ਹਰ ਰੋਜ਼ ਸਵੇਰੇ ਘਾਹ ‘ਤੇ ਨੰਗੇ ਪੈਰੀਂ ਸੈਰ ਕਰੋ ਤੇ ਰਹੋ ਤਣਾਅ ਤੋਂ ਮੁਕਤ
ਘਾਹ ‘ਤੇ ਨੰਗੇ ਪੈਰੀਂ ਤੁਰਨਾ ਸਾਡੀ ਸਿਹਤ ਲਈ ਬਹੁਤ ਫਾਇਦੇਮੰਦ ਹੁੰਦਾ ਹੈ। ਆਓ ਤੁਹਾਨੂੰ ਇਸ ਦੇ ਫਾਇਦਿਆਂ ਬਾਰੇ ਦੱਸਦੇ ਹਾਂ –
ਅੱਖਾਂ ਦੀ ਰੋਸ਼ਨੀ ‘ਚ ਵਾਧਾ –ਸਵੇਰੇ-ਸਵੇਰੇ ਤ੍ਰੇਲ ਨਾਲ ਭਿੱਜੀ ਘਾਹ ‘ਤੇ ਸੈਰ ਕਰਨ ਨਾਲ ਅੱਖਾਂ ਦੀ ਰੋਸ਼ਨੀ ਵੀ ਬਹੁਤ ਤੇਜ਼ ਹੋ ਜਾਂਦੀ ਹੈ। ਕੁਝ ਦਿਨਾਂ ਤੱਕ ਹਰੇ ਘਾਹ ‘ਤੇ ਨੰਗੇ ਪੈਰੀਂ ਚੱਲਣ ਨਾਲ ਤੁਹਾਡੀ ਐਨਕ ਉਤਰ ਸਕਦੀ ਹੈ ਜਾਂ ਐਨਕਾਂ ਦਾ ਨੰਬਰ ਵੀ ਘੱਟ ਸਕਦਾ ਹੈ।
ਗਰੀਨ ਥੈਰੇਪੀ ਫਾਇਦੇਮੰਦ – ਤ੍ਰੇਲ ਵਿੱਚ ਭਿੱਜੇ ਹੋਏ ਘਾਹ ‘ਤੇ ਸਵੇਰੇ-ਸਵੇਰੇ ਸੈਰ ਕਰਨਾ ਬਹੁਤ ਫਾਇਦੇਮੰਦ ਮੰਨਿਆ ਜਾਂਦਾ ਹੈ ਜੋ ਪੈਰਾਂ ਦੇ ਹੇਠਾਂ ਕੋਮਲ ਕੋਸ਼ਿਕਾਵਾਂ ਨਾਲ ਜੁੜੀਆਂ ਨਸਾਂ ਰਾਹੀਂ ਦਿਮਾਗ ਨੂੰ ਰਾਹਤ ਪ੍ਰਦਾਨ ਕਰਦਾ ਹੈ। ਕੁਝ ਦੇਰ ਘਾਹ ‘ਤੇ ਬੈਠਣ ਅਤੇ ਸੈਰ ਕਰਨ ਨਾਲ ਵੀ ਐਲਰਜੀ ਅਤੇ ਛਿੱਕਾਂ ਤੋਂ ਛੁਟਕਾਰਾ ਪਾਇਆ ਜਾ ਸਕਦਾ ਹੈ।
ਮਾਸਪੇਸ਼ੀਆਂ ਦੇ ਖਿਚਾਅ ‘ਚ ਕਮੀ – ਘਾਹ ‘ਤੇ ਨੰਗੇ ਪੈਰੀਂ ਚੱਲਣ ਨਾਲ ਹੌਲੀ-ਹੌਲੀ ਮਾਸਪੇਸ਼ੀਆਂ ਦਾ ਖਿਚਾਅ ਘੱਟ ਹੋ ਜਾਂਦਾ ਹੈ ਅਤੇ ਇਹ ਤਣਾਅ-ਮੁਕਤ ਹੋ ਜਾਂਦਾ ਹੈ। ਇਸ ਦੇ ਨਾਲ ਹੀ ਗ੍ਰੀਨ ਥੈਰੇਪੀ ਦਿਮਾਗੀ ਸ਼ਕਤੀ ਨੂੰ ਵੀ ਕਾਫ਼ੀ ਵਧਾਉਂਦੀ ਹੈ।
ਡਾਇਬਟੀਜ਼ ਦੇ ਮਰੀਜ਼ ਲਈ ਫਾਇਦੇਮੰਦ – ਜੇਕਰ ਸ਼ੂਗਰ ਦਾ ਮਰੀਜ਼ ਹਰਿਆਲੀ ਦੇ ਵਿਚਕਾਰ ਚੱਲ ਕੇ ਨਿਯਮਤ ਡੂੰਘੇ ਸਾਹ ਲੈਂਦਾ ਹੈ, ਤਾਂ ਸਰੀਰ ਵਿੱਚ ਆਕਸੀਜਨ ਦੀ ਸਪਲਾਈ ਕਰਕੇ ਇਸ ਸਮੱਸਿਆ ਤੋਂ ਛੁਟਕਾਰਾ ਪਾਇਆ ਜਾ ਸਕਦਾ ਹੈ।
