ਦੱਖਣੀ ਏਟੋਬਿਕੋਕ ਦੇ ਇੱਕ ਘਰ ਵਿੱਚ ਅੱਗ ਨਾਲ ਵਿਅਕਤੀ ਦੀ ਮੌਤ

ਦੱਖਣੀ ਏਟੋਬਿਕੋਕ ਦੇ ਲੇਕ ਸ਼ੋਰ ਬੁਲੇਵਾਰਡ ਵਿਖੇ ਸ਼ਨੀਵਾਰ ਸ਼ਾਮ ਇਕ ਦੋ ਮੰਜ਼ਿਲਾ ਘਰ ਵਿੱਚ ਲੱਗੀ ਅੱਗ ਦੌਰਾਨ ਇੱਕ ਵਿਅਕਤੀ ਦੀ ਮੌਤ ਹੋ ਗਈ। ਘਟਨਾ ਦੀ ਸੂਚਨਾ ਮਿਲਣ ‘ਤੇ ਸ਼ਾਮ 6:41 ਵਜੇ ਫਾਇਰ ਬ੍ਰਿਗੇਡ ਮਾਈਲਜ਼ ਰੋਡ ‘ਤੇ ਸਥਿਤ ਘਰ ‘ਤੇ ਪਹੁੰਚੀ। ਡਿਪਟੀ ਫਾਇਰ ਚੀਫ ਪਾਲ ਫਿਟਜ਼ਗੇਰਾਲਡ ਨੇ ਦੱਸਿਆ ਕਿ ਘਰ ਦੀ ਸਾਹਮਣੇ ਵਾਲੀ ਖਿੜਕੀ ਵਿੱਚੋਂ ਅੱਗ ਦੀਆਂ ਲਪਟਾਂ ਨਜ਼ਰ ਆ ਰਹੀਆਂ ਸਨ, ਜਿਸ ਕਾਰਨ ਦਲ ਨੇ ਫੌਰੀ ਕਾਰਵਾਈ ਕਰਦੇ ਹੋਏ ਅੱਗ ‘ਤੇ ਕਾਬੂ ਪਾ ਲਿਆ।