ਇਜ਼ਰਾਈਲੀ ਫੌਜ (ਆਈਡੀਐਫ) ਨੇ ਹਿਜ਼ਬੁੱਲਾ ਸੰਗਠਨ ਬਾਰੇ ਵੱਡਾ ਖੁਲਾਸਾ ਕੀਤਾ ਹੈ। ਆਈਡੀਐਫ ਦੇ ਮੁੱਖ ਬੁਲਾਰੇ, ਰੀਅਰ ਐਡਮਿਰਲ ਡੇਨੀਅਲ ਹਗਾਰੀ ਨੇ ਦਾਅਵਾ ਕੀਤਾ ਹੈ ਕਿ ਹਿਜ਼ਬੁੱਲਾ ਦੇ ਮੁਖੀ ਹਸਨ ਨਸਰੁੱਲਾ ਦੀ ਮੌਤ ਦੇ ਮੌਕੇ ‘ਤੇ ਜਿਸ ਬੰਕਰ ‘ਤੇ ਹਮਲਾ ਕੀਤਾ ਗਿਆ, ਉਹ ਬੰਕਰ ਪੂਰੇ ਖ਼ਜ਼ਾਨੇ ਨਾਲ ਭਰਿਆ ਹੋਇਆ ਸੀ। ਆਈਡੀਐਫ ਦੇ ਅਨੁਸਾਰ, ਇਸ ਬੰਕਰ ਵਿੱਚ ਲਗਭਗ 500 ਮਿਲੀਅਨ ਡਾਲਰ ਦੀ ਕੀਮਤ ਦਾ ਸੋਨਾ ਅਤੇ ਨਕਦੀ ਮੌਜੂਦ ਹੈ। ਇਸ ਰਕਮ ਨੂੰ ਲਿਬਨਾਨ ਦੀ ਮੁੜ ਤਾਮੀਰ ‘ਚ ਵਰਤਿਆ ਜਾ ਸਕਦਾ ਸੀ।
ਇਜ਼ਰਾਈਲੀ ਫੌਜ ਨੇ ਦੱਸਿਆ ਕਿ ਲਿਬਨਾਨ ਦੀ ਰਾਜਧਾਨੀ ਬੇਰੂਤ ਵਿੱਚ ਸਥਿਤ ਅਲ ਸਹੇਲ ਹਸਪਤਾਲ ਦੇ ਹੇਠਾਂ ਇਹ ਗੁਪਤ ਬੰਕਰ ਹੈ। ਇਸ ਨੂੰ ਹਿਜ਼ਬੁੱਲਾ ਨੇ ਪੈਸੇ ਨੂੰ ਸੁਰੱਖਿਅਤ ਰੱਖਣ ਲਈ ਵਰਤਿਆ ਸੀ। ਇਸ ਖ਼ਜ਼ਾਨੇ ਦੀ ਮੁੱਲ ਭਾਰਤੀ ਰੁਪਏ ਵਿੱਚ ਲਗਭਗ 4200 ਕਰੋੜ ਹੈ। ਇਸ ਬੰਕਰ ਬਾਰੇ ਜਾਣਕਾਰੀ ਦੇਣ ਸਮੇਂ, ਇਜ਼ਰਾਈਲੀ ਬੁਲਾਰੇ ਨੇ ਕਿਹਾ ਕਿ ਇਨ੍ਹਾਂ ਪੈਸਿਆਂ ਦਾ ਹਮਲਾਵਰ ਢੰਗ ਨਾਲ ਵਰਤੋਂ ਹੋ ਸਕਦੀ ਹੈ ਅਤੇ ਇਹ ਹਿਜ਼ਬੁੱਲਾ ਦੇ ਵਿੱਤੀ ਟਿਕਾਣਿਆਂ ਨੂੰ ਨਿਸ਼ਾਨਾ ਬਣਾਉਣ ਦੇ ਯਤਨਾਂ ਦਾ ਹਿੱਸਾ ਹੈ।
ਇਜ਼ਰਾਈਲ ਨੇ ਹਿਜ਼ਬੁੱਲਾ ਦੇ ਵਿੱਤੀ ਟੀਚਿਆਂ ‘ਤੇ ਸਟੀਕ ਹਮਲੇ ਕੀਤੇ ਹਨ। ਰੀਅਰ ਐਡਮਿਰਲ ਡੇਨੀਅਲ ਹਗਾਰੀ ਨੇ ਕਿਹਾ ਕਿ ਇਹ ਹਮਲਾ ਇਕ ਗੁਪਤ ਸਥਾਨ ‘ਤੇ ਕੀਤਾ ਗਿਆ ਸੀ, ਜਿੱਥੇ ਹਸਪਤਾਲ ਦੇ ਹੇਠਾਂ ਲੁਕਾਏ ਖ਼ਜ਼ਾਨੇ ਨੂੰ ਨਿਸ਼ਾਨਾ ਬਣਾਇਆ ਗਿਆ। ਹਗਾਰੀ ਨੇ ਇਹ ਵੀ ਦੱਸਿਆ ਕਿ ਇਸ ਖ਼ਜ਼ਾਨੇ ਦੀ ਵਰਤੋਂ ਲਿਬਨਾਨ ਦੇ ਮੁੜ ਨਿਰਮਾਣ ਲਈ ਕੀਤੀ ਜਾ ਸਕਦੀ ਸੀ।
ਇਜ਼ਰਾਈਲੀ ਦਾਅਵੇ ‘ਤੇ ਹਿਜ਼ਬੁੱਲਾ ਨੇ ਵਿਰੋਧ ਕਰਦਿਆਂ ਇਨ੍ਹਾਂ ਦੋਸ਼ਾਂ ਨੂੰ ਬੇਬੁਨਿਆਦ ਕਰਾਰ ਦਿੱਤਾ। ਲਿਬਨਾਨ ਦੇ ਵਿਧਾਇਕ ਫਾਦੀ ਅਲਮੇਹ ਨੇ ਕਿਹਾ ਕਿ ਇਹ ਦੋਸ਼ ਸੱਚ ਨਹੀਂ ਹਨ ਅਤੇ ਅਲ ਸਹੇਲ ਹਸਪਤਾਲ ਇੱਕ ਸਾਧਾਰਣ ਹਸਪਤਾਲ ਹੈ, ਜਿਸ ਵਿੱਚ ਓਪਰੇਟਿੰਗ ਰੂਮ ਅਤੇ ਮਰੀਜ਼ਾਂ ਦੀ ਦੇਖਭਾਲ ਲਈ ਸੇਵਾਵਾਂ ਦਿੱਤੀਆਂ ਜਾਂਦੀਆਂ ਹਨ।
ਕੁਝ ਦਿਨ ਪਹਿਲਾਂ ਬੇਰੂਤ ਵਿੱਚ ਕੀਤੇ ਗਏ ਇੱਕ ਹਵਾਈ ਹਮਲੇ ਵਿੱਚ ਹਿਜ਼ਬੁੱਲਾ ਮੁਖੀ ਹਸਨ ਨਸਰੁੱਲਾ ਦੀ ਮੌਤ ਹੋ ਗਈ ਸੀ। ਇਸ ਹਮਲੇ ਵਿੱਚ ਨਸਰੁੱਲਾ ਦੀ ਧੀ ਜ਼ੈਨਬ ਨਸਰੁੱਲਾ ਦੀ ਵੀ ਮੌਤ ਹੋ ਗਈ ਸੀ। ਇਸ ਹਮਲੇ ਤੋਂ ਬਾਅਦ ਹਿਜ਼ਬੁੱਲਾ ਅਤੇ ਇਜ਼ਰਾਈਲ ਵਿਚਕਾਰ ਤਣਾਅ ਹੋਰ ਵੀ ਵਧ ਗਿਆ।
ਹਿਜ਼ਬੁੱਲਾ ਨੇ ਸਪੱਸ਼ਟ ਕਰ ਦਿੱਤਾ ਹੈ ਕਿ ਉਹ ਇਜ਼ਰਾਈਲ ਵਿਰੁੱਧ ਜੰਗ ਦੇ ਇੱਕ ਨਵੇਂ ਪੜਾਅ ਵਿੱਚ ਪ੍ਰਵੇਸ਼ ਕਰਨ ਵਾਲਾ ਹੈ। ਹਮਾਸ ਨੇਤਾ ਯਾਹਿਆ ਸਿਨਵਰ ਦੀ ਮੌਤ ਤੋਂ ਬਾਅਦ, ਹਿਜ਼ਬੁੱਲਾ ਨੇ ਇਜ਼ਰਾਈਲ ਨੂੰ ਨਵੀਂ ਧਮਕੀ ਦਿੱਤੀ ਸੀ, ਕਹਿੰਦੇ ਹੋਏ ਕਿ ਜੰਗ ਦੀ ਗਤੀ ਹੋਰ ਵਧੇਗੀ।
