California ਵਿੱਚ 13,000 Truck Drivers ਦੇ ਲਾਇਸੈਂਸ ਰੱਦ, ਨਵੀਂ ਨੀਤੀ ਨਾਲ ਹਜ਼ਾਰਾਂ ਹੋਰ ਪ੍ਰਭਾਵਿਤ |
Truck Drivers Licence ਰੱਦ, California ‘ਚ 13,000 ਪ੍ਰਭਾਵਿਤ |
ਅਮਰੀਕਾ ਦੇ California ਵਿੱਚ ਟਰੱਕਿੰਗ ਉਦਯੋਗ ਨੂੰ ਵੱਡਾ ਝਟਕਾ ਲੱਗਿਆ ਹੈ, ਜਿੱਥੇ ਲਗਭਗ 13,000 Truck Drivers Licence ਰੱਦ ਕਰ ਦਿੱਤੇ ਗਏ ਹਨ। ਇਹ ਕਾਰਵਾਈ ਫੈਡਰਲ ਸਰਕਾਰ ਦੇ ਹੁਕਮਾਂ ਤਹਿਤ ਕੀਤੀ ਗਈ ਹੈ, ਜਿਸ ਨਾਲ ਸਪਲਾਈ ਚੇਨ ਅਤੇ ਮਾਲ ਆਵਾਜਾਈ ‘ਤੇ ਅਸਰ ਪੈਣ ਦਾ ਡਰ ਬਣ ਗਿਆ ਹੈ।
California Department of Motor Vehicles (DMV) ਮੁਤਾਬਕ ਇਹ ਫੈਸਲਾ 6 ਮਾਰਚ 2026 ਤੋਂ ਲਾਗੂ ਕੀਤਾ ਗਿਆ। ਪ੍ਰਭਾਵਿਤ ਡਰਾਈਵਰ ਗੈਰ-ਕਾਨੂੰਨੀ ਨਹੀਂ ਸਨ, ਸਗੋਂ ਉਹ ਕਾਨੂੰਨੀ ਤੌਰ ‘ਤੇ ਅਮਰੀਕਾ ਵਿੱਚ ਰਹਿ ਰਹੇ ਸਨ, ਜਿਸ ਵਿੱਚ ਵੀਜ਼ਾ ਹੋਲਡਰ, ਰਿਫਿਊਜੀ ਅਤੇ ਅਸਾਈਲੀ ਸ਼ਾਮਲ ਹਨ।
ਇਸ ਮਾਮਲੇ ਵਿੱਚ ਮੁੱਖ ਸਮੱਸਿਆ Truck Drivers Licence ਜਾਰੀ ਕਰਨ ਦੌਰਾਨ ਹੋਈ ਗਲਤੀ ਦੱਸੀ ਜਾ ਰਹੀ ਹੈ, ਜਿੱਥੇ ਲਾਇਸੈਂਸ ਦੀ ਮਿਆਦ ਡਰਾਈਵਰਾਂ ਦੀ ਕਾਨੂੰਨੀ ਰਹਾਇਸ਼ ਦੇ ਸਮੇਂ ਨਾਲ ਮੇਲ ਨਹੀਂ ਖਾਂਦੀ ਸੀ।
ਇਸਦੇ ਨਾਲ ਹੀ Trump ਪ੍ਰਸ਼ਾਸਨ ਵੱਲੋਂ ਲਾਗੂ ਕੀਤੀ ਨਵੀਂ ਨੀਤੀ ਨਾਲ ਸਥਿਤੀ ਹੋਰ ਗੰਭੀਰ ਹੋ ਸਕਦੀ ਹੈ। ਇਸ ਨਿਯਮ ਤਹਿਤ ਅਸਾਈਲਮ ਸੀਕਰ, ਰਿਫਿਊਜੀ ਅਤੇ DACA ਹੇਠ ਆਉਣ ਵਾਲੇ ਲੋਕਾਂ ਲਈ ਨਵਾਂ Truck Drivers Licence ਲੈਣਾ ਜਾਂ ਰਿਨਿਊ ਕਰਨਾ ਮੁਸ਼ਕਲ ਹੋ ਜਾਵੇਗਾ।
ਰਿਪੋਰਟਾਂ ਮੁਤਾਬਕ ਇਸ ਨਵੀਂ ਨੀਤੀ ਕਾਰਨ ਪੂਰੇ ਅਮਰੀਕਾ ਵਿੱਚ ਲਗਭਗ 200,000 ਇਮੀਗ੍ਰੈਂਟ ਡਰਾਈਵਰ ਆਪਣੀ ਨੌਕਰੀ ਗੁਆ ਸਕਦੇ ਹਨ। ਇਹ ਸਾਰੇ ਡਰਾਈਵਰ ਮਾਲ ਆਵਾਜਾਈ ਪ੍ਰਣਾਲੀ ਦਾ ਮਹੱਤਵਪੂਰਨ ਹਿੱਸਾ ਹਨ।
California ਦੇ ਅਧਿਕਾਰੀਆਂ ਨੇ ਇਸ ਫੈਸਲੇ ਦੀ ਆਲੋਚਨਾ ਕੀਤੀ ਹੈ ਅਤੇ ਕਿਹਾ ਹੈ ਕਿ ਇਸ ਨਾਲ ਉਦਯੋਗ ਵਿੱਚ ਮਜ਼ਦੂਰਾਂ ਦੀ ਘਾਟ ਵੱਧੇਗੀ। ਦੂਜੇ ਪਾਸੇ ਫੈਡਰਲ ਸਰਕਾਰ ਦਾ ਕਹਿਣਾ ਹੈ ਕਿ ਇਹ ਨਿਯਮ ਸੜਕ ਸੁਰੱਖਿਆ ਨੂੰ ਧਿਆਨ ਵਿੱਚ ਰੱਖ ਕੇ ਬਣਾਇਆ ਗਿਆ ਹੈ।
ਮਾਹਿਰਾਂ ਦਾ ਮੰਨਣਾ ਹੈ ਕਿ ਜੇਕਰ ਇਹ ਨੀਤੀ ਲਾਗੂ ਰਹਿੰਦੀ ਹੈ ਤਾਂ Truck Drivers Licence ਨਾਲ ਜੁੜਿਆ ਇਹ ਮਾਮਲਾ ਅਮਰੀਕਾ ਦੀ ਸਪਲਾਈ ਚੇਨ, ਨੌਕਰੀਆਂ ਅਤੇ ਵਪਾਰ ‘ਤੇ ਵੱਡਾ ਅਸਰ ਪਾ ਸਕਦਾ ਹੈ।
