ਇਕ ਤਾਜ਼ਾ ਅਧਿਐਨ ਵਿੱਚ ਚੀਨ ਦੇ ਫਰ ਜਾਨਵਰਾਂ ਵਿੱਚ ਖਤਰਨਾਕ ਵਾਇਰਸਾਂ ਦੀ ਮੌਜੂਦਗੀ ਦਾ ਖ਼ੁਲਾਸਾ ਹੋਇਆ ਹੈ। ਖੋਜਕਰਤਾਵਾਂ ਨੇ ਲਗਭਗ 125 ਵਾਇਰਸਾਂ ਦੀ ਪਹਿਚਾਣ ਕੀਤੀ ਹੈ, ਜਿਨ੍ਹਾਂ ਵਿੱਚੋਂ ਕਈ ਮਨੁੱਖੀ ਆਬਾਦੀ ਲਈ ਵੱਡਾ ਖ਼ਤਰਾ ਬਣ ਸਕਦੇ ਹਨ। ਖ਼ਾਸ ਕਰਕੇ ਇਹਨਾਂ ਵਿੱਚੋਂ 39 ਵਾਇਰਸਾਂ ਨੂੰ ਸਪੀਸੀਜ਼ ਨੂੰ ਪਾਰ ਕਰਨ ਵਾਲੇ ਉੱਚ ਖ਼ਤਰੇ ਵਾਲੇ ਵਜੋਂ ਦਰਜ ਕੀਤਾ ਗਿਆ ਹੈ। ਇਹ ਖੋਜ “ਨੇਚਰ” ਜਰਨਲ ਵਿੱਚ ਪ੍ਰਕਾਸ਼ਿਤ ਕੀਤੀ ਗਈ ਹੈ ਅਤੇ ਇਸਦੀ ਮਿਆਦ 2021 ਤੋਂ 2024 ਤੱਕ ਰਹੀ।
ਅਧਿਐਨ, ਜੋ ਚੀਨੀ ਖੋਜਕਰਤਾਵਾਂ ਦੁਆਰਾ ਵਾਇਰਲੋਜਿਸਟ ਐਡਵਰਡ ਹੋਮਜ਼ ਦੀ ਸਹਿਯੋਗ ਨਾਲ ਕੀਤਾ ਗਿਆ, ਫਰ ਫਾਰਮਾਂ ਵਿੱਚ ਵਾਇਰਸ ਦੀ ਨਿਗਰਾਨੀ ਦੀ ਜ਼ਰੂਰਤ ਨੂੰ ਜ਼ੋਰ ਦਿੰਦਾ ਹੈ। ਖੋਜ ਵਿੱਚ ਇਹ ਵੀ ਦਰਸਾਇਆ ਗਿਆ ਕਿ 36 ਵਾਇਰਸ ਪਹਿਲਾਂ ਅਣਜਾਣ ਸਨ, ਜੋ ਹੁਣ ਮਨੁੱਖਾਂ ਵਿੱਚ ਵੀ ਫੈਲ ਸਕਦੇ ਹਨ।
ਇਹ ਖੋਜ ਉਨ੍ਹਾਂ 461 ਫਰ ਜਾਨਵਰਾਂ ‘ਤੇ ਕੀਤੀ ਗਈ ਜੋ ਫਰਮਾਂ ਵਿੱਚ ਮੋਤ ਦਾ ਸ਼ਿਕਾਰ ਹੋਏ ਸਨ। ਜਾਨਵਰਾਂ ਵਿੱਚ ਮਿੰਕ, ਲੂੰਬੜੀ, ਰੈਕੂਨ ਕੁੱਤੇ, ਖਰਗੋਸ਼ ਅਤੇ ਮਸਕਰੈਟ ਸ਼ਾਮਲ ਸਨ, ਜਿਨ੍ਹਾਂ ਨੂੰ ਭੋਜਨ ਜਾਂ ਰਵਾਇਤੀ ਦਵਾਈ ਦੇ ਤੌਰ ‘ਤੇ ਪਾਲਿਆ ਜਾਂਦਾ ਸੀ। ਇਸਦੇ ਨਾਲ ਹੀ 50 ਜੰਗਲੀ ਜਾਨਵਰਾਂ ‘ਚ ਵੀ ਵਾਇਰਸ ਮਿਲੇ ਹਨ, ਜਿਸ ਨਾਲ ਵਧਦੇ ਖਤਰੇ ਦੀ ਪਛਾਣ ਹੋਈ।
ਖੋਜ ਵਿੱਚ ਇਹ ਵੀ ਦਰਸਾਇਆ ਗਿਆ ਕਿ ਇਨ੍ਹਾਂ ਜਾਨਵਰਾਂ ਵਿੱਚ ਵਾਇਰਲ ਬਿਮਾਰੀਆਂ, ਜਿਵੇਂ ਕਿ ਹੈਪੇਟਾਈਟਸ ਈ ਅਤੇ ਜਾਪਾਨੀ ਇਨਸੇਫਲਾਈਟਿਸ, ਦੇ ਖ਼ਤਰੇ ਬਾਰੇ ਵੱਡੀ ਚਿੰਤਾ ਹੈ। ਫਰ ਫਾਰਮਾਂ ਨੂੰ ਵਾਇਰਸ ਫੈਲਣ ਦੇ ਮੈਥੇ ਬਣਨ ਦੇ ਕਾਰਨ ਵੱਖਰੇ ਤੌਰ ‘ਤੇ ਹਾਈ ਰਿਸਕ ਮੰਨਿਆ ਗਿਆ ਹੈ। ਟੀਮ ਨੇ ਸੱਤ ਤਰ੍ਹਾਂ ਦੇ ਕੋਰੋਨਾਵਾਇਰਸ ਦੀ ਵੀ ਪਛਾਣ ਕੀਤੀ, ਪਰ ਇਹਨਾਂ ‘ਚੋਂ ਕੋਈ ਵੀ ਕੋਵਿਡ-19 ਵਾਇਰਸ ਨਾਲ ਸੰਬੰਧਤ ਨਹੀਂ ਸੀ।
ਰੈਕੂਨ ਕੁੱਤੇ ਅਤੇ ਮਿੰਕ ਵਿੱਚ ਸਭ ਤੋਂ ਵੱਧ ਖਤਰਨਾਕ ਵਾਇਰਸ ਮਿਲੇ ਹਨ, ਜਿਸ ਕਰਕੇ ਇਹਨਾਂ ਨੂੰ ਖ਼ਾਸ ਧਿਆਨ ਦੇਣ ਦੀ ਲੋੜ ਹੈ। ਵਿਗਿਆਨੀ ਇਸ ਗੱਲ ‘ਤੇ ਜ਼ੋਰ ਦਿੰਦੇ ਹਨ ਕਿ ਇਹ ਜਾਨਵਰ ਵਾਇਰਸ ਨੂੰ ਸਪੀਸੀਜ਼ ਦੀਆਂ ਹੱਦਾਂ ਤੋਂ ਪਾਰ ਕਰਨ ‘ਚ ਸਹਿਯੋਗੀ ਹੁੰਦੇ ਹਨ, ਜਿਸ ਨਾਲ ਮਨੁੱਖਾਂ ਨੂੰ ਇਨਫੈਕਸ਼ਨ ਦਾ ਵੱਡਾ ਖਤਰਾ ਹੈ।
ਇਸਦੇ ਨਾਲ, ਉੱਤਰ-ਪੂਰਬੀ ਚੀਨ ਦੇ ਸ਼ਾਨਡੋਂਗ ਪ੍ਰਾਂਤ, ਜੋ ਫਰ ਫਾਰਮਾਂ ਦੇ ਕੇਂਦਰ ਵਿੱਚ ਹੈ, ਨੂੰ ਖਾਸ ਰਿਸਕ ਵਾਲਾ ਖੇਤਰ ਮੰਨਿਆ ਗਿਆ ਹੈ। ਇਹ ਖੋਜ ਜੰਗਲੀ ਜੀਵ ਦੇ ਵਪਾਰ ਅਤੇ ਵਾਇਰਸ ਦੇ ਉਤਪੱਤੀ ਦੇ ਸਬੰਧ ਵਿੱਚ ਵਧੇਰੇ ਚਿੰਤਾਵਾਂ ਨੂੰ ਜਨਮ ਦਿੰਦੀ ਹੈ।
