ਕੈਨੇਡਾ ਵਿੱਚ ਨਕਲੀ ਸੋਨੇ ਦੇ ਗਹਿਣਿਆਂ ਦੀ ਠੱਗੀ: ਭਾਰਤੀ ਮੂਲ ਦੇ ਲੋਕ ਨਿਸ਼ਾਨੇ ‘ਤੇ
ਬ੍ਰਿਟਿਸ਼ ਕੋਲੰਬੀਆ ਵਿੱਚ ਨਕਲੀ ਸੋਨੇ ਦੇ ਗਹਿਣਿਆਂ ਦਾ ਇੱਕ ਵੱਡਾ ਠੱਗੀ ਸਕੈਂਡਲ ਉੱਭਰ ਰਿਹਾ ਹੈ। ਕਈ ਕਮਿਊਨਿਟੀਆਂ ਵਿੱਚ ਠੱਗ ਲੋਕਾਂ ਨੂੰ ਨਿਸ਼ਾਨਾ ਬਣਾ ਰਹੇ ਹਨ, ਖ਼ਾਸ ਕਰਕੇ ਭਾਰਤੀ ਮੂਲ ਦੇ ਲੋਕ, ਜੋ ਸਸਤੇ ਸੋਨੇ ਦੀਆਂ ਚੀਜ਼ਾਂ ਖਰੀਦਣ ਲਈ ਰੁਝਾਨੀ ਹੋ ਸਕਦੇ ਹਨ। ਕੌਕੁਇਟਲੈਮ ਆਰ.ਸੀ.ਐਮ.ਪੀ. ਨੇ ਚੇਤਾਵਨੀ ਦਿੱਤੀ ਹੈ ਕਿ ਠੱਗ ਅਕਸਰ ਛੋਟੀ ਰਕਮ ਦੇ ਵੱਟੇ ‘ਤੇ ਗਹਿਣਿਆਂ ਦੀ ਪੇਸ਼ਕਸ਼ ਕਰਦੇ ਹਨ, ਪਰ ਜਦੋਂ ਪੈਸੇ ਨਹੀਂ ਮਿਲਦੇ, ਤਾਂ ਆਪਣਾ “ਸੋਨਾ” ਬੇਚਣ ਦਾ ਡਰਾਮਾ ਕਰਦੇ ਹਨ।
ਹੋਰ ਕਈ ਇਲਾਕਿਆਂ ਵਿੱਚ ਵੀ ਇਸ ਪ੍ਰਕਾਰ ਦੀਆਂ ਠੱਗੀਆਂ ਸਾਹਮਣੇ ਆਈਆਂ ਹਨ, ਜਿੱਥੇ ਲੋਕ ਸਸਤੇ ਭਾਅ ‘ਤੇ ਗਹਿਣੇ ਖਰੀਦਣ ਦੇ ਜਾਲ ਵਿੱਚ ਫਸ ਜਾਂਦੇ ਹਨ। ਆਰ.ਸੀ.ਐਮ.ਪੀ. ਦੀ ਮੀਡੀਆ ਅਫਸਰ ਅਲੈਕਸਾ ਹੌਜਿਨਜ਼ ਨੇ ਕਿਹਾ ਕਿ ਠੱਗ ਜਜ਼ਬਾਤੀ ਕਹਾਣੀਆਂ ਸੁਣਾ ਕੇ ਲੋਕਾਂ ਨੂੰ ਭਰੋਸੇ ਵਿੱਚ ਲੈ ਆਉਂਦੇ ਹਨ ਅਤੇ ਕੁਝ ਸੌ ਡਾਲਰਾਂ ਵਿੱਚ ਉਹਨਾਂ ਨੂੰ ਨਕਲੀ ਗਹਿਣੇ ਵੇਚ ਦਿੰਦੇ ਹਨ।
ਇੱਕ ਮਾਮਲੇ ਵਿੱਚ ਪੀੜਤ ਦੇ ਨਾਲ 200 ਡਾਲਰ ਦੀ ਠੱਗੀ ਕੀਤੀ ਗਈ ਸੀ, ਪਰ ਲੋਕ ਅਕਸਰ ਠੱਗੀ ਦੀ ਸ਼ਰਮ ਕਾਰਨ ਪੁਲਿਸ ਕੋਲ ਨਹੀਂ ਜਾਂਦੇ। ਅਲੈਕਸਾ ਹੌਜਿਨਜ਼ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਜੇਕਰ ਕਿਸੇ ਨਾਲ ਵੀ ਅਜਿਹੀ ਠੱਗੀ ਵਾਪਰੇ, ਤਾਂ ਉਹ ਤੁਰੰਤ ਪੁਲਿਸ ਨਾਲ ਸੰਪਰਕ ਕਰਨ। ਕੌਕੁਇਟਲੈਮ ਆਰ.ਸੀ.ਐਮ.ਪੀ. ਨੇ ਸੰਪਰਕ ਲਈ ਨੰਬਰ 604-945-1550 ਜਾਰੀ ਕੀਤਾ ਹੈ।
ਅਗਰ ਸਹੀ ਸਮੇਂ ‘ਤੇ ਠੱਗੀ ਦੀ ਜਾਣਕਾਰੀ ਮੁਹੱਈਆ ਕਰਵਾਈ ਜਾਵੇ, ਤਾਂ ਹੋਰ ਲੋਕਾਂ ਨੂੰ ਇਸ ਠੱਗੀ ਤੋਂ ਬਚਾਇਆ ਜਾ ਸਕਦਾ ਹੈ।
