ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਅੱਜ 22 ਅਕਤੂਬਰ, 2014 ਨੂੰ ਪਾਰਲੀਮੈਂਟ ਹਿੱਲ ਅਤੇ ਨੈਸ਼ਨਲ ਵਾਰ ਮੈਮੋਰੀਅਲ ‘ਤੇ ਹੋਏ ਭਿਆਨਕ ਹਮਲੇ ਦੀ 10ਵੀ ਵਰ੍ਹੇਗੰਢ ਮੌਕੇ ਆਪਣੇ ਖਾਸ ਵਿਚਾਰ ਸਾਂਝੇ ਕੀਤੇ। ਇਸ ਹਮਲੇ ਨੇ ਦੇਸ਼ ਨੂੰ ਹਿਲਾ ਕੇ ਰੱਖ ਦਿੱਤਾ ਸੀ, ਜਦੋਂ ਹਮਲਾਵਰਾਂ ਨੇ ਨਾਥਨ ਸਿਰੀਲੋ ਨੂੰ ਗੋਲੀ ਮਾਰ ਕੇ ਹਤਿਆ ਕਰ ਦਿੱਤੀ ਸੀ। ਸਿਰੀਲੋ ਨੈਸ਼ਨਲ ਵਾਰ ਮੈਮੋਰੀਅਲ ‘ਤੇ ਅਣਜਾਣ ਸਿਪਾਹੀ ਦੇ ਮਕਬਰੇ ਦੀ ਪਹਿਰੇਦਾਰੀ ਕਰ ਰਿਹਾ ਸੀ। ਇਸ ਤੋਂ ਸਿਰਫ਼ ਦੋ ਦਿਨ ਪਹਿਲਾਂ, ਕਿਊਬਿਕ ਵਿਚ ਵਾਰੰਟ ਅਫਸਰ ਪੈਟ੍ਰੀਸ ਵਿਨਸੈਂਟ ਦੀ ਵੀ ਹੱਤਿਆ ਕਰ ਦਿੱਤੀ ਗਈ ਸੀ।
ਪ੍ਰਧਾਨ ਮੰਤਰੀ ਟਰੂਡੋ ਨੇ ਕਿਹਾ, “ਅਸੀਂ ਉਹ ਭਿਆਨਕ ਦਿਨ ਕਦੇ ਨਹੀਂ ਭੁੱਲ ਸਕਦੇ ਜਦੋਂ ਕੈਨੇਡੀਅਨਾਂ ਨੇ ਪਾਰਲੀਮੈਂਟ ਹਿੱਲ ‘ਤੇ ਹਮਲੇ ਦੀਆਂ ਵੀਡੀਓਆਂ ਦੇਖੀਆਂ ਸਨ। ਕਾਰਪੋਰਲ ਸਿਰੀਲੋ ਅਤੇ ਵਾਰੰਟ ਅਫਸਰ ਵਿਨਸੈਂਟ ਦੇ ਪਰਿਵਾਰਾਂ ਅਤੇ ਦੋਸਤਾਂ ਲਈ ਸਾਡੇ ਦਿਲ ਅਜੇ ਵੀ ਦੁੱਖੀ ਹਨ, ਜੋ ਅਜੇ ਵੀ ਆਪਣੇ ਪ੍ਰੀਤਮਾਂ ਦੇ ਨੁਕਸਾਨ ਦਾ ਸੌਗ ਮਨਾ ਰਹੇ ਹਨ।”
ਉਹਨਾਂ ਨੇ ਹੋਰ ਕਿਹਾ, “ਮੈਨੂੰ ਇੱਕ ਚਿੱਤਰ ਹਮੇਸ਼ਾਂ ਯਾਦ ਰਹੇਗਾ – ਉਹ ਤਸਵੀਰ ਜਿੱਥੇ ਲੋਕ ਇੱਕ ਦੂਜੇ ਦੀ ਸਹਾਇਤਾ ਕਰ ਰਹੇ ਸਨ। ਉਹ ਦਿਨ ਸਿਰਫ਼ ਹਮਲੇ ਬਾਰੇ ਨਹੀਂ ਸੀ, ਬਲਕਿ ਕੈਨੇਡੀਅਨ ਲੋਕਾਂ ਦੇ ਸਾਂਝੇ ਜਜ਼ਬੇ ਅਤੇ ਸਹਿਯੋਗ ਬਾਰੇ ਸੀ। ਸਾਨੂੰ ਉਹ ਯਾਦ ਹੈ ਕਿ ਕਿਵੇਂ ਰਾਜਨੀਤਿਕ ਵਿਵਾਦਾਂ ਨੂੰ ਇੱਕ ਪਾਸੇ ਰੱਖ ਕੇ ਸਾਰਿਆਂ ਨੇ ਸਮੂਹਿਕ ਤੌਰ ‘ਤੇ ਇੱਕ ਦੂਜੇ ਦਾ ਸਾਥ ਦਿੱਤਾ।”
ਟਰੂਡੋ ਨੇ ਇਸ ਹਮਲੇ ਦੇ ਪੀੜਤਾਂ ਦੀ ਯਾਦ ‘ਚ ਕਿਹਾ ਕਿ ਅਸੀਂ ਉਹਨਾਂ ਦੀ ਭੂਮਿਕਾ ਕਦੇ ਨਹੀਂ ਭੁੱਲ ਸਕਦੇ ਜੋ ਸਾਡੇ ਲਈ ਖੜ੍ਹੇ ਹੋਏ ਸਨ, ਅਤੇ ਉਹ ਸਿਰਫ਼ ਸੁਰੱਖਿਆ ਦੇ ਸਿਪਾਹੀ ਹੀ ਨਹੀਂ ਸਨ, ਬਲਕਿ ਉਹ ਹਲਾਤਾਂ ਨੂੰ ਸਨਭਾਲਣ ਲਈ ਆਪਣੇ ਜੀਵਨ ਨੂੰ ਖਤਰੇ ਵਿੱਚ ਪਾਉਣ ਵਾਲੇ ਨਾਗਰਿਕ ਵੀ ਸਨ।
ਉਹਨਾਂ ਨੇ ਜ਼ੋਰ ਦਿੱਤਾ ਕਿ ਕੈਨੇਡਾ ਨੂੰ ਇਸ ਤਰ੍ਹਾਂ ਦੇ ਹਮਲਿਆਂ ਦਾ ਸਾਮਨਾ ਕਰਨ ਲਈ ਹਮੇਸ਼ਾਂ ਤਿਆਰ ਰਹਿਣਾ ਚਾਹੀਦਾ ਹੈ ਅਤੇ ਇਨ੍ਹਾਂ ਘਟਨਾਵਾਂ ਤੋਂ ਸਿਖਲਾਈ ਲੈਣੀ ਚਾਹੀਦੀ ਹੈ, ਤਾਂ ਜੋ ਅੱਗੇ ਕਦੇ ਵੀ ਅਜਿਹੀ ਸਥਿਤੀ ਦਾ ਮੁਕਾਬਲਾ ਕਰਨਾ ਨਾ ਪਵੇ।
ਅੰਤ ਵਿੱਚ ਟਰੂਡੋ ਨੇ ਕਿਹਾ, “ਇਹ ਦਿਨ ਸਾਨੂੰ ਯਾਦ ਰਹੇਗਾ ਅਤੇ ਇਹ ਇੱਕ ਚਿਤਾਵਨੀ ਹੈ ਕਿ ਅਸੀਂ ਕਦੇ ਵੀ ਆਪਣੀ ਸੁਰੱਖਿਆ ਅਤੇ ਕੁਰਬਾਨੀ ਕਰਨ ਵਾਲੇ ਯੋਧਿਆਂ ਨੂੰ ਨਹੀਂ ਭੁੱਲਣਾ ਚਾਹੀਦਾ।”
