GTA ‘ਚ ਕਿਰਾਏ ਦੇ ਮਕਾਨਾਂ ਦੀ ਮੰਗ ਨੂੰ ਵੇਖਦੇ ਹੋਏ, ਨਵੇਂ ਮਕਾਨਾਂ ਦੀ ਉਸਾਰੀ ਦੀ ਜ਼ਰੂਰਤ: ਰਿਪੋਰਟ

GTA ਵਿਚ ਕਿਰਾਏ ਦੇ ਮਕਾਨਾਂ ਦੀ ਤੇਜ਼ੀ ਨਾਲ ਵਧ ਰਹੀ ਮੰਗ ਦੀ ਪੂਰਤੀ ਲਈ ਨਵੇਂ ਕਿਰਾਏ ਦੇ ਮਕਾਨਾਂ ਦੀ ਉਸਾਰੀ ਦੀ ਜ਼ਰੂਰਤ ਹੈ। ਇੰਡਸਟਰੀ ਗਰੁੱਪਸ ਵੱਲੋਂ ਤਿਆਰ ਕੀਤੀ ਨਵੀਂ ਰਿਪੋਰਟ ਵਿਚ ਇਹ ਪਹਿਲੂ ਸਾਹਮਣੇ ਆਇਆ ਹੈ। ਬਿਲਡਿੰਗ ਇੰਸਟਰੀ ਐਂਡ ਲੈਂਡ ਡਿਵੈਲਪਮੈਂਟ ਅਸੋਸੀਏਸ਼ਨ ਅਤੇ ਫ਼ੈਡਰੇਸ਼ਨ ਔਫ਼ ਰੈਂਟਲ ਹਾਊਸਿੰਗ ਪ੍ਰੋਵਾਈਡਰਜ਼ ਔਫ਼ ਓਨਟੇਰਿਓ ਨੇ ਕਿਹਾ ਕਿ ਜੀਟੀਏ ਵਿਚ ਕਿਰਾਏ ਦੇ ਮਕਾਨਾਂ ਦਾ ਘਾਟਾ ਅਗਲੇ 10 ਸਾਲਾਂ ਵਿਚ ਦੁੱਗਣਾ ਹੋਕੇ 177,000 ਹੋ ਜਾਵੇਗਾ। ਰਿਪੋਰਟ ਮੁਤਾਬਕ ਕਿਰਾਏ ਦੇ ਉਦੇਸ਼ ਲਈ ਉਸਾਰੇ ਜਾਣ ਵਾਲੇ ਨਵੇਂ ਮਕਾਨ ਬਣਾਉਣ ਨਾਲ ਹੀ ਇਹ ਘਾਟਾ ਪੂਰਾ ਕਰ ਸਕਦਾ ਹੈ। ਰਿਪੋਰਟ ਅਨੁਸਾਰ ਜੀਟੀਏ ਦੇ ਕਰੀਬ 90 ਪ੍ਰਤੀਸ਼ਤ ਕਿਰਾਏ ਲਈ ਉਸਾਰੇ ਗਏ ਯੂਨਿਟ ਤਕਰੀਬਨ 40 ਸਾਲ ਪਹਿਲਾਂ ਬਣਾਏ ਗਏ ਸਨ। GTA ਦੀ ਰੈਂਟਲ ਮਾਰਕੀਟ ਵਿਚ ਕਿਰਾਏ ਲਈ ਬਣਾਏ ਮਕਾਨਾਂ ਦੀ ਹਿੱਸੇਦਾਰੀ 41 ਪ੍ਰਤੀਸ਼ਤ ਹੈ। FPRO ਦੇ ਪ੍ਰੈਜ਼ੀਡੈਂਟ ਟੋਨੀ ਇਰਵਿਨ ਨੇ ਲਿਖਤ ਬਿਆਨ ਵਿਚ ਸਾਰੇ ਪੱਧਰ ਦੀਆਂ ਸਰਕਾਰਾਂ ਨੂੰ ਪਹਿਲ ਦੇ ਅਧਾਰ ‘ਤੇ ਵਿਸ਼ੇਸ਼ ਤੌ੍ਰ ‘ਤੇ ਕਿਰਾਏ ਲਈ ਬਣੇ ਮਕਾਨਾਂ ਦੀ ਉਸਾਰੀ ਕਰਨ ਦੀ ਮੰਗ ਕੀਤੀ ਹੈ।