ਜ਼ਿਆਦਾ ਜਾਂ ਘੱਟ ਸੌਣ ਦਾ ਸਿਹਤ ‘ਤੇ ਅਸਰ
ਅਸੀਂ ਸਾਰੇ ਜਾਣਦੇ ਹਾਂ ਕਿ ਚੰਗੀ ਸਿਹਤ ਲਈ ਸਹੀ ਨੀਂਦ ਬਹੁਤ ਜ਼ਰੂਰੀ ਹੈ। ਆਮ ਤੌਰ ‘ਤੇ ਨੀਂਦ ਨਾਲ ਸਬੰਧਿਤ 2 ਤਰ੍ਹਾਂ ਦੀਆਂ ਸਮੱਸਿਆਵਾਂ ਹੁੰਦੀਆਂ ਹਨ। ਪਹਿਲਾ, ਪੂਰੀ ਤਰ੍ਹਾਂ ਨੀਂਦ ਨਾ ਆਉਣਾ ਅਤੇ ਦੂਜਾ, ਲੋੜ ਤੋਂ ਜ਼ਿਆਦਾ ਸੌਣਾ। ਇਹ ਦੋਵੇਂ ਸਥਿਤੀਆਂ ਖ਼ਤਰਨਾਕ ਹਨ ਕਿਉਂਕਿ ਇਹ ਸਾਡੇ ਸਰੀਰ ਨੂੰ ਭਾਰੀ ਨੁਕਸਾਨ ਪਹੁੰਚਾ ਸਕਦੀਆਂ ਹਨ। ਆਓ ਜਾਣਦੇ ਹਾਂ ਕਿਉਂ ਘੱਟ ਸੌਣਾ ਅਤੇ ਜ਼ਿਆਦਾ ਸੌਣਾ ਹਾਨੀਕਾਰਕ ਹੈ ਅਤੇ ਇਸ ਦਾ ਕੀ ਅਸਰ ਹੋ ਸਕਦਾ ਹੈ।
ਦੁਨੀਆ ਭਰ ਵਿੱਚ ਹੋਈਆਂ ਕਈ ਖੋਜਾਂ ਅਨੁਸਾਰ ਇੱਕ ਸਿਹਤਮੰਦ ਬਾਲਗ ਨੂੰ ਇੱਕ ਰਾਤ ਵਿੱਚ ਘੱਟੋ-ਘੱਟ 7 ਤੋਂ 8 ਘੰਟੇ ਦੀ ਨੀਂਦ ਜ਼ਰੂਰ ਲੈਣੀ ਚਾਹੀਦੀ ਹੈ, ਤਾਂ ਹੀ ਉਸ ਦੇ ਸਰੀਰ ਦੇ ਕੰਮ ਸਹੀ ਢੰਗ ਨਾਲ ਕੰਮ ਕਰਨਗੇ ਅਤੇ ਸਮੱਸਿਆਵਾਂ ਪੈਦਾ ਨਹੀਂ ਹੋਣਗੀਆਂ। ਜੇਕਰ ਤੁਸੀਂ ਰਾਤ ਨੂੰ ਸਹੀ ਨੀਂਦ ਨਹੀਂ ਲੈ ਪਾਉਂਦੇ ਹੋ ਤਾਂ ਇਸ ਦਾ ਅਸਰ ਅਗਲੇ ਦਿਨ ਸਾਫ਼ ਨਜ਼ਰ ਆਉਂਦਾ ਹੈ। ਇਸ ਨਾਲ ਤੁਹਾਨੂੰ ਥਕਾਵਟ, ਸੁਸਤੀ, ਸਰੀਰ ਟੁੱਟਣਾ, ਊਰਜਾ ਦੀ ਕਮੀ ਹੋ ਸਕਦੀ ਹੈ।
ਕਈ ਸਿਹਤ ਮਾਹਿਰ ਤਾਂ ਇਹ ਵੀ ਦਾਅਵਾ ਕਰਦੇ ਹਨ ਕਿ ਘੱਟ ਨੀਂਦ ਲੈਣ ਨਾਲ ਦਿਲ ਦੇ ਰੋਗ ਅਤੇ ਸਟ੍ਰੋਕ ਦਾ ਖਤਰਾ ਹੋ ਸਕਦਾ ਹੈ। ਆਪਣੇ ਸੌਣ ਦਾ ਸਮਾਂ ਠੀਕ ਕਰੋ ਅਤੇ ਇਸ ਨੂੰ ਬੇਲੋੜਾ ਬਦਲਣ ਦੀ ਕੋਸ਼ਿਸ਼ ਨਾ ਕਰੋ। ਜੇਕਰ ਤੁਸੀਂ ਜ਼ਿਆਦਾ ਨੀਂਦ ਲੈਂਦੇ ਹੋ ਜਾਂ ਆਲਸ ਕਾਰਨ ਬਿਸਤਰ ਨਹੀਂ ਛੱਡਦੇ ਹੋ ਤਾਂ ਸਰੀਰ ਨੂੰ ਕਈ ਤਰ੍ਹਾਂ ਦੇ ਨੁਕਸਾਨ ਹੋ ਸਕਦੇ ਹਨ।
ਨਾਰਕੋਲੇਪਸੀ ਇੱਕ ਅਜੀਬ ਨੀਂਦ ਵਿਕਾਰ ਹੈ। ਜਿਸ ਵਿੱਚ ਵਿਅਕਤੀ ਨੂੰ ਦਿਨ ਵਿੱਚ ਬਹੁਤ ਜ਼ਿਆਦਾ ਨੀਂਦ ਆਉਣੀ ਸ਼ੁਰੂ ਹੋ ਜਾਂਦੀ ਹੈ ਜਾਂ ਅਚਾਨਕ ਨੀਂਦ ਦੇ ਦੌਰੇ ਪੈਂਦੇ ਹਨ। ਯਾਨੀ ਤੁਸੀਂ ਅਚਾਨਕ ਸੌਂ ਜਾਂਦੇ ਹੋ। ਸਫ਼ਰ ਦੌਰਾਨ ਇਹ ਸਥਿਤੀ ਖ਼ਤਰਨਾਕ ਹੋ ਜਾਂਦੀ ਹੈ।
ਸਲੀਪ ਐਪਨੀਆ ਵਿੱਚ, ਸਾਹ ਲੈਣ ਦੀਆਂ ਆਮ ਗਤੀਵਿਧੀਆਂ ‘ਤੇ ਬੁਰਾ ਪ੍ਰਭਾਵ ਪੈਂਦਾ ਹੈ ਅਤੇ ਨਿਯਮਤ ਸਾਹ ਰੁਕ ਜਾਂਦਾ ਹੈ। ਇਸ ਲਈ ਓਨਾ ਹੀ ਸੋਣਾ ਚਾਹੀਦਾ ਹੈ ਜਿੰਨ੍ਹਾਂ ਜ਼ਰੂਰੀ ਹੈ।
ਜੋ ਲੋਕ ਇਡੀਓਪੈਥਿਕ ਹਾਈਪਰਸੌਮਨੀਆ ਤੋਂ ਪ੍ਰੇਸ਼ਾਨ ਹਨ, ਉਹ ਰੋਜ਼ਾਨਾ ਜੀਵਨ ਦੀਆਂ ਆਮ ਗਤੀਵਿਧੀਆਂ ਕਰਦੇ ਹੋਏ ਬਹੁਤ ਥਕਾਵਟ ਮਹਿਸੂਸ ਕਰਦੇ ਹਨ ਅਤੇ ਉਨ੍ਹਾਂ ਦੇ ਸਰੀਰ ਵਿੱਚ ਦਰਦ ਅਤੇ ਕੜਵੱਲ ਹੋਣੇ ਸ਼ੁਰੂ ਹੋ ਜਾਂਦੇ ਹਨ।
