Canada ਦੀ ਫਿਲਮ ਇੰਡਸਟਰੀ ‘ਚ South Asian ਆਵਾਜ਼ਾਂ ਦੀ ਘੱਟ ਨੁਮਾਇੰਦਗੀ, ਨਵਾਂ ਰਿਸਰਚ ਪ੍ਰੋਜੈਕਟ ਸ਼ੁਰੂ |
South Asian ਨੁਮਾਇੰਦਗੀ ‘ਤੇ Canada ਵਿੱਚ ਨਵਾਂ ਰਿਸਰਚ |
ਕੈਨੇਡਾ ਦੀ ਸਕ੍ਰੀਨ ਇੰਡਸਟਰੀ ਵਿੱਚ South Asian ਭਾਈਚਾਰੇ ਦੀ ਘੱਟ ਨੁਮਾਇੰਦਗੀ ਨੂੰ ਲੈ ਕੇ ਇੱਕ ਮਹੱਤਵਪੂਰਨ ਕਦਮ ਚੁੱਕਿਆ ਗਿਆ ਹੈ। ਟੋਰਾਂਟੋ ਵਿੱਚ South Asian Screen Office of Canada (SASO Canada) ਵੱਲੋਂ ਇੱਕ ਨਵਾਂ ਨੈਸ਼ਨਲ ਰਿਸਰਚ ਪ੍ਰੋਜੈਕਟ ਸ਼ੁਰੂ ਕੀਤਾ ਗਿਆ ਹੈ, ਜਿਸਦਾ ਮਕਸਦ ਫਿਲਮ ਅਤੇ ਟੈਲੀਵਿਜ਼ਨ ਖੇਤਰ ਵਿੱਚ South-Asian ਕਲਾਕਾਰਾਂ ਅਤੇ ਪੇਸ਼ੇਵਰਾਂ ਦੀ ਸਥਿਤੀ ਨੂੰ ਸਮਝਣਾ ਅਤੇ ਮਜ਼ਬੂਤ ਕਰਨਾ ਹੈ।
ਇਹ ਪ੍ਰੋਜੈਕਟ ਟੋਰਾਂਟੋ ਮੈਟਰੋਪੋਲਿਟਨ ਯੂਨੀਵਰਸਿਟੀ ਵਿੱਚ ਲਾਂਚ ਕੀਤਾ ਗਿਆ। ਪ੍ਰੋਜੈਕਟ ਡਾਇਰੈਕਟਰ ਸਨੀ ਗਿੱਲ ਨੇ ਕਿਹਾ ਕਿ ਮੁੱਦਾ ਇਹ ਨਹੀਂ ਕਿ South Asian ਭਾਈਚਾਰੇ ਦੀ ਮੌਜੂਦਗੀ ਨਹੀਂ ਹੈ, ਸਗੋਂ ਇਹ ਹੈ ਕਿ ਮੌਜੂਦਾ ਡਾਟਾ ਸਿਸਟਮਾਂ ਵਿੱਚ ਇਸ ਭਾਈਚਾਰੇ ਨੂੰ ਵੱਡੀਆਂ ਸ਼੍ਰੇਣੀਆਂ ਵਿੱਚ ਸ਼ਾਮਲ ਕਰ ਦਿੱਤਾ ਜਾਂਦਾ ਹੈ, ਜਿਸ ਨਾਲ ਲਗਭਗ 2.5 ਮਿਲੀਅਨ ਲੋਕਾਂ ਦੀ ਅਸਲੀ ਪਛਾਣ ਅਤੇ ਭੂਮਿਕਾ ਦਿਖਾਈ ਨਹੀਂ ਦਿੰਦੀ।
ਇਸ ਸਮਾਗਮ ਵਿੱਚ ਕੈਨੇਡਾ ਦੀ ਫਿਲਮ ਅਤੇ ਟੈਲੀਵਿਜ਼ਨ ਇੰਡਸਟਰੀ ਨਾਲ ਜੁੜੇ ਕਈ ਮਸ਼ਹੂਰ South-Asian ਕਲਾਕਾਰ ਅਤੇ ਨਿਰਮਾਤਾ ਸ਼ਾਮਲ ਹੋਏ। ਇਨ੍ਹਾਂ ਵਿੱਚ ਸੁਪਿੰਦਰ ਵ੍ਰੈਚ, ਹਮਜ਼ਾ ਹਕ਼, ਸੁਗਿਥ ਵਰੂਘੀਜ਼, ਅਨਾਰ ਅਲੀ, ਹੁਸੈਨ ਮਾਧਵਜੀ, ਅਲੀ ਕਾਜ਼ਮੀ, ਦਿਵਿਆ ਸ਼ਾਹਾਨੀ ਅਤੇ ਰਾਹੁਲ ਚਤੁਰਵੇਦੀ ਵਰਗੇ ਕਈ ਮਸ਼ਹੂਰ ਨਾਮ ਸ਼ਾਮਲ ਸਨ।
ਇਸ ਦੌਰਾਨ “Narrative Sovereignty and the Future of South Asian Storytelling” ਵਿਸ਼ੇ ‘ਤੇ ਇੱਕ ਖਾਸ ਪੈਨਲ ਚਰਚਾ ਵੀ ਹੋਈ। ਇਸ ਵਿਚ ਮਾਹਿਰਾਂ ਨੇ ਚਰਚਾ ਕੀਤੀ ਕਿ ਕਿਵੇਂ South Asian ਕਹਾਣੀਕਾਰਾਂ ਨੂੰ ਆਪਣੇ ਤਜ਼ਰਬਿਆਂ ਅਤੇ ਪਹਿਚਾਣ ਨੂੰ ਖੁਦ ਦਰਸਾਉਣ ਲਈ ਵਧੇਰੇ ਮੌਕੇ ਮਿਲਣੇ ਚਾਹੀਦੇ ਹਨ।
ਇਸ ਸਮਾਗਮ ਵਿੱਚ Telefilm Canada, CBC, Bell Media, CMPA, ACTRA ਅਤੇ Canadian Screen Awards ਵਰਗੀਆਂ ਵੱਡੀਆਂ ਸੰਸਥਾਵਾਂ ਦੇ ਨੁਮਾਇੰਦੇ ਵੀ ਸ਼ਾਮਲ ਹੋਏ, ਜੋ ਕੈਨੇਡਾ ਦੀ ਸਕ੍ਰੀਨ ਇੰਡਸਟਰੀ ਵਿੱਚ ਵੱਡੀ ਭੂਮਿਕਾ ਨਿਭਾਉਂਦੀਆਂ ਹਨ।
SASO Canada ਦੇ ਇਸ ਨੈਸ਼ਨਲ ਰਿਸਰਚ ਪ੍ਰੋਜੈਕਟ ਦਾ ਮੁੱਖ ਉਦੇਸ਼ ਕੈਨੇਡਾ ਦੀ ਸਕ੍ਰੀਨ ਇੰਡਸਟਰੀ ਵਿੱਚ South Asian ਭਾਗੀਦਾਰੀ ਬਾਰੇ ਪਹਿਲੀ ਵਾਰ ਰਾਸ਼ਟਰੀ ਪੱਧਰ ‘ਤੇ ਡਾਟਾ ਇਕੱਠਾ ਕਰਨਾ ਹੈ। ਇਸ ਨਾਲ ਇਹ ਪਤਾ ਲੱਗੇਗਾ ਕਿ ਕਿੰਨੇ South Asian ਕਲਾਕਾਰ ਸਕ੍ਰੀਨ ‘ਤੇ, ਕੈਮਰੇ ਦੇ ਪਿੱਛੇ ਅਤੇ ਲੀਡਰਸ਼ਿਪ ਭੂਮਿਕਾਵਾਂ ਵਿੱਚ ਕੰਮ ਕਰ ਰਹੇ ਹਨ।
ਮਾਹਿਰਾਂ ਦਾ ਮੰਨਣਾ ਹੈ ਕਿ ਇਹ ਰਿਸਰਚ ਕੈਨੇਡਾ ਦੀ ਫਿਲਮ ਅਤੇ ਟੀਵੀ ਇੰਡਸਟਰੀ ਵਿੱਚ ਸਮਾਨ ਮੌਕੇ, ਨੁਮਾਇੰਦਗੀ ਅਤੇ ਰਚਨਾਤਮਕ ਨੇਤ੍ਰਿਤਵ ਨੂੰ ਮਜ਼ਬੂਤ ਕਰਨ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾ ਸਕਦੀ ਹੈ।
