ਪੁਲਾੜ ’ਚ ਖੁੱਲ੍ਹ ਰਿਹੈ ਸ਼ਾਨਦਾਰ ਰੈਸਟੋਰੈਂਟ, ਉੱਡਦੇ ਹੋਏ ਖਾ ਸਕੋਗੇ ਖਾਣਾ

ਇਸ ਦੇ ਲਈ ਸੇਲੇਸਟੇ ਨਾਮਕ ਇੱਕ ਖਾਸ ਕਿਸਮ ਦਾ ਗੁਬਾਰਾ ਤਿਆਰ ਕੀਤਾ ਜਾ ਰਿਹਾ ਹੈ। ਇਹ 90 ਮਿੰਟਾਂ ਤੱਕ ਇੱਕ ਥਾਂ ‘ਤੇ ਰਹਿ ਸਕਦਾ ਹੈ। ਤਦ ਤੱਕ ਮਹਿਮਾਨ ਸ਼ਾਨਦਾਰ ਪਕਵਾਨਾਂ ਦਾ ਆਨੰਦ ਲੈ ਸਕਣਗੇ।ਸੀਐਨਐਨ ਦੀ ਇਕ ਰਿਪੋਰਟ ਦੇ ਅਨੁਸਾਰ ਏਰੋਸਪੇਸ ਇੰਜੀਨੀਅਰ ਵਿਨਸੇਂਟ ਫੈਰੇਟ ਡੀ ਐਸਟੀਸ ਦੁਆਰਾ ਸਥਾਪਿਤ ਕੀਤੀ ਗਈ ਇੱਕ ਕੰਪਨੀ ਜ਼ੇਫਾਲਟੋ ਇੱਕ ਗੁਬਾਰੇ ਨਾਲ ਜੁੜੇ ਇੱਕ ਪ੍ਰੈਸ਼ਰਾਈਜ਼ਡ ਕੈਪਸੂਲ ਵਿੱਚ ਲੋਕਾਂ ਨੂੰ ਸਪੇਸ ਦੇ ਬਹੁਤ ਨੇੜੇ ਭੇਜੇਗੀ, ਜਿੱਥੇ ਯਾਤਰੀਆਂ ਨੂੰ ਮਿਸ਼ੇਲਿਨ-ਸਟਾਰ ਭੋਜਨ ਪਰੋਸਿਆ ਜਾਵੇਗਾ।

ਬਲੂਮਬਰਗ ਨਾਲ ਗੱਲਬਾਤ ‘ਚ ਡੀ ਐਸਟੀਸ ਨੇ ਕਿਹਾ, ਮੈਂ ਫ੍ਰੈਂਚ ਸਪੇਸ ਏਜੰਸੀ ਨਾਲ ਸਾਂਝੇਦਾਰੀ ਕੀਤੀ ਹੈ ਅਤੇ ਅਸੀਂ ਇਸ ਮਿਸ਼ਨ ‘ਤੇ ਮਿਲ ਕੇ ਕੰਮ ਕਰ ਰਹੇ ਹਾਂ। ਅਸੀਂ 25 ਕਿਲੋਮੀਟਰ ਇਸ ਲਈ ਚੁਣਿਆ ਹੈ ਕਿਉਂਕਿ ਇਸ ਉਚਾਈ ‘ਤੇ ਤੁਸੀਂ ਪੁਲਾੜ ਦੇ ਹਨੇਰੇ ਵਿਚ ਰਹਿੰਦੇ ਹੋ। 98% ਵਾਯੂਮੰਡਲ ਤੁਹਾਡੇ ਹੇਠਾਂ ਹੈ। ਸ਼ੁਰੂਆਤੀ ਬੁਕਿੰਗ 11,000 ਡਾਲਰ ਯਾਨੀ ਕਰੀਬ 9 ਲੱਖ ਰੁਪਏ ਰੱਖੀ ਗਈ ਹੈ। CNN ਦੇ ਅਨੁਸਾਰ, ਯਾਤਰੀਆਂ ਨੂੰ ਰਾਉਂਡ ਟ੍ਰਿਪ ਲਈ ਲਗਭਗ 131,100 ਡਾਲਰ ਯਾਨੀ ਲਗਭਗ 1 ਕਰੋੜ ਰੁਪਏ ਦਾ ਭੁਗਤਾਨ ਕਰਨਾ ਹੋਵੇਗਾ।