ਹਰ ਓਨਟਾਰਿਓ ਵਾਸੀ ਨੂੰ $200 ਦੇ ਚੈਕ – ਕੀ ਇਹ ਚੋਣਾਂ ਤੋਂ ਪਹਿਲਾਂ ਦੀ ਰਿਸ਼ਵਤ ਜਾਂ ਜਨਤਕ ਰਾਹਤ?
ਓਨਟਾਰਿਓ ਦੇ ਪ੍ਰੀਮੀਅਰ ਡਗ ਫੋਰਡ ਨੇ ਸੂਬੇ ਦੇ ਹਰੇਕ ਵਸਨੀਕ ਲਈ $200 ਦੇ ਸਹਾਇਤਾ ਚੈਕ ਭੇਜਣ ਦਾ ਐਲਾਨ ਕੀਤਾ ਹੈ, ਜਿਸਦਾ ਮੁੱਖ ਮਕਸਦ ਮਹਿੰਗਾਈ ਤੋਂ ਪੀੜਤ ਲੋਕਾਂ ਨੂੰ ਰਾਹਤ ਪਹੁੰਚਾਉਣਾ ਹੈ। ਮੰਗਲਵਾਰ ਨੂੰ ਸਕਾਰਬਰੋ ਵਿੱਚ ਪ੍ਰੈਸ ਕਾਨਫਰੰਸ ਦੌਰਾਨ ਉਨ੍ਹਾਂ ਨੇ ਕਿਹਾ ਕਿ ਇਹ ਯੋਜਨਾ ਉਨ੍ਹਾਂ ਟੈਕਸ ਪੇਅਰਜ਼ ਲਈ ਹੈ ਜੋ ਮਹਿੰਗਾਈ ਦੇ ਵਧ ਰਹੇ ਖਰਚਿਆਂ ਨਾਲ ਜੂਝ ਰਹੇ ਹਨ। ਉਨ੍ਹਾਂ ਦੇ ਨਾਲ ਵਿੱਤ ਮੰਤਰੀ ਪੀਟਰ ਬੈਥਲੈਨਫੌਲਵੀ ਵੀ ਮੌਜੂਦ ਸਨ ਜਿਨ੍ਹਾਂ ਨੇ ਕਿਹਾ ਕਿ ਸੂਬੇ ਦੇ ਹਰ ਨਾਗਰਿਕ ਨੂੰ ਇਹ ਰਕਮ ਮਿਲੇਗੀ। ਇਹ ਯੋਜਨਾ ਅਗਲੀ ਸਾਲ ਆਉਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਲਈ ਇੱਕ ਅਗਾਹੀ ਦੇ ਤੌਰ ‘ਤੇ ਵੀ ਦੇਖੀ ਜਾ ਰਹੀ ਹੈ, ਜਦੋਂ ਕਿ ਵਿਰੋਧੀ ਧਿਰ ਨੇ ਇਸ ਫ਼ੈਸਲੇ ਨੂੰ ਚੋਣਾਂ ਤੋਂ ਪਹਿਲਾਂ ਰਿਸ਼ਵਤ ਦੇਣ ਦੀ ਕੋਸ਼ਿਸ਼ ਕਰਾਰ ਦਿੱਤਾ ਹੈ।
ਉਨਟਾਰਿਓ ਦੇ ਕੋਨੇ-ਕੋਨੇ ਤੋਂ ਰਹਿਣ-ਸਹਿਣ ਦੇ ਵਧ ਰਹੇ ਖਰਚਿਆਂ ਬਾਰੇ ਗੰਭੀਰ ਗੱਲਾਂ ਸੁਣਦਿਆਂ, ਫੋਰਡ ਸਰਕਾਰ ਨੇ 2025 ਦੇ ਸ਼ੁਰੂ ਵਿਚ ਚਾਰ ਮੈਂਬਰਾਂ ਦੇ ਪਰਿਵਾਰ ਲਈ $800 ਤੱਕ ਦੀ ਰਕਮ ਰਾਹਤ ਦੇ ਤੌਰ ’ਤੇ ਮੁਹੱਈਆ ਕਰਵਾਉਣ ਦਾ ਐਲਾਨ ਕੀਤਾ ਹੈ। ਇਸ ਦੇ ਨਾਲ ਹੀ ਇਸ ਯੋਜਨਾ ਨਾਲ ਓਨਟਾਰਿਓ ਦੇ ਸਰਕਾਰੀ ਖ਼ਜ਼ਾਨੇ ’ਤੇ ਲਗਭਗ 3 ਅਰਬ ਡਾਲਰ ਦਾ ਬੋਝ ਪੈਣ ਦੀ ਸੰਭਾਵਨਾ ਹੈ। ਵਿਰੋਧੀ ਧਿਰ, ਜਿਵੇਂ ਕਿ ਲਿਬਰਲ ਪਾਰਟੀ ਦੀ ਆਗੂ ਬੌਨੀ ਕਰੌਂਬੀ ਅਤੇ ਐਨ.ਡੀ.ਪੀ. ਦੀ ਮੈਰਿਟ ਸਟਾਇਲਜ਼ ਨੇ ਇਸ ਉਪਰਾਲੇ ਨੂੰ ਚੋਣਾਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਇਕ ਚਾਲ ਕਰਾਰ ਦਿੱਤਾ। ਉਨ੍ਹਾਂ ਦਾ ਦਾਵਾ ਹੈ ਕਿ ਇਹ ਰਕਮ ਚੋਣਾਂ ਦੇ ਨੇੜੇ ਹੀ ਲੋਕਾਂ ਦੇ ਮਨਾਂ ਨੂੰ ਖਰੀਦਣ ਦੀ ਕੋਸ਼ਿਸ਼ ਕਰਦੀ ਨਜ਼ਰ ਆ ਰਹੀ ਹੈ।
ਲਿਬਰਲ ਆਗੂ ਕਰੌਂਬੀ ਨੇ ਸਵਾਲ ਉਠਾਇਆ ਕਿ ਕੀ ਇਹ ਚੈਕ ਚੋਣਾਂ ਤੋਂ ਪਹਿਲਾਂ ਚੋਣਵੇਂ ਹੀ ਲੋਕਾਂ ਲਈ ਰਿਸ਼ਵਤ ਦੀ ਤਰ੍ਹਾਂ ਵਰਤੇ ਜਾ ਰਹੇ ਹਨ? ਉਨ੍ਹਾਂ ਨੇ ਦਾਅਵਾ ਕੀਤਾ ਕਿ ਉਹਨਾਂ ਦੀ ਪਾਰਟੀ ਚੋਣਾਂ ਵਿੱਚ ਜਿੱਤਣ ‘ਤੇ ਮੱਧ ਵਰਗ ਲਈ ਟੈਕਸ ਕਟੌਤੀਆਂ ਦੀ ਰਾਹਤ ਲਿਆਉਣ ਦੀ ਯੋਜਨਾ ਬਣਾਉਂਦੀ ਹੈ। ਐਨ.ਡੀ.ਪੀ. ਆਗੂ ਸਟਾਇਲਜ਼ ਨੇ ਦੋਸ਼ ਲਾਇਆ ਕਿ ਇਹ ਤਰੀਕਾ ਮਹਿੰਗਾਈ ਅਤੇ ਮਹਿੰਗੇ ਮਕਾਨਾਂ ਤੋਂ ਪੀੜਤ ਲੋਕਾਂ ਨੂੰ ਕੋਈ ਮੂਲ ਤਰੀਕਾ ਜਾਂ ਸਥਾਈ ਹੱਲ ਨਹੀਂ ਦੇ ਸਕਦਾ, ਅਤੇ ਇਹ ਸਿਰਫ਼ ਚੋਣਾਂ ਤੋਂ ਪਹਿਲਾਂ ਹੀ ਇੱਕ ਅਸਥਾਈ ਰਾਹਤ ਹੈ।
ਗਰੀਨ ਪਾਰਟੀ ਦੇ ਮਾਈਕ ਸ਼ਰੀਨਰ ਨੇ ਇਸ ਪੈਕੇਜ ਨੂੰ ਵੀ ਇੱਕ ਪ੍ਰਕਾਰ ਦੀ ਮਿਆਰੀ ਜਾਂਚ ਤੋਂ ਬਿਨਾਂ ਦਿੱਤੀ ਰਕਮ ਕਰਾਰ ਦਿੱਤਾ ਹੈ, ਜਿਸ ਵਿੱਚ ਅਮੀਰ ਲੋਕ ਵੀ ਸ਼ਾਮਲ ਹਨ। ਉਨ੍ਹਾਂ ਅਕਸਰ ਮੁਲਾਕਾਤ ਕਰਨ ਵਾਲੇ ਲੌਬੀਇੰਗ ਵਰਗ ਦੇ ਸਾਬਕਾ ਮੁਖੀਆਂ ਨੂੰ ਵੀ ਸਹਾਇਤਾ ਦੇਣ ਦਾ ਆਰੋਪ ਲਾਇਆ ਹੈ।
ਪ੍ਰੀਮੀਅਰ ਫੋਰਡ ਦੇ ਦਾਅਵੇ ਦੇ ਬਾਵਜੂਦ, ਇਹ ਸਵਾਲ ਖੜਾ ਹੈ ਕਿ ਕੀ ਇਹ ਰਾਹਤ ਯੋਜਨਾ ਵਾਕਈ ਹੀ ਮਹਿੰਗਾਈ ਦੇ ਬੋਝ ਨਾਲ ਸੰਘਰਸ਼ ਕਰਦੇ ਲੋਕਾਂ ਨੂੰ ਮਦਦ ਦੇਵੇਗੀ ਜਾਂ ਇਹ ਸਿਰਫ ਇੱਕ ਰਾਜਨੀਤਿਕ ਚਾਲ ਹੈ ਜੋ ਅਗਲੇ ਸਾਲ ਹੋਣ ਵਾਲੀਆਂ ਚੋਣਾਂ ਵਿੱਚ ਵੋਟਾਂ ਹਾਸਲ ਕਰਨ ਲਈ ਕੀਤੀ ਗਈ ਹੈ?
