ਮਿਡਟਾਊਨ ‘ਚ ਟੱਕਰ ਤੋਂ ਬਾਅਦ ਡਿੱਗਿਆ ਲਾਈਟ ਪੋਲ, ਔਰਤ ਗੰਭੀਰ ਰੂਪ ਵਿੱਚ ਜ਼ਖਮੀ

ਟੋਰਾਂਟੋ ਪੁਲਿਸ ਸ਼ੁੱਕਰਵਾਰ ਦੁਪਹਿਰ ਨੂੰ ਇੱਕ 71 ਸਾਲਾ ਔਰਤ ਦੇ ਗੰਭੀਰ ਰੂਪ ਵਿੱਚ ਜ਼ਖਮੀ ਹੋਣ ਤੋਂ ਬਾਅਦ ਜਾਂਚ ਕਰ ਰਹੀ ਹੈ ਜਦੋਂ ਇੱਕ ਟਰੱਕ ਲਾਈਟ ਖੰਭੇ ਨਾਲ ਟਕਰਾ ਗਿਆ ਅਤੇ ਖੰਭਾ ਉਸ ਉੱਤੇ ਡਿੱਗ ਗਿਆ। ਇਹ ਘਟਨਾ ਯੋਂਗ ਸਟ੍ਰੀਟ ਅਤੇ ਹਿਲਸਡੇਲ ਐਵੇਨਿਊ ਦੇ ਖੇਤਰ ਵਿੱਚ ਦੁਪਹਿਰ 3:17 ਵਜੇ ਦੇ ਕਰੀਬ ਵਾਪਰੀ। ਟੋਰਾਂਟੋ ਪੁਲਿਸ ਨੇ ਕਿਹਾ ਕਿ ਇੱਕ 2018 white Freightliner ਡਲਿਵਰੀ ਟਰੱਕ ਦਾ ਪਿਛਲਾ ਹਿੱਸਾ ਇੱਕ ਲਾਈਟ ਖੰਭੇ ਨਾਲ ਟਕਰਾ ਗਿਆ ਅਤੇ ਫਿਰ ਇਹ ਖੰਭਾ ਇੱਕ ਮਹਿਲਾ ਪੈਦਲ ਯਾਤਰੀ ਦੇ ਸਿਰ ਵਿੱਚ ਵੱਜਿਆ। ਔਰਤ ਨੂੰ ਗੰਭੀਰ ਹਾਲਤ ਵਿੱਚ ਹਸਪਤਾਲ ਲਿਜਾਇਆ ਗਿਆ।

“ਇਹ ਇੱਕ ਅਜੀਬ ਹਾਦਸਾ ਹੈ,” ਪੁਲਿਸ ਨੇ ਕਿਹਾ। ਇਹ ਪੁੱਛੇ ਜਾਣ ‘ਤੇ ਕਿ ਕੀ ਡਰਾਈਵਰ ਨੂੰ ਕਿਸੇ ਦੋਸ਼ ਦਾ ਸਾਹਮਣਾ ਕਰਨਾ ਪਏਗਾ, ਪੁਲਿਸ ਨੇ ਕਿਹਾ ਕਿ ਅਧਿਕਾਰੀ ਇਸ ਘਟਨਾਂ ਦੀ ਜਾਂਚ ਕਰ ਰਹੇ ਹਨ, ਉਹ ਫੈਸਲਾ ਕਰਨਗੇ ਕਿ ਦੋਸ਼ ਲਗਾਉਣਾ ਉਚਿਤ ਹੈ ਜਾਂ ਨਹੀਂ।” ਯੋਂਗ ਸਟ੍ਰੀਟ ਨੂੰ ਮੈਨਰ ਰੋਡ ਅਤੇ ਬਰਵਿਕ ਐਵੇਨਿਊ ਦੇ ਵਿਚਕਾਰ ਜਾਂਚ ਲਈ ਕਈ ਘੰਟਿਆਂ ਲਈ ਬੰਦ ਕਰ ਦਿੱਤਾ ਗਿਆ ਸੀ ਪਰ ਫਿਰ ਤੋਂ ਖੋਲ੍ਹਿਆ ਗਿਆ ਹੈ।