Air Transat Strike ਨੇ ਮਚਾਈ ਹਲਚਲ: ਕਈ ਫਲਾਈਟਾਂ ਰੱਦ !
Air Transat Strike ਨਾਲ ਸੋਮਵਾਰ ਤੋਂ ਉਡਾਣਾਂ ਰੱਦ !
Air Transat ਨੇ ਐਲਾਨ ਕੀਤਾ ਹੈ ਕਿ Transat Strike ਦੇ ਖਤਰੇ ਕਾਰਨ ਸੋਮਵਾਰ ਤੋਂ ਉਡਾਣਾਂ ਨੂੰ “ਪ੍ਰੋਗਰੈਸਿਵ ਤਰੀਕੇ ਨਾਲ” ਰੱਦ ਕਰਨਾ ਸ਼ੁਰੂ ਕਰ ਦਿੱਤਾ ਜਾਵੇਗਾ। ਜੇ ਪਾਇਲਟਾਂ ਅਤੇ ਕੰਪਨੀ ਵਿਚ ਸਮਝੌਤਾ ਨਾ ਹੋਇਆ ਤਾਂ ਹੜਤਾਲ 72 ਘੰਟਿਆਂ ਦੀ ਨੋਟਿਸ ਮੁਤਾਬਕ ਬੁੱਧਵਾਰ ਸਵੇਰੇ 3 ਵਜੇ ਤੋਂ ਸ਼ੁਰੂ ਹੋ ਸਕਦੀ ਹੈ।
ਪਾਇਲਟ ਯੂਨੀਅਨ Air Line Pilots Association ਹੜਤਾਲ ਲਈ ਤਿਆਰ ਹੈ, ਜਦਕਿ Air Transat ਕਹਿ ਰਹੀ ਹੈ ਕਿ ਨੋਟਿਸ “ਪ੍ਰੀਮੇਚਰ” ਹੈ ਕਿਉਂਕਿ ਗੱਲਬਾਤ ਵਿੱਚ ਤਰੱਕੀ ਹੋ ਰਹੀ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਉਹ ਯਾਤਰੀਆਂ ਨੂੰ ਵਿਦੇਸ਼ਾਂ ਵਿੱਚ ਫਸਣ ਤੋਂ ਬਚਾਉਣ ਲਈ ਉਡਾਣਾਂ ਦੀ ਰੱਦਗੀ, ਕ੍ਰੂ ਅਤੇ ਏਅਰਕ੍ਰਾਫਟ ਵਾਪਸ ਲਿਆਉਣ ਦੀ ਯੋਜਨਾ ਬਣਾ ਰਹੀ ਹੈ।
ਸੋਮਵਾਰ ਤੋਂ ਕੀ ਬਦਲਣਾ ਸ਼ੁਰੂ ਹੋਵੇਗਾ?
Air Transat ਮੁਤਾਬਕ, ਉਡਾਣਾਂ ਨੂੰ ਸੋਮਵਾਰ ਤੋਂ ਹੌਲੀ-ਹੌਲੀ ਰੱਦ ਕੀਤਾ ਜਾਵੇਗਾ ਅਤੇ 9 ਦਸੰਬਰ ਤੱਕ ਪੂਰਾ ਸਿਸਟਮ ਸਸਪੈਂਡ ਹੋ ਸਕਦਾ ਹੈ।
ਯਾਤਰੀਆਂ ਲਈ ਮਹੱਤਵਪੂਰਨ ਜਾਣਕਾਰੀ
1. ਜਿਨ੍ਹਾਂ ਦੀ ਉਡਾਣ 12 ਦਸੰਬਰ ਜਾਂ ਇਸ ਤੋਂ ਪਹਿਲਾਂ ਹੈ
- ਯਾਤਰੀ ਆਪਣੀ ਫਲਾਈਟ ਸਟੇਟਸ ਨੂੰ 48 ਘੰਟੇ ਪਹਿਲਾਂ ਚੈੱਕ ਕਰਨ।
- ਜੇ ਉਡਾਣ ਰੱਦ ਹੋ ਜਾਂਦੀ ਹੈ ਤਾਂ ਈਮੇਲ ਰਾਹੀਂ ਸੂਚਨਾ ਮਿਲੇਗੀ ਅਤੇ ਰਿਫ਼ੰਡ ਸਿੱਧਾ ਭੁਗਤਾਨ ਮਾਧਿਅਮ ਵਿੱਚ ਜਾਵੇਗਾ।
- ਯਾਤਰੀ ਇੱਛਾ ਕਰਨ ‘ਤੇ ਉਡਾਣ ਬਿਨਾਂ ਰੱਦ ਹੋਏ ਵੀ ਕੈਂਸਲ ਕਰ ਸਕਦੇ ਹਨ—ਇਸ ਲਈ ਓਨਲਾਈਨ ਫਾਰਮ ਭਰ ਕੇ 12 ਮਹੀਨੇ ਲਈ ਵੈਧ ਕਰੈਡਿਟ ਲਿਆ ਜਾ ਸਕਦਾ ਹੈ।
2. ਯਾਤਰਾ ਤਾਰੀਖ਼ ਬਦਲਣੀ ਹੋਵੇ ਤਾਂ?
ਇਸ ਲਈ ਵੀ ਪਹਿਲਾਂ ਕੈਂਸਲੇਸ਼ਨ ਫਾਰਮ ਭਰਨਾ ਪਵੇਗਾ। ਕਰੈਡਿਟ ਮਿਲਣ ਤੋਂ ਬਾਅਦ ਨਵੀਂ ਫਲਾਈਟ ਬੁੱਕ ਕੀਤੀ ਜਾ ਸਕਦੀ ਹੈ।
3. 13 ਦਸੰਬਰ ਤੋਂ ਬਾਅਦ ਦੀਆਂ ਉਡਾਣਾਂ
ਇਨ੍ਹਾਂ ਉਡਾਣਾਂ ਵਿੱਚ ਤਬਦੀਲੀ ਜਾਂ ਕੈਂਸਲੇਸ਼ਨ Air Transat ਦੇ ਆਮ ਨਿਯਮਾਂ ਅਨੁਸਾਰ ਹੋਵੇਗੀ।
4. ਜਿਹੜੇ ਯਾਤਰੀ ਮੰਜ਼ਿਲ ‘ਤੇ ਫਸੇ ਹੋਏ ਹਨ
- ਉਹ Air Transat ਦੀ ਵੈਬਸਾਈਟ ਜਾਂ ਐਪ ‘ਤੇ ਦਿੱਤੇ ਨੰਬਰਾਂ ‘ਤੇ ਸੰਪਰਕ ਕਰਨ।
- ਜੇ ਰਿਟਰਨ ਫਲਾਈਟ ਰੱਦ ਹੋ ਗਈ ਹੈ ਤਾਂ ਕੰਪਨੀ 48 ਘੰਟਿਆਂ ਅੰਦਰ ਉਪਲਬਧ ਅਗਲੀ ਉਡਾਣ ‘ਤੇ ਨਵਾਂ ਟਿਕਟ ਜਾਰੀ ਕਰੇਗੀ।
- ਜੇ ਯਾਤਰੀ ਇਸ ਵਿਕਲਪ ਨੂੰ ਠੁਕਰਾਉਂਦੇ ਹਨ ਤਾਂ ਬਾਕੀ ਯਾਤਰਾ ਦਾ ਰਿਫ਼ੰਡ ਮਿਲੇਗਾ।
5. ਹੋਰ ਏਅਰਲਾਈਨ ਨਾਲ ਨਵੀਂ ਉਡਾਣ ਲੱਭਣ ਦਾ ਵਿਕਲਪ
- ਜੇ Air Transat ਦੀ ਰਿਟਰਨ ਫਲਾਈਟ ਰੱਦ ਹੋਈ ਹੈ ਅਤੇ ਯਾਤਰੀ 48 ਘੰਟੇ ਅੰਦਰ ਦੂਜੀ ਏਅਰਲਾਈਨ ਨਾਲ ਫਲਾਈਟ ਲੱਭ ਲੈਂਦੇ ਹਨ, ਉਹ ਰਿਫ਼ੰਡ ਅਤੇ ਫੇਅਰ ਡਿਫਰੈਂਸ ਦੀ ਰਕਮ ਵਾਪਸ ਲੈ ਸਕਦੇ ਹਨ।
- ਪਰ ਜੇ Air Transat ਦੀ ਰਿਟਰਨ ਫਲਾਈਟ ਰੱਦ ਨਹੀਂ ਹੋਈ, ਅਤੇ ਯਾਤਰੀ ਫਿਰ ਵੀ ਹੋਰ ਏਅਰਲਾਈਨ ਬੁੱਕ ਕਰਦੇ ਹਨ—ਕੋਈ ਰਿਫ਼ੰਡ ਨਹੀਂ ਮਿਲੇਗਾ।
6. ਪੈਕੇਜ ਬੁੱਕ ਕਰਨ ਵਾਲਿਆਂ ਲਈ
- ਜੇ ਰਿਟਰਨ ਫਲਾਈਟ ਰੱਦ ਹੈ ਤਾਂ ਨਵੇਂ ਟਿਕਟ ਦੇ ਨਾਲ-ਨਾਲ ਹੋਟਲ ਦੇ ਅਣਉਪਯੋਗ ਦਿਨਾਂ ਦਾ ਰਿਫ਼ੰਡ ਵੀ ਮਿਲੇਗਾ।
- ਜੇ ਰਹਿਣ ਦਾ ਸਮਾਂ ਵਧਣਾ ਪਿਆ ਤਾਂ Air Transat ਵਾਧੂ ਖਰਚਾ ਕਵਰ ਕਰੇਗੀ।
ਕੈਨੇਡਾ ਦੇ APPR ਨਿਯਮ
ਰਿਫ਼ੰਡ—ਕੈਸ਼, ਕਰੈਡਿਟ ਜਾਂ ਵਾਊਚਰ—30 ਦਿਨਾਂ ਦੇ ਅੰਦਰ ਦੇਣਾ ਲਾਜ਼ਮੀ ਹੈ।
