ਐਲਬਰਟਾ ਵਿਚ ਫਿਨੀ ਕ੍ਰੀਕ ਵਿਖੇ ਨਵੀਂ ਅੱਗ ਨੇ ਚਿੰਤਾ ਪੈਦਾ ਕੀਤੀ ਹੈ। ਜੈਸਪਰ ਕਸਬਾ ਅਤੇ ਨੈਸ਼ਨਲ ਪਾਰਕ ਖਾਲੀ ਕਰਵਾ ਲਿਆ ਗਿਆ ਹੈ, ਹਾਲਾਂਕਿ ਇਹ ਅੱਗ ਫਿਲਹਾਲ ਸ਼ੈਟਲੈਂਡ ਕ੍ਰੀਕ ਤੋਂ ਦੂਰ ਹੈ। ਮੌਸਮ ਵਿਭਾਗ ਨੇ ਕੁਝ ਥਾਵਾਂ ‘ਤੇ ਮੀਂਹ ਦੀ ਪੇਸ਼ੀਨਗੋਈ ਕੀਤੀ ਹੈ ਜੋ ਕਿ ਹਾਲਾਤ ਨੂੰ ਬੇਹਤਰ ਬਣਾਉਣ ਦੀ ਆਸ ਜਤਾਈ ਜਾ ਰਹੀ ਹੈ।
ਐਲਬਰਟਾ ਵਿਚ ਜੈਸਪਰ ਨੇੜੇ ਲੱਗੀ ਅੱਗ ਦਾ ਘੇਰਾ 6,750 ਹੈਕਟੇਅਰ ਤੱਕ ਪਹੁੰਚ ਗਿਆ ਹੈ। ਪਾਰਕਸ ਕੈਨੇਡਾ ਨੇ ਸਾਰੀਆਂ ਕੈਂਪਿੰਗ ਰਿਜ਼ਰਵੇਸ਼ਨਜ਼ 6 ਅਗਸਤ ਤੱਕ ਰੱਦ ਕਰ ਦਿੱਤੀਆਂ ਹਨ ਅਤੇ ਪੂਰੇ ਰਿਫੰਡ ਦਾ ਵਾਅਦਾ ਕੀਤਾ ਹੈ।
ਬੀ.ਸੀ. ਵਿਚ ਕਈ ਇਮਾਰਤਾਂ ਨੂੰ ਨੁਕਸਾਨ ਪਹੁੰਚਿਆ ਹੈ। ਜੈਸਪਰ ਦੇ ਵਸਨੀਕ ਮਾਰਕ ਲੀਬਲੈਂਕ ਨੇ ਦੱਸਿਆ ਕਿ ਉਸਨੂੰ ਆਪਣੇ ਪਰਵਾਰ ਨਾਲ ਰਾਤੋ ਰਾਤ ਕਸਬਾ ਛੱਡਣਾ ਪਿਆ। ਕਾਰੋਬਾਰੀਆਂ ਦੀਆਂ ਚਿੰਤਾਵਾਂ ਵਧ ਰਹੀਆਂ ਹਨ ਕਿਉਂਕਿ ਅੱਗ ਦੀ ਰਫ਼ਤਾਰ ਤੇਜ਼ੀ ਨਾਲ ਫੈਲ ਰਹੀ ਹੈ।
ਐਲਬਰਟਾ ਵਾਈਲਡ ਫਾਇਰ ਦੀ ਕ੍ਰਿਸਟੀ ਟਕਰ ਦੇ ਅਨੁਸਾਰ ਗਰਮੀ ਅਤੇ ਖੁਸ਼ਕ ਮੌਸਮ ਨੇ ਹਾਲਾਤ ਨੂੰ ਖਤਰਨਾਕ ਬਣਾ ਦਿੱਤਾ ਹੈ। ਪਾਰਕਸ ਕੈਨੇਡਾ ਦੀ ਫਾਇਰ ਮੈਨੇਜਮੈਂਟ ਅਫਸਰ ਕੈਟੀ ਐਲਜ਼ਵਰਥ ਨੇ ਦੱਸਿਆ ਕਿ ਖਾਸ ਟਿਕਾਣਿਆਂ ਨੂੰ ਅੱਗ ਤੋਂ ਬਚਾਉਣ ਲਈ ਪਾਣੀ ਦੇ ਛਿੜਕਾਅ ਦਾ ਪ੍ਰਬੰਧ ਕੀਤਾ ਗਿਆ ਹੈ। ਹੈਲੀਕਾਟਪਰਾਂ ਰਾਹੀਂ ਅੱਗ ਦੇ ਭਾਂਬੜ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
ਹਾਲਾਤ ਦੇਖਦੇ ਹੋਏ ਜੈਸਪਰ ਕਸਬੇ ਵਿਚ ਐਮਰਜੰਸੀ ਦਾ ਐਲਾਨ ਕੀਤਾ ਗਿਆ ਹੈ ਅਤੇ ਲੋਕਾਂ ਨੂੰ ਘਰ ਬਾਰ ਛੱਡਣ ਦੇ ਹੁਕਮ ਦਿੱਤੇ ਗਏ ਹਨ।
