ਟੈਕਸਾਸ ਦੇ ਐਲ ਪਾਸੋ ਇਲਾਕੇ ਵਿੱਚ US Airspace 10 ਦਿਨ ਲਈ ਬੰਦ |
ਐਲ ਪਾਸੋ ਵਿੱਚ US Airspace 10 ਦਿਨ ਲਈ ਬੰਦ |
ਅਮਰੀਕਾ ਦੀ Federal Aviation Administration (FAA) ਨੇ ਟੈਕਸਾਸ ਦੇ ਸਰਹੱਦੀ ਸ਼ਹਿਰ El Paso ਦੇ ਆਸ-ਪਾਸ ਦਾ US Airspace 10 ਦਿਨਾਂ ਲਈ ਬੰਦ ਕਰ ਦਿੱਤਾ ਹੈ। ਅਧਿਕਾਰੀਆਂ ਨੇ ਦੱਸਿਆ ਕਿ ਇਹ ਫੈਸਲਾ “ਖਾਸ ਸੁਰੱਖਿਆ ਕਾਰਨਾਂ” ਕਰਕੇ ਲਿਆ ਗਿਆ ਹੈ।
El Paso International Airport ਅਤੇ ਸਿਟੀ ਸਰਕਾਰ ਵੱਲੋਂ ਪੁਸ਼ਟੀ ਕੀਤੀ ਗਈ ਹੈ ਕਿ ਮੰਗਲਵਾਰ ਰਾਤ 11:30 ਵਜੇ ਤੋਂ 20 ਫਰਵਰੀ ਰਾਤ 11:30 ਵਜੇ ਤੱਕ ਕੋਈ ਵੀ ਜਹਾਜ਼ ਨਾ ਉਡੇਗਾ ਅਤੇ ਨਾ ਹੀ ਉਤਰੇਗਾ। ਇਸ ਦੌਰਾਨ ਵਪਾਰਕ, ਕਾਰਗੋ ਅਤੇ ਜਨਰਲ ਏਵੀਏਸ਼ਨ ਦੀਆਂ ਸਾਰੀਆਂ ਉਡਾਣਾਂ ਰੋਕ ਦਿੱਤੀਆਂ ਗਈਆਂ ਹਨ।
ਸਿਟੀ ਕੌਂਸਲ ਮੈਂਬਰ Chris Canales ਨੇ ਕਿਹਾ ਕਿ ਸਥਾਨਕ ਪ੍ਰਸ਼ਾਸਨ ਨੂੰ US Airspace ਬੰਦ ਕਰਨ ਬਾਰੇ ਨਾ ਤਾਂ ਪਹਿਲਾਂ ਤੋਂ ਕੋਈ ਸੂਚਨਾ ਦਿੱਤੀ ਗਈ ਅਤੇ ਨਾ ਹੀ ਵਿਸਥਾਰ ਨਾਲ ਕਾਰਨ ਦੱਸਿਆ ਗਿਆ। ਉਨ੍ਹਾਂ ਮੁਤਾਬਕ ਇਹ ਕਦਮ ਬਹੁਤ ਹੀ ਅਸਧਾਰਣ ਹੈ ਅਤੇ ਲੋਕਾਂ ਵਿੱਚ ਚਿੰਤਾ ਦਾ ਮਾਹੌਲ ਹੈ।
FAA ਦੇ ਬਿਆਨ ਅਨੁਸਾਰ, ਇਹ ਪਾਬੰਦੀ “ਖਾਸ ਸੁਰੱਖਿਆ ਕਾਰਨਾਂ” ਹੇਠ ਲਗਾਈ ਗਈ ਹੈ। ਲੰਬੇ ਸਮੇਂ ਲਈ US Airspace ਬੰਦ ਕਰਨਾ ਕਾਫੀ ਵਿਰਲਾ ਹੁੰਦਾ ਹੈ। 2018 ਤੋਂ ਬਾਅਦ ਏਅਰਸਪੇਸ ਬੰਦ ਕਰਨ ਦੇ ਸਮੇਂ ਵਿੱਚ ਵੱਡੀ ਕਮੀ ਆਈ ਸੀ, ਪਰ ਇਸ ਵਾਰ 10 ਦਿਨਾਂ ਦੀ ਪਾਬੰਦੀ ਲਗਾਈ ਗਈ ਹੈ।
ਇਹ ਪਾਬੰਦੀ ਐਲ ਪਾਸੋ ਦੇ 10 ਮੀਲ ਦੇ ਘੇਰੇ ਵਿੱਚ ਲਾਗੂ ਹੈ, ਜਿਸ ਵਿੱਚ ਦੱਖਣੀ ਨਿਊ ਮੈਕਸੀਕੋ ਦੇ ਕੁਝ ਹਿੱਸੇ ਵੀ ਸ਼ਾਮਲ ਹਨ। ਐਲ ਪਾਸੋ ਦੇ ਦੱਖਣ ਅਤੇ ਪੱਛਮ ਵੱਲ ਮੈਕਸੀਕੋ ਦਾ ਸ਼ਹਿਰ Ciudad Juarez ਸਥਿਤ ਹੈ, ਜਦਕਿ ਉੱਤਰ ਵੱਲ Fort Bliss ਅਤੇ White Sands Missile Range ਮੌਜੂਦ ਹਨ। ਇਹ ਦੋਵੇਂ ਸਥਾਨ ਸੈਨਿਕ ਤਾਲੀਮ ਅਤੇ ਮਿਸਾਈਲ ਟੈਸਟਿੰਗ ਲਈ ਮਹੱਤਵਪੂਰਨ ਮੰਨੇ ਜਾਂਦੇ ਹਨ।
ਸਿਟੀ ਵੱਲੋਂ ਜਾਰੀ ਬਿਆਨ ਵਿੱਚ ਯਾਤਰੀਆਂ ਨੂੰ ਸਲਾਹ ਦਿੱਤੀ ਗਈ ਹੈ ਕਿ ਉਹ ਆਪਣੀ ਉਡਾਣ ਦੀ ਤਾਜ਼ਾ ਜਾਣਕਾਰੀ ਲਈ ਆਪਣੀ ਏਅਰਲਾਈਨ ਨਾਲ ਸੰਪਰਕ ਕਰਨ। US Airspace ਦੀ ਇਹ ਅਸਥਾਈ ਬੰਦਸ਼ ਆਉਣ ਵਾਲੇ ਦਿਨਾਂ ਵਿੱਚ ਯਾਤਰਾ ਯੋਜਨਾਵਾਂ ‘ਤੇ ਅਸਰ ਪਾ ਸਕਦੀ ਹੈ।
