Kim Jong Un ਮੁੜ ਸੱਤਾ ਵਿੱਚ ਮਜ਼ਬੂਤ, ਰੂਲਿੰਗ ਪਾਰਟੀ ਦੇ ਜਨਰਲ ਸਕੱਤਰ ਵਜੋਂ ਦੁਬਾਰਾ ਚੁਣੇ ਗਏ |

Kim Jong Un ਮੁੜ ਪਾਰਟੀ ਮੁਖੀ, ਨਿਊਕਲੀਅਰ ਤਾਕਤ ‘ਤੇ ਜ਼ੋਰ |

ਉੱਤਰੀ ਕੋਰੀਆ ਦੇ ਨੇਤਾ Kim Jong Un ਨੂੰ ਰੂਲਿੰਗ ਵਰਕਰਜ਼ ਪਾਰਟੀ ਦੇ ਜਨਰਲ ਸਕੱਤਰ ਵਜੋਂ ਮੁੜ ਚੁਣਿਆ ਗਿਆ ਹੈ। ਰਾਜ ਮੀਡੀਆ ਮੁਤਾਬਕ ਇਹ ਫੈਸਲਾ ਪਾਰਟੀ ਕਾਂਗਰਸ ਦੇ ਚੌਥੇ ਦਿਨ ਸਾਰੇ ਡੈਲੀਗੇਟਾਂ ਦੀ “ਏਕਮਤ ਇੱਛਾ” ਨਾਲ ਲਿਆ ਗਿਆ।

ਕੇਸੀਐਨਏ ਦੀ ਰਿਪੋਰਟ ਅਨੁਸਾਰ, Kim-Jong Un ਦੀ ਅਗਵਾਈ ਹੇਠ ਦੇਸ਼ ਦੀ “ਨਿਊਕਲੀਅਰ ਤਾਕਤ ਕੇਂਦਰਿਤ ਯੁੱਧ ਰੋਕੂ ਸਮਰੱਥਾ” ਵਿੱਚ ਵੱਡਾ ਵਾਧਾ ਹੋਇਆ ਹੈ। ਇਹ ਕਾਂਗਰਸ ਹਰ ਪੰਜ ਸਾਲਾਂ ਵਿੱਚ ਇਕ ਵਾਰ ਹੁੰਦੀ ਹੈ ਅਤੇ ਦੇਸ਼ ਦੀਆਂ ਵੱਡੀਆਂ ਨੀਤੀਆਂ ਤੈਅ ਕਰਦੀ ਹੈ।

ਆਪਣੇ ਭਾਸ਼ਣ ਵਿੱਚ Kim Jong Un ਨੇ ਆਰਥਿਕ ਹਾਲਾਤ ਸੁਧਾਰਨ ਅਤੇ ਲੋਕਾਂ ਦੀ ਜੀਵਨ ਸਤਰ ਵਧਾਉਣ ਦਾ ਵਾਅਦਾ ਕੀਤਾ। ਉਨ੍ਹਾਂ ਕਿਹਾ ਕਿ ਦੇਸ਼ ਸਾਹਮਣੇ ਆਰਥਿਕ ਨਿਰਮਾਣ ਅਤੇ ਜੀਵਨ ਮਿਆਰ ਉੱਚਾ ਕਰਨ ਦੀਆਂ “ਭਾਰੀ ਅਤੇ ਤੁਰੰਤ” ਜ਼ਿੰਮੇਵਾਰੀਆਂ ਹਨ।

ਉੱਤਰੀ ਕੋਰੀਆ ਵਿੱਚ ਨਿਊਕਲੀਅਰ ਹਥਿਆਰ ਅਤੇ ਫੌਜੀ ਤਾਕਤ ਨੂੰ ਹਮੇਸ਼ਾਂ ਪਹਿਲ ਦਿੱਤੀ ਗਈ ਹੈ, ਪਰ 2011 ਵਿੱਚ ਸੱਤਾ ਸੰਭਾਲਣ ਤੋਂ ਬਾਅਦ Kim Jong Un ਨੇ ਅਰਥਵਿਵਸਥਾ ‘ਤੇ ਵੀ ਧਿਆਨ ਦੇਣ ਦੀ ਗੱਲ ਕੀਤੀ ਹੈ। 2021 ਦੀ ਕਾਂਗਰਸ ਵਿੱਚ ਉਨ੍ਹਾਂ ਕਬੂਲਿਆ ਸੀ ਕਿ ਆਰਥਿਕ ਵਿਕਾਸ ਵਿੱਚ “ਲਗਭਗ ਹਰ ਖੇਤਰ ਵਿੱਚ ਗਲਤੀਆਂ” ਹੋਈਆਂ।

ਇਸ ਵਾਰ ਦੀ ਕਾਂਗਰਸ ਵਿੱਚ ਪਾਰਟੀ ਨਿਯਮਾਂ ਵਿੱਚ ਤਬਦੀਲੀਆਂ ਵੀ ਮਨਜ਼ੂਰ ਕੀਤੀਆਂ ਗਈਆਂ, ਤਾਂ ਜੋ ਅਨੁਸ਼ਾਸਨ ਮਜ਼ਬੂਤ ਕੀਤਾ ਜਾ ਸਕੇ।

Kim Jong Un ਦੀ ਮੁੜ ਚੋਣ ਨੂੰ ਉਨ੍ਹਾਂ ਦੀ ਮਜ਼ਬੂਤ ਪਕੜ ਅਤੇ ਰਾਜਨੀਤਿਕ ਪ੍ਰਭਾਵ ਦਾ ਸੰਕੇਤ ਮੰਨਿਆ ਜਾ ਰਿਹਾ ਹੈ, ਜਦਕਿ ਅਗਲੇ ਪੜਾਅ ਵਿੱਚ ਨਿਊਕਲੀਅਰ ਪ੍ਰੋਗਰਾਮ ਨੂੰ ਹੋਰ ਅੱਗੇ ਵਧਾਉਣ ਦੀ ਉਮੀਦ ਜਤਾਈ ਜਾ ਰਹੀ ਹੈ।