ਗੁਰਦਾਸਪੁਰ ਤੋਂ ਸੰਸਦ ਮੈਂਬਰ ਸੰਨੀ ਦਿਓਲ ਉਨ੍ਹਾਂ ਅੱਠ ਸੰਸਦ ਮੈਂਬਰਾਂ ਵਿੱਚ ਸ਼ਾਮਲ ਸਨ ਜਿਨ੍ਹਾਂ ਨੇ ਸੋਮਵਾਰ ਨੂੰ ਰਾਸ਼ਟਰਪਤੀ ਚੋਣ ਵਿੱਚ ਵੋਟ ਨਹੀਂ ਪਾਈ।
ਰਿਟਰਨਿੰਗ ਅਫਸਰ ਦੇ ਦਫਤਰ, ਰਾਜ ਸਭਾ ਦੇ ਸਕੱਤਰ ਜਨਰਲ ਨੇ ਕਿਹਾ ਕਿ ਗੈਰਹਾਜ਼ਰ ਰਹਿਣ ਵਾਲਿਆਂ ਵਿੱਚ ਭਾਜਪਾ ਅਤੇ ਸ਼ਿਵ ਸੈਨਾ ਦੇ ਦੋ-ਦੋ ਅਤੇ ਕਾਂਗਰਸ, ਸਪਾ, ਏਆਈਐਮਆਈਐਮ ਅਤੇ ਬਸਪਾ ਦਾ ਇੱਕ-ਇੱਕ ਸੰਸਦ ਮੈਂਬਰ ਸੀ।
ਦਿਓਲ ਅਤੇ ਭਾਜਪਾ ਦੇ ਕੇਂਦਰੀ ਮੰਤਰੀ ਸੰਜੇ ਧੋਤਰੇ ਨੇ ਵੋਟ ਨਹੀਂ ਪਾਈ। ਜਦੋਂ ਕਿ ਦਿਓਲ ਡਾਕਟਰੀ ਇਲਾਜ ਲਈ ਵਿਦੇਸ਼ ਵਿੱਚ ਹਨ, ਧੋਤਰੇ ਹਸਪਤਾਲ ਵਿੱਚ ਦਾਖਲ ਹਨ।
ਬਸਪਾ ਦੇ ਅਤੁਲ ਸਿੰਘ ਜੇਲ ‘ਚ ਹੋਣ ਕਾਰਨ ਵੋਟ ਨਹੀਂ ਪਾ ਸਕੇ।
ਸ਼ਿਵ ਸੈਨਾ ਦੇ ਗਜਾਨਨ ਕੀਰਤੀਕਰ ਅਤੇ ਹੇਮੰਤ ਗੋਡਸੇ ਗੈਰਹਾਜ਼ਰ ਰਹੇ ਅਤੇ ਏਆਈਐਮਆਈਐਮ ਦੇ ਇਮਤਿਆਜ਼ ਜਲੀਲ ਨਹੀਂ ਆਏ।
