ਕੈਨੇਡਾ ਬਾਰਡਰ ਸਰਵਿਸਿਜ਼ ਏਜੰਸੀ (ਸੀਬੀਐਸਏ) ਨੇ ਬ੍ਰਿਟਿਸ਼ ਕੋਲੰਬੀਆ ਵਿੱਚ ਤਿੰਨ ਵੱਖ-ਵੱਖ ਘਟਨਾਵਾਂ ਵਿੱਚ ਤਸਕਰੀ ਕੀਤੀ ਜਾ ਰਹੀ ਕੋਕੀਨ ਦੀਆਂ 210 ਇੱਟਾਂ ਨੂੰ ਕਬਜ਼ੇ ਵਿੱਚ ਲੈਣ ਅਤੇ ਤਸਕਰੀ ਨੂੰ ਨਾਕਾਮ ਕਰਨ ਦੀ ਪੁਸ਼ਟੀ ਕੀਤੀ ਹੈ। ਇਹ ਮਾਮਲੇ ਕੁੱਲ 246 ਕਿਲੋਗ੍ਰਾਮ ਕੋਕੀਨ ਦੇ ਬਰਾਮਦ ਹੋਣ ਦੀ ਗਵਾਹੀ ਦਿੰਦੇ ਹਨ, ਜਿਸਦੀ ਅੰਦਾਜ਼ਨ ਸਟ੍ਰੀਟ ਮੁੱਲ $6.6 ਮਿਲੀਅਨ ਤੋਂ ਵੱਧ ਹੈ।
- ਪਹਿਲਾ ਮਾਮਲਾ: 18 ਅਕਤੂਬਰ ਨੂੰ ਪੈਸੀਫਿਕ ਹਾਈਵੇਅ ਕਮਰਸ਼ੀਅਲ ਪੋਰਟ ਆਫ ਐਂਟਰੀ ‘ਤੇ ਇੱਕ ਵਪਾਰਕ ਟਰੱਕ ਦੀ ਜਾਂਚ ਦੌਰਾਨ ਸੀਬੀਐਸਏ ਦੇ ਅਧਿਕਾਰੀਆਂ ਨੇ ਡਿਟੈਕਟਰ ਡੌਗ ਸਰਵਿਸ ਦੀ ਸਹਾਇਤਾ ਨਾਲ ਇੱਕ ਸ਼ਿਪਮੈਂਟ ਦੇ ਪੈਲੇਟਾਂ ਵਿੱਚੋਂ ਲੁਕੀ ਹੋਈ 82 ਕਿਲੋਗ੍ਰਾਮ ਕੋਕੀਨ ਦੀਆਂ 70 ਇੱਟਾਂ ਬਰਾਮਦ ਕੀਤੀਆਂ।
- ਦੂਜਾ ਮਾਮਲਾ: 1 ਨਵੰਬਰ ਨੂੰ, ਇਸੇ ਪੋਰਟ ‘ਤੇ ਅਧਿਕਾਰੀਆਂ ਨੇ ਦਾਖਲਾ ਮੰਗਣ ਵਾਲੇ ਇਕ ਹੋਰ ਟਰੱਕ ਦੀ ਜਾਂਚ ਕੀਤੀ। ਇਸ ਟਰੱਕ ਵਿੱਚ ਲੱਕੜ ਅਤੇ ਤਾਰਾਂ ਹੇਠਾਂ ਲੁਕਾਈਆਂ ਹੋਈਆਂ ਕੋਕੀਨ ਦੀਆਂ 100 ਇੱਟਾਂ ਮਿਲੀਆਂ, ਜੋ ਕੁੱਲ 119 ਕਿਲੋਗ੍ਰਾਮ ਹੋਈ।
- ਤੀਜਾ ਮਾਮਲਾ: 9 ਨਵੰਬਰ ਨੂੰ ਐਲਡਰਗਰੋਵ ਕਮਰਸ਼ੀਅਲ ਪੋਰਟ ਆਫ ਐਂਟਰੀ ‘ਤੇ ਲੱਕੜ ਨਾਲ ਭਰੇ ਹੋਰ ਟਰੱਕ ਦੀ ਜਾਂਚ ਕੀਤੀ ਗਈ। ਟਰੱਕ ਦੀ ਕੈਬ ਵਿੱਚੋਂ ਡਿਟੈਕਟਰ ਡੌਗ ਦੀ ਸਹਾਇਤਾ ਨਾਲ ਦੋ ਬੈਗ ਬਰਾਮਦ ਹੋਏ, ਜਿਨ੍ਹਾਂ ਵਿੱਚ 40 ਇੱਟਾਂ ਕੋਕੀਨ ਭਰੀ ਹੋਈ ਸੀ। ਇਸ ਦੀ ਕੁੱਲ ਮਾਤਰਾ 45 ਕਿਲੋਗ੍ਰਾਮ ਪਾਈ ਗਈ।
ਤਿੰਨਾਂ ਮਾਮਲਿਆਂ ਵਿੱਚ, ਟਰੱਕ ਡਰਾਈਵਰਾਂ ਨੂੰ ਤੁਰੰਤ ਗ੍ਰਿਫਤਾਰ ਕੀਤਾ ਗਿਆ। ਸੀਬੀਐਸਏ ਨੇ ਉਨ੍ਹਾਂ ਨੂੰ ਰੌਇਅਲ ਕੈਨੇਡੀਅਨ ਮਾਉਂਟਿਡ ਪੁਲਿਸ (ਆਰਸੀਐਮਪੀ) ਦੇ ਫੈਡਰਲ ਗੰਭੀਰ ਸੰਗਠਿਤ ਅਪਰਾਧ ਯੂਨਿਟ ਦੇ ਹਵਾਲੇ ਕਰ ਦਿੱਤਾ।
ਇਹ ਘਟਨਾਵਾਂ ਤਸਕਰੀ ਵਿਰੁੱਧ ਸੀਬੀਐਸਏ ਦੇ ਵਚਨਬੱਧਤਾ ਅਤੇ ਅਨੁਸ਼ਾਸਨ ਨੂੰ ਸਪਸ਼ਟ ਕਰਦੀਆਂ ਹਨ। ਇਹ ਕਾਰਵਾਈਆਂ ਕੈਨੇਡਾ ਦੇ ਹੱਦਾਂ ਨੂੰ ਸੁਰੱਖਿਅਤ ਰੱਖਣ ਅਤੇ ਗੈਰਕਾਨੂੰਨੀ ਮਾਲ ਵਿਰੁੱਧ ਲੜਾਈ ਦਾ ਹਿੱਸਾ ਹਨ।
