Iran Nuclear Deal: ਟਰੰਪ ਦਾ ਦਾਅਵਾ—ਸਮਝੌਤਾ ਨਾ ਰੋਕਦਾ ਤਾਂ ਈਰਾਨ ਕੋਲ ਤਿੰਨ ਸਾਲ ਪਹਿਲਾਂ ਪ੍ਰਮਾਣੂ ਬੰਬ ਹੁੰਦਾ |
Iran Nuclear Deal: ਟਰੰਪ ਦਾ ਬਿਆਨ !
ਅਮਰੀਕਾ, ਇਜ਼ਰਾਈਲ ਅਤੇ ਈਰਾਨ ਵਿਚਕਾਰ ਤਣਾਅ ਚਰਮ ‘ਤੇ ਹੈ ਅਤੇ ਜੰਗ ਦਾ ਚੌਥਾ ਦਿਨ ਜਾਰੀ ਹੈ। ਇਸ ਦੌਰਾਨ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ Iran Nuclear Deal ਨੂੰ ਲੈ ਕੇ ਸਾਬਕਾ ਰਾਸ਼ਟਰਪਤੀ ਬਰਾਕ ਓਬਾਮਾ ਅਤੇ ਜੋ ਬਾਇਡਨ ‘ਤੇ ਤਿੱਖਾ ਹਮਲਾ ਕੀਤਾ ਹੈ।
ਟਰੰਪ ਨੇ ਸੋਸ਼ਲ ਮੀਡੀਆ ‘ਤੇ ਲਿਖਿਆ ਕਿ ਜੇ ਉਹਨਾਂ ਨੇ ਆਪਣੇ ਕਾਰਜਕਾਲ ਦੌਰਾਨ ਓਬਾਮਾ ਵੱਲੋਂ ਕੀਤਾ ਗਿਆ ਪ੍ਰਮਾਣੂ ਸਮਝੌਤਾ (JCPOA) ਖਤਮ ਨਾ ਕੀਤਾ ਹੁੰਦਾ, ਤਾਂ ਈਰਾਨ ਕੋਲ ਤਿੰਨ ਸਾਲ ਪਹਿਲਾਂ ਹੀ ਪ੍ਰਮਾਣੂ ਹਥਿਆਰ ਹੁੰਦੇ।
ਉਨ੍ਹਾਂ ਕਿਹਾ ਕਿ ਇਹ “ਹੁਣ ਤੱਕ ਦਾ ਸਭ ਤੋਂ ਖ਼ਤਰਨਾਕ ਸਮਝੌਤਾ” ਸੀ ਅਤੇ ਜੇਕਰ ਇਸਨੂੰ ਜਾਰੀ ਰਹਿਣ ਦਿੱਤਾ ਜਾਂਦਾ, ਤਾਂ ਅੱਜ ਦੀ ਵਿਸ਼ਵ ਸਥਿਤੀ ਕਾਫ਼ੀ ਵੱਖਰੀ ਹੁੰਦੀ। ਟਰੰਪ ਨੇ ਦੋਸ਼ ਲਗਾਇਆ ਕਿ ਇਸ ਸਮਝੌਤੇ ਲਈ ਓਬਾਮਾ ਅਤੇ ਬਾਇਡਨ ਜ਼ਿੰਮੇਵਾਰ ਹਨ।
ਕੀ ਹੈ Iran Nuclear Deal?
JCPOA (Joint Comprehensive Plan of Action) 2015 ਵਿੱਚ ਈਰਾਨ ਅਤੇ ਵਿਸ਼ਵ ਸ਼ਕਤੀਆਂ ਦਰਮਿਆਨ ਹੋਇਆ ਸਮਝੌਤਾ ਸੀ, ਜਿਸਦਾ ਮਕਸਦ ਈਰਾਨ ਦੇ ਪ੍ਰਮਾਣੂ ਕਾਰਜਕ੍ਰਮ ਨੂੰ ਸੀਮਿਤ ਕਰਨਾ ਸੀ। ਟਰੰਪ ਨੇ 2018 ਵਿੱਚ ਅਮਰੀਕਾ ਨੂੰ ਇਸ ਸਮਝੌਤੇ ਤੋਂ ਬਾਹਰ ਕੱਢ ਲਿਆ ਸੀ ਅਤੇ ਕੜੀਆਂ ਪਾਬੰਦੀਆਂ ਲਗਾਈਆਂ ਸਨ।
ਮੌਜੂਦਾ ਜੰਗੀ ਹਾਲਾਤਾਂ ਵਿਚਕਾਰ ਟਰੰਪ ਦੇ ਇਸ ਬਿਆਨ ਨਾਲ਼ ਰਾਜਨੀਤਿਕ ਮਾਹੌਲ ਹੋਰ ਵੀ ਗਰਮ ਹੋ ਗਿਆ ਹੈ ਅਤੇ Iran Nuclear Deal ਇੱਕ ਵਾਰ ਫਿਰ ਗਲੋਬਲ ਚਰਚਾ ਦਾ ਕੇਂਦਰ ਬਣ ਗਿਆ ਹੈ।
