ਓਨਟਾਰੀਓ ‘ਚ ਬਰਫੀਲੇ ਤੂਫਾਨ ਕਾਰਨ 500 ਤੋਂ ਵੱਧ ਟੱਕਰਾਂ ਦੀ ਰਿਪੋਰਟ: OPP
ਪੁਲਿਸ ਦਾ ਕਹਿਣਾ ਹੈ ਕਿ ਓਨਟਾਰੀਓ ਵਿੱਚ ਬਰਫੀਲੇ ਤੂਫਾਨ ਕਾਰਨ 500 ਤੋਂ ਵੱਧ ਟੱਕਰਾਂ ਹੋਈਆਂ ਹਨ। ਸ਼ਨੀਵਾਰ ਸਵੇਰੇ ਲਗਭਗ 1 ਵਜੇ ਪੋਸਟ ਕੀਤੇ ਗਏ ਇੱਕ ਟਵੀਟ ਵਿੱਚ, ਓਨਟਾਰੀਓ ਪ੍ਰੋਵਿੰਸ਼ੀਅਲ ਪੁਲਿਸ (OPP) ਨੇ ਡਰਾਇਵਰਾਂ ਨੂੰ ਅਪੀਲ ਕੀਤੀ ਕਿ “ਜਦੋਂ ਤੱਕ ਮੌਸਮ ਵਿੱਚ ਸੁਧਾਰ ਨਹੀਂ ਹੁੰਦਾ ,ਘਰੋਂ ਬਾਹਰ ਨਾ ਨਿਕਲੋ, ਨਹੀਂ ਤਾਂ ਜਾਨੀ ਨੁਕਸਾਨ ਹੋ ਸਕਦਾ ਹੈ।
ਪੁਲਿਸ ਨੇ ਇੱਕ ਟਵੀਟ ਵਿੱਚ ਲਿਖਿਆ ਗਿਆ ਹੈ ,”ਸ਼ੁਕਰ ਹੈ ਕਿ ਇਸ ਸਮੇਂ ਕਿਸੇ ਵੀ ਮੌਤ ਦੀ ਕੋਈ ਰਿਪੋਰਟ ਨਹੀਂ ਹੈ, ਅਸੀਂ ਹਾਈਵੇਅ ਤੋਂ ਵਪਾਰਕ ਟਰਾਂਸਪੋਰਟ ਟਰੱਕਾਂ ਸਮੇਤ ਵਾਹਨਾਂ ਨੂੰ ਹਟਾਉਣ ‘ਤੇ ਕੰਮ ਕਰ ਰਹੇ ਹਾਂ, ਹਾਈਵੇਅ ਉਦੋਂ ਤੱਕ ਬੰਦ ਰਹਿਣਗੇ ਜਦੋਂ ਤੱਕ ਸਾਰੇ ਵਾਹਨਾਂ ਨੂੰ ਹਟਾਇਆ ਨਹੀਂ ਜਾਂਦਾ। ਹਾਈਵੇਅ 401/402 ਅਤੇ ਸੂਬੇ ਭਰ ਦੇ ਹੋਰ ਖੇਤਰਾਂ ਵਿੱਚ ਕਈ ਸੜਕਾਂ ਬੰਦ ਹਨ।
PLEASE RECONSIDER TRAVEL PLANS UNTIL THE WEATHER IMPROVES AND THE ROADS ARE REOPENED.
Over 500 collisions reported, thankfully no reports of any fatalities at this time. Many road closures remain in place. #OnStorm
Full video here⬇️ https://t.co/o6YnAnsQhx pic.twitter.com/oEHS5ajPMI— OPP Highway Safety Division (@OPP_HSD) December 24, 2022
ਰਿਪੋਰਟ ਅਨੁਸਾਰ ਇਸ ਬਰਫ਼ੀਲੇ ਤੂਫ਼ਾਨ ਕਾਰਨ ਦੇਸ਼ ਦੀ ਰਾਜਧਾਨੀ ਓਟਾਵਾ ਤੇ ਹੋਰ ਕਈ ਸ਼ਹਿਰਾ ਦੇ ਲੱਖ ਤੋ ਉੱਪਰ ਘਰਾਂ ‘ਚ ਬਿਜਲੀ ਵੀ ਠੱਪ ਹੈ। ਨਿਆਗਰਾ ਫਾਲ ਦੇ ਨਜ਼ਦੀਕ ਅਮਰੀਕਾ ਜਾਣ ਵਾਲਾ ਪੁਲ਼ ਖਰਾਬ ਮੌਸਮ ਕਾਰਨ ਬੰਦ ਕਰ ਦਿੱਤਾ ਗਿਆ ਹੈ । ਮੌਸਮ ਵਿਭਾਗ ਅਨੁਸਾਰ ਸ਼ਨੀਵਾਰ ਸਵੇਰ ਤੱਕ ਬਰਫਬਾਰੀ ਬੰਦ ਹੋ ਜਾਵੇਗੀ । ਪਰ ਠੰਢ ਦਾ ਕਹਿਰ ਮੰਗਲਵਾਰ ਤੱਕ ਜਾਰੀ ਰਹੇਗਾ।
