ਗੜਬੜ ਦਾ ਪਤਾ ਨਹੀਂ ਲੱਗਿਆ। ਸੰਸਥਾ ਅਨੁਸਾਰ, ਇਹ RECO Action ਗ੍ਰਾਹਕਾਂ ਦੇ ਹਿੱਤਾਂ ਦੀ ਰੱਖਿਆ ਅਤੇ ਰੀਅਲ ਅਸਟੇਟ ਸੈਕਟਰ ਵਿੱਚ ਭਰੋਸਾ ਕਾਇਮ ਰੱਖਣ ਲਈ ਬਹੁਤ ਜ਼ਰੂਰੀ ਹੈ।
