ਬਰੈਂਪਟਨ (ਕੁਲਤਰਨ ਸਿੰਘ ਪਧਿਆਣਾ) – ਬਰੈਂਪਟਨ ਦੇ ਇੱਕ ਫਾਰਮ ਹਾਊਸ ਚ ਬੀਤੇ ਦਿਨੀਂ ਕਤਲ ਕੀਤੇ ਗਏ ਅੰਤਰ-ਰਾਸ਼ਟਰੀ ਵਿਦਿਆਰਥੀ ਲਖਬੀਰ ਸਿੰਘ ਬੈਂਸ (ਲੱਕੀ) ਦੇ ਮਾਮਲੇ ਚ ਪੀਲ ਪੁਲਿਸ ਵੱਲੋ ਉਸਦੇ ਹੀ ਦੋਸਤ ਸ਼ਰਨਦੀਪ ਕੁਮਾਰ ਨੂੰ ਗ੍ਰਿਫਤਾਰ ਅਤੇ ਚਾਰਜ਼ ਕੀਤਾ ਗਿਆ ਹੈ ਜਿਸਦੀ ਕੋਰਟ ਪੇਸ਼ੀ 2 ਸਤੰਬਰ ਦੀ ਪਈ ਹੈ। ਮਿ੍ਰਤਕ ਲਖਬੀਰ ਸਿੰਘ ਬੈਂਸ ਪੰਜਾਬ ਦੇ ਬਲਾਚੌਰ ਨਾਲ ਸਬੰਧਤ ਸੀ। ਇਸਤੋ ਇਲਾਵਾ ਬਰੈਂਪਟਨ ਨਾਲ ਸਬੰਧਤ 31 ਸਾਲਾਂ ਲਕਸ਼ਬੀਰ ਸੰਘੇੜਾ ਦੀ ਜੌਰਜੀਅਨ ਬੇਅ ਚ ਡੁੱਬਣ ਨਾਲ ਮੌਤ ਦੀ ਖ਼ਬਰ ਵੀ ਸਾਹਮਣੇ ਆਈ ਹੈ। ਲਖਬੀਰ ਸੰਘੇੜਾ ਨੂੰ ਕੋਲ ਖੜੇ ਲੋਕਾ ਵੱਲੋ ਪਾਣੀ ਚੋ ਬਾਹਰ ਕੱਢ ਲਿਆ ਗਿਆ ਸੀ ਪਰ ਉਸਨੂੰ ਪੈਰੀ ਸਾਉੰਡ ਹੈਲਥ ਸੈੰਟਰ ਚ ਮਿ੍ਰਤਕ ਐਲਾਨ ਕਰ ਦਿੱਤਾ ਗਿਆ ਸੀ। ਦੱਸਣਯੋਗ ਹੈ ਕਿ ਬਹੁਤ ਵਾਰ ਐਡਵਾਈਜ਼ਰੀ ਦੇਣ ਦੇ ਬਾਵਜੂਦ ਵੀ ਪਾਣੀ ਚ ਡੁੱਬਣ ਕਾਰਨ ਹੋਣ ਵਾਲੀਆਂ ਮੌਤਾ ਦਾ ਸਿਲਸਲਾ ਬੰਦ ਨਹੀ ਹੋ ਰਿਹਾ ਹੈ ।
