ਓਂਟਾਰੀਓ ਸਾਇੰਸ ਸੈਂਟਰ ਦੀ ਡਿਜ਼ਾਈਨ ਕਰਨ ਵਾਲੀ ਆਰਕਿਟੈਕਚਰ ਫਰਮ ਨੇ ਮੁਫ਼ਤ ਮੁਰੰਮਤ ਸੇਵਾਵਾਂ ਦੀ ਪੇਸ਼ਕਸ਼ ਕੀਤੀ
ਓਂਟਾਰੀਓ ਸਾਇੰਸ ਸੈਂਟਰ (OSC) ਨੂੰ ਬੰਦ ਕਰਨ ਦੇ ਫੈਸਲੇ ‘ਤੇ ਨਿਰਮਾਤਾ ਫਰਮ ਨੇ ਨਿਰਾਸ਼ਾ ਜ਼ਾਹਰ ਕੀਤੀ ਹੈ ਅਤੇ ਇਮਾਰਤ ਨੂੰ ਠੀਕ ਕਰਨ ਲਈ ਮੁਫ਼ਤ ਸੇਵਾਵਾਂ ਦੀ ਪੇਸ਼ਕਸ਼ ਕੀਤੀ ਹੈ।
ਸ਼ੁੱਕਰਵਾਰ ਨੂੰ, ਓਂਟਾਰੀਓ ਮੰਤਰਾਲਾ ਨੇ ਚੰਕਿਤ ਕਰ ਦੇਣ ਵਾਲੀ ਘੋਸ਼ਣਾ ਕੀਤੀ ਕਿ 1969 ਵਿੱਚ ਮਰਹੂਮ ਰੇਮੰਡ ਮੋਰਿਯਾਮਾ ਦੁਆਰਾ ਡਿਜ਼ਾਈਨ ਕੀਤੀ ਗਈ ਡੌਨ ਮਿੱਲਜ਼ ਦੀ ਪ੍ਰਸਿੱਧ ਇਮਾਰਤ ਕੁਝ ਮਹੀਨਿਆਂ ਵਿੱਚ ਸੰਰਚਨਾਤਮਕ ਤੌਰ ‘ਤੇ ਖਰਾਬ ਹੋ ਜਾਵੇਗੀ ਅਤੇ ਰਿਪੋਰਟ ਦੇ ਅਧਾਰ ‘ਤੇ ਇਸਦੀ ਛੱਤ ਭਾਰੀ ਬਰਸਾਤ ਜਾਂ ਬਰਫ਼ ਦੇ ਕਾਰਨ ਡਿੱਗਣ ਦਾ ਖਤਰਾ ਹੈ।
ਡਗ ਫੋਰਡ ਦੀ ਸਰਕਾਰ ਨੇ ਓਂਟਾਰੀਓ ਸਾਇੰਸ ਸੈਂਟਰ ਦੀ ਖਰਾਬ ਹਾਲਤ ਲਈ ਗਲਤ ਕੰਕਰੀਟ ਨੂੰ ਦੋਸ਼ੀ ਠਹਿਰਾਇਆ ਹੈ, ਪਰ ਮੋਰਿਯਾਮਾ ਨੇ ਪਿਛਲੇ ਸਾਲ ਇਕ ਪੱਤਰ ਵਿੱਚ ਕਿਹਾ ਸੀ ਕਿ “ਅਸੀਂ ਆਰਕਿਟੈਕਟਸ ਨੂੰ 100 ਸਾਲਾਂ ਤੋਂ ਵੱਧ ਚੱਲਣ ਵਾਲੀ ਕੰਕਰੀਟ ਵਰਤਣ ਲਈ ਕਿਹਾ ਗਿਆ ਸੀ। ਸਹੀ ਰੱਖ-ਰਖਾਅ ਨਾਲ, ਇਸ ਪ੍ਰੋਜੈਕਟ ਦੀ ਜ਼ਿੰਦਗੀ 250 ਸਾਲ ਤੋਂ ਵੱਧ ਚੱਲੇਗੀ।”
ਮੋਰਿਯਾਮਾ ਤੇਸ਼ੀਮਾ ਆਰਕਿਟੈਕਟਸ (MTA) ਨੇ ਕਿਹਾ ਕਿ ਇਹ ਸਥਾਨ ਸੂਬੇ ਦੀ ਪਹਿਚਾਣ ਦਾ ਅਹਿਮ ਹਿੱਸਾ ਹੈ ਅਤੇ ਰਿਮਕਸ ਰਿਪੋਰਟ ਇਹ ਸਪੱਸ਼ਟ ਕਰਦੀ ਹੈ ਕਿ OSC ਨੂੰ ਬੰਦ ਕਰਨਾ ਜ਼ਰੂਰੀ ਨਹੀਂ ਹੈ। ਉਨ੍ਹਾਂ ਨੇ ਕਿਹਾ ਕਿ “ਮੁਰੰਮਤ ਦੀ ਲੋੜ ਹੈ, ਪਰ ਇਹ ਸੰਭਾਲਣ ਯੋਗ ਪੱਧਰ ਤੇ ਹੈ ਅਤੇ ਸਾਰਜਨਿਕ ਅਨੁਭਵ ‘ਤੇ ਸੰਭਾਵਿਤ ਤੌਰ ‘ਤੇ ਘੱਟ ਪ੍ਰਭਾਵ ਪਵੇਗਾ,” ਅਤੇ ਇਮਾਰਤ ਦੀ ਛੱਤ ਦੀ ਮੁਰੰਮਤ ਲਈ ਸਰਕਾਰ ਨੂੰ ਪ੍ਰੋ-ਬੋਨੋ ਸੇਵਾਵਾਂ ਦੀ ਪੇਸ਼ਕਸ਼ ਕੀਤੀ।
ਉਨ੍ਹਾਂ ਨੇ ਸੰਰਚਨਾਤਮਕ ਅਤੇ ਇਮਾਰਤ ਸਾਇੰਸ ਕਮਿਊਨਿਟੀ ਨੂੰ ਵੀ ਸਿਫ਼ਾਰਸ਼ ਕੀਤੀ ਕਿ ਉਹ ਵੀ ਮੁਫ਼ਤ ਸੇਵਾਵਾਂ ਦੀ ਪੇਸ਼ਕਸ਼ ਕਰਨ। ਜਨਤਾ ਨੇ ਵੀ ਇਮਾਰਤ ਨੂੰ ਠੀਕ ਕਰਨ ਵਿੱਚ ਸਹਾਇਤਾ ਦੇਣ ਲਈ ਦਾਨ ਕਰਨ ਦੀ ਪੇਸ਼ਕਸ਼ ਕੀਤੀ ਹੈ।
ਪ੍ਰਾਂਤ ਨੇ ਇਸ ਹਫ਼ਤੇ ਸਵਾਲਾਂ ਦਾ ਜਵਾਬ ਨਹੀਂ ਦਿੱਤਾ ਕਿ ਕੀ ਉਹ ਸਾਇੰਸ ਸੈਂਟਰ ਦੀ ਮੁਰੰਮਤ ਲਈ ਜਨਤਾ ਤੋਂ ਫੰਡ ਲੈਵੇਗਾ ਜਾਂ ਨਹੀਂ। ਪਰ ਟੋਰਾਂਟੋ ਦੀ ਮੇਅਰ ਓਲਿਵੀਆ ਚਾਉ ਨੇ ਇਸ ਵਿਚਾਰ ਦੀ ਸਮਰਥਾ ਕੀਤੀ। “ਲੋਕਾਂ ਨੂੰ ਸੇਵਾਵਾਂ ਪ੍ਰਦਾਨ ਕਰਨ ਲਈ ਦਾਨ ਦੇਣ ਦੀ ਪੇਸ਼ਕਸ਼ ਕਰਦੇ ਵੇਖਣਾ ਵਧੀਆ ਹੈ।”
MTA ਨੇ ਕਿਹਾ ਕਿ “ਸਾਡੇ ਸੇਵਾਵਾਂ ਦੀ ਪੇਸ਼ਕਸ਼, ਜਨਸਮੂਹ ਦੁਆਰਾ ਦਰਿਆ ਦਿਲੀ ਨਾਲ ਪੇਸ਼ਕਸ਼ ਕੀਤੇ ਗਏ ਫੰਡਾਂ ਦੇ ਨਾਲ, ਸੂਬੇ ਲਈ ਇਸ ਫੈਸਲੇ ਨੂੰ ਰੱਦ ਕਰਨ ਅਤੇ ਇਸ ਅਹਿਮ ਸਾਧਨ ਨੂੰ ਸੁਰੱਖਿਅਤ ਰੱਖਣ ਲਈ ਕੋਈ ਵੀ ਰੁਕਾਵਟ ਨਹੀਂ ਛੱਡਣੀ ਚਾਹੀਦੀ।”
