ਕੋਵਿਡ-19 ਟੀਕਾਕਰਨ ਸਥਿਤੀ ਦਾ ਖੁਲਾਸਾ ਨਾ ਕਰਨ ‘ਤੇ TDSB ਦੇ 100 ਪੱਕੇ ਅਧਿਆਪਕ, ਸਟਾਫ ਬਿਨਾਂ ਤਨਖਾਹ ਦੀ ਛੁੱਟੀ ‘ਤੇ
ਟੋਰਾਂਟੋ – ਟੋਰਾਂਟੋ ਡਿਸਟ੍ਰਿਕਟ ਸਕੂਲ ਬੋਰਡ (TDSB) ਦੇ ਸਾਰੇ ਫੁੱਲ-ਟਾਈਮ ਅਤੇ ਓਕੇਸਨਲ ਸਟਾਫ ਮੈਂਬਰਾਂ ਵਿੱਚੋਂ ਲਗਭਗ ਦੋ ਪ੍ਰਤੀਸ਼ਤ ਨੂੰ ਆਪਣੀ ਕੋਵਿਡ-19 ਟੀਕਾਕਰਨ ਸਥਿਤੀ ਦਾ ਖੁਲਾਸਾ ਕਰਨ ਤੋਂ ਇਨਕਾਰ ਕਰਨ ਤੋਂ ਬਾਅਦ ਬਿਨਾਂ ਤਨਖਾਹ ਦੇ ਗੈਰਹਾਜ਼ਰੀ ਦੀ ਛੁੱਟੀ ‘ਤੇ ਰੱਖਿਆ ਗਿਆ ਹੈ।
TDSB ਨੇ ਕਿਹਾ ਕਿ 2 ਨਵੰਬਰ ਨੂੰ ਸ਼ਾਮ 5 ਵਜੇ ਤੱਕ, 100 ਸਥਾਈ ਸਟਾਫ਼ ਅਤੇ 643 ਓਕੇਜ਼ਨਲ ਸਟਾਫ਼ ਨੇ ਆਪਣੀ ਲਾਜ਼ਮੀ ਵੈਕਸੀਨ ਤਸਦੀਕ ਨਹੀਂ ਕੀਤੀ ਅਤੇ ਨਤੀਜੇ ਵਜੋਂ, ਬਿਨਾਂ ਤਨਖਾਹ ਦੇ ਗੈਰ-ਅਨੁਸ਼ਾਸਨੀ ਪ੍ਰਬੰਧਕੀ ਛੁੱਟੀ ‘ਤੇ ਰੱਖਿਆ ਗਿਆ ਹੈ।
TDSB ਨੇ ਨੋਟ ਕੀਤਾ ਕਿ ਓਕੇਜ਼ਨਲ ਸਟਾਫ ਦੀ ਵੱਡੀ ਬਹੁਗਿਣਤੀ ਜਿਨ੍ਹਾਂ ਨੇ ਆਪਣੀ ਸਥਿਤੀ ਜਮ੍ਹਾਂ ਨਹੀਂ ਕੀਤੀ, 2021-22 ਸਕੂਲੀ ਸਾਲ ਦੌਰਾਨ TDSB ਵਿੱਚ ਕੰਮ ਨਹੀਂ ਕੀਤਾ।
