Trump ਦੀ ਤਸਵੀਰ ਵਾਲਾ ਸੋਨੇ ਦਾ ਸਿੱਕਾ ਮਨਜ਼ੂਰ, US 250ਵੀਂ ਵਰ੍ਹੇਗੰਢ ‘ਤੇ ਨਵਾਂ ਫੈਸਲਾ |

Trump Gold Coin ਨੂੰ US ‘ਚ ਮਿਲੀ ਮਨਜ਼ੂਰੀ |

ਅਮਰੀਕਾ ਦੇ 250ਵੇਂ ਆਜ਼ਾਦੀ ਦਿਵਸ ਮੌਕੇ ਇੱਕ ਵੱਡਾ ਫੈਸਲਾ ਸਾਹਮਣੇ ਆਇਆ ਹੈ, ਜਿੱਥੇ Trump Gold Coin ਦੇ ਡਿਜ਼ਾਈਨ ਨੂੰ ਮਨਜ਼ੂਰੀ ਮਿਲ ਗਈ ਹੈ। ਇਸ ਖਾਸ 24 ਕੈਰੇਟ ਸੋਨੇ ਦੇ ਸਿੱਕੇ ‘ਤੇ ਅਮਰੀਕੀ ਰਾਸ਼ਟਰਪਤੀ Donald Trump ਦੀ ਤਸਵੀਰ ਦਰਸਾਈ ਜਾਵੇਗੀ।

ਇਹ ਸਿੱਕਾ ਅਮਰੀਕਾ ਦੀ 250ਵੀਂ ਵਰ੍ਹੇਗੰਢ ਦੇ ਵਿਸ਼ੇਸ਼ ਸੰਗ੍ਰਹਿ ਦਾ ਹਿੱਸਾ ਹੋਵੇਗਾ। ਇਸ ਵਿੱਚ Trump ਨੂੰ Resolute Desk ਕੋਲ ਖੜ੍ਹੇ ਹੋਏ ਦਿਖਾਇਆ ਜਾਵੇਗਾ। ਮਾਹਿਰਾਂ ਮੁਤਾਬਕ ਇਹ Trump Gold Coin ਇਤਿਹਾਸਕ ਤੌਰ ‘ਤੇ ਵੀ ਖਾਸ ਹੈ, ਕਿਉਂਕਿ ਇਹ ਦੂਜੀ ਵਾਰ ਹੋਵੇਗਾ ਜਦੋਂ ਕਿਸੇ ਜੀਵਤ ਰਾਸ਼ਟਰਪਤੀ ਦੀ ਤਸਵੀਰ ਸਿੱਕੇ ‘ਤੇ ਆਵੇਗੀ।

ਇਸ ਤੋਂ ਪਹਿਲਾਂ 1926 ਵਿੱਚ ਅਮਰੀਕਾ ਦੀ 150ਵੀਂ ਵਰ੍ਹੇਗੰਢ ‘ਤੇ ਸਾਬਕਾ ਰਾਸ਼ਟਰਪਤੀ Calvin Coolidge ਨੂੰ ਯਾਦਗਾਰੀ ਸਿੱਕੇ ‘ਤੇ ਦਰਸਾਇਆ ਗਿਆ ਸੀ।

ਅਮਰੀਕੀ Fine Arts Commission ਵੱਲੋਂ 19 ਮਾਰਚ ਨੂੰ Trump Gold Coin ਦੇ ਡਿਜ਼ਾਈਨ ਨੂੰ ਮਨਜ਼ੂਰੀ ਦਿੱਤੀ ਗਈ। ਹੁਣ ਇਸਨੂੰ ਅੰਤਿਮ ਰੂਪ ਦੇ ਕੇ ਤਿਆਰ ਕੀਤਾ ਜਾਵੇਗਾ।

ਹਾਲਾਂਕਿ ਇਸ ਫੈਸਲੇ ‘ਤੇ ਵਿਰੋਧ ਵੀ ਸਾਹਮਣੇ ਆ ਰਿਹਾ ਹੈ। ਕਈ ਆਲੋਚਕਾਂ ਦਾ ਕਹਿਣਾ ਹੈ ਕਿ ਅਮਰੀਕੀ ਕਾਨੂੰਨ ਅਨੁਸਾਰ ਜੀਵਤ ਰਾਸ਼ਟਰਪਤੀ ਦੀ ਤਸਵੀਰ ਮੁਦਰਾ ‘ਤੇ ਨਹੀਂ ਹੋਣੀ ਚਾਹੀਦੀ।

ਅਮਰੀਕੀ ਸੈਨੇਟਰ Jeff Merkley ਨੇ ਕਿਹਾ ਕਿ ਸਿੱਕਿਆਂ ‘ਤੇ ਚਿਹਰੇ ਲਗਾਉਣਾ ਰਾਜਿਆਂ ਅਤੇ ਤਾਨਾਸ਼ਾਹਾਂ ਦੀ ਪਰੰਪਰਾ ਹੈ, ਨਾ ਕਿ ਲੋਕਤੰਤਰਿਕ ਦੇਸ਼ਾਂ ਦੀ।

ਕੁਝ ਵਿਸ਼ਲੇਸ਼ਕ ਇਸਨੂੰ Trump ਵੱਲੋਂ ਆਪਣਾ ਰਾਜਨੀਤਿਕ ਪ੍ਰਭਾਵ ਦਰਸਾਉਣ ਦੀ ਕੋਸ਼ਿਸ਼ ਵਜੋਂ ਵੀ ਦੇਖ ਰਹੇ ਹਨ। ਇਸ ਕਰਕੇ Trump Gold Coin ਨੂੰ ਲੈ ਕੇ ਅਮਰੀਕਾ ਵਿੱਚ ਚਰਚਾ ਅਤੇ ਵਿਵਾਦ ਦੋਵੇਂ ਜਾਰੀ ਹਨ।