ਪੂਰਬੀ ਓਨਟੇਰੀਓ ‘ਚ ਹੋਈ ਗੋਲੀਬਾਰੀ, 1 ਓਪੀਪੀ ਅਫਸਰ ਦੀ ਮੌਤ ਤੇ 2 ਜ਼ਖਮੀ
ਓਨਟੇਰੀਓ ਦੀ ਕਲੇਰੇਨਸ-ਰੌਕਲੈਂਡ ਮਿਊਂਸੀਪੈਲਿਟੀ ਵਿਚ ਪੈਂਦੇ ਪਿੰਡ ਬੂਜ਼ੇ ਵਿਚ ਹੋਈ ਸ਼ੂਟਿੰਗ ਵਿਚ ਓਨਟੇਰੀਓ ਪ੍ਰੋਵਿੰਸ਼ੀਅਲ ਪੁਲਿਸ ਦੇ ਇਕ ਅਫਸਰ ਦੀ ਮੌਤ ਹੋ ਗਈ ਹੈ ਜਦਕਿ ਦੋ ਹੋਰ ਪੁਲਿਸ ਕਰਮਚਾਰੀ ਜ਼ਖਮੀ ਹੋ ਗਏ ਹਨ। OPP ਦੇ ਕਮਿਸ਼ਨਰ ਥੌਮਸ ਕੈਰਿਕ ਦੇ ਅਨੁਸਾਰ ਮ੍ਰਿਤਕ ਪੁਲਿਸ ਅਫਸਰ ਦੀ ਪਛਾਣ ਸਾਰਜੈਂਟ ਐਰਿਕ ਮਿਉਲਰ ਵਜੋਂ ਹੋਈ ਹੈ।
1/3 Shortly after 2:00 am on May 11, 2023, officers from the Russell County OPP Detachment were dispatched to a disturbance at a home on Laval Street in Bourget, where someone had reported hearing a gunshot.
— OPP East Region (@OPP_ER) May 11, 2023
OPP ਅਨੁਸਾਰ ਵੀਰਵਾਰ ਸਵੇਰੇ 2 ਵਜੇ ਬੂਜ਼ੇ ਦੀ ਲਵੈਲ ਸਟ੍ਰੀਟ ਤੇ ਸਥਿਤ ਇਕ ਘਰ ਵਿਚ ਗੋਲੀ ਚੱਲਣ ਦੀ ਸੂਚਨਾ ਮਿਲੀ ਸੀ। ਪੁਲਿਸ ਅਨੁਸਾਰ, ਜਦੋ ਤਿੰਨੇ ਪੁਲਿਸ ਅਧਿਕਾਰੀ ਉਸ ਘਰ ਵਿਚ ਪੁਹੰਚੇ ਤਾਂ ਉਨ੍ਹਾਂ ਦੇ ਗੋਲੀ ਮਾਰ ਦਿੱਤੀ ਗਈ। ਉਹਨਾਂ ਨੂੰ ਔਟਵਾ ਦੇ ਹਸਪਤਾਲ ਲਿਆਂਦਾ ਗਿਆ ਸੀ, ਜਿਥੇ ਇੱਕ ਅਧਿਕਾਰੀ ਦੀ ਮੌਤ ਹੋ ਗਈ। ਦੋ ਜ਼ਖਮੀ ਪੁਲਿਸਕਰਮੀ ਜ਼ੇਰੇ ਇਲਾਜ ਹਨ, ਪਰ ਉਨ੍ਹਾਂ ਦੀ ਸਥਿਤੀ ਬਾਰੇ ਵੇਰਵੇ ਨਹੀਂ ਦਿੱਤੇ ਗਏ ਹਨ।
ਪੁਲਿਸ ਅਨੁਸਾਰ ਸ਼ੱਕੀ ਵਿਅਕਤੀ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ ਅਤੇ ਆਮ ਜਨਤਾ ਲਈ ਕੋਈ ਖ਼ਤਰਾ ਨਹੀਂ ਹੈ। ਇਸ ਮਾਮਲੇ ਵਿਚ ਔਟਵਾ ਪੁਲਿਸ ਦੇ ਅਫਸਰ ਵੀ ਸਹਾਇਤਾ ਕਰ ਰਹੇ ਹਨ। ਓਨਟੇਰੀਓ ਪ੍ਰੀਮੀਅਰ ਡੱਗ ਫੋਰਡ ਅਤੇ ਪ੍ਰਧਾਨ ਮੰਤਰੀ ਜਸਟਿਨ ਜਸਟਿਨ ਟਰੂਡੋ ਨੇ ਵੀ ਇਸ ਘਟਨਾ ਤੇ ਗਹਿਰਾ ਦੁੱਖ ਜ਼ਾਹਿਰ ਕਰਦਿਆਂ ਪ੍ਰਭਾਵਿਤ ਪਰਿਵਾਰਾਂ ਨੂੰ ਆਪਣੀਆਂ ਸੰਵੇਦਨਾਵਾਂ ਭੇਜੀਆਂ।
