ਟੋਰਾਂਟੋ ਪੁਲਿਸ ਦਾ ਕਹਿਣਾ ਹੈ ਕਿ 20 ਸਾਲ ਦੇ ਇੱਕ ਵਿਅਕਤੀ ਦੀ ਰਾਤੋ ਰਾਤ ਈਟੋਬੀਕੋ ਵਿੱਚ ਕਈ ਵਾਰ ਚਾਕੂ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ।
ਇੰਸਪੈਕਟਰ ਇਸ਼ਮੇਲ ਮੁਸਾਹ ਦਾ ਕਹਿਣਾ ਹੈ ਕਿ ਅਧਿਕਾਰੀਆਂ ਨੂੰ 11:57 ਵਜੇ ਹੰਬਰ ਕਾਲਜ ਅਤੇ ਜੌਨ ਗਾਰਲੈਂਡ ਬੁਲੇਵਰਡਸ ‘ਤੇ ਚਾਕੂ ਮਾਰਨ ਦੀ ਰਿਪੋਰਟ ‘ਤੇ ਬੁਲਾਇਆ ਗਿਆ ਸੀ।
ਜਿਥੇ ਉਨਾਂ ਚਾਕੂ ਦੇ ਜ਼ਖਮਾਂ ਨਾਲ ਇੱਕ ਆਦਮੀ ਨੁੰ ਬੁਰੀ ਤਰਾਂ ਜ਼ਖਮੀ ਹਾਲਤ ‘ਚ ਪਾਇਆ।
ਪੈਰਾਮੈਡਿਕਸ ਅਤੇ ਫਾਇਰਫਾਈਟਰਜ਼ ਨੇ ਘਟਨਾ ਸਥਾਨ ‘ਤੇ ਉਸ ਨੂੰ ਬਚਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਸਫਲ ਨਹੀਂ ਹੋਏ।
ਉਸ ਨੂੰ ਜਾਨਲੇਵਾ ਹਾਲਤ ਵਿੱਚ ਹਸਪਤਾਲ ਲਿਜਾਇਆ ਗਿਆ ਜਿੱਥੇ ਬਾਅਦ ਵਿੱਚ ਉਸਨੂੰ ਮ੍ਰਿਤਕ ਐਲਾਨ ਦਿੱਤਾ ਗਿਆ।
ਪੀੜਤ ਦੀ ਪਛਾਣ ਨਹੀਂ ਹੋ ਸਕੀ।
ਇਹ ਟੋਰਾਂਟੋ ਵਿੱਚ 2021 ਦਾ 63 ਵਾਂ ਕਤਲ ਹੈ।
