ਕੈਨੇਡੀਆਈ ਅਸਟਰੋਨਾਟ ਜੇਰਮੀ ਹੈਨਸਨ ਨੇ ਰਚਿਆ ਇਤਿਹਾਸ, Artemis II ਮਿਸ਼ਨ ਨਾਲ ਚੰਦ ਵੱਲ ਰਵਾਨਾ |

Artemis II ਮਿਸ਼ਨ: ਜੇਰਮੀ ਹੈਨਸਨ ਚੰਦ ਵੱਲ ਰਵਾਨਾ |

ਕੈਨੇਡਾ ਦੇ ਅਸਟਰੋਨਾਟ Jeremy Hansen ਨੇ ਇਤਿਹਾਸ ਰਚ ਦਿੱਤਾ ਹੈ। Artemis II ਮਿਸ਼ਨ ਦੀ ਸਫਲ ਲਾਂਚ ਤੋਂ ਬਾਅਦ ਉਹ ਇਸ ਵੇਲੇ ਧਰਤੀ ਦੇ ਗੇੜੇ ਲਗਾ ਰਹੇ ਹਨ ਅਤੇ ਜਲਦੀ ਹੀ ਚੰਦ ਵੱਲ ਰਵਾਨਾ ਹੋਣਗੇ।

NASA ਵੱਲੋਂ ਚਲਾਇਆ ਗਿਆ Artemis-II ਮਿਸ਼ਨ ਬੁੱਧਵਾਰ ਨੂੰ Kennedy Space Center ਤੋਂ ਸਫਲਤਾਪੂਰਵਕ ਲਾਂਚ ਕੀਤਾ ਗਿਆ। ਇਸ ਮਿਸ਼ਨ ਵਿੱਚ Jeremy Hansen ਦੇ ਨਾਲ ਤਿੰਨ ਹੋਰ ਅਸਟਰੋਨਾਟ — Reid Wiseman, Victor Glover ਅਤੇ Christina Koch ਵੀ ਸ਼ਾਮਲ ਹਨ।

Artemis II ਮਿਸ਼ਨ ਦੀ ਸ਼ੁਰੂਆਤ ਵਿੱਚ ਅਸਟਰੋਨਾਟ ਧਰਤੀ ਦੇ ਨੇੜੇ ਰਹਿ ਕੇ ਸਿਸਟਮ ਟੈਸਟ ਕਰਨਗੇ। ਇਸ ਤੋਂ ਬਾਅਦ ਮੁੱਖ ਇੰਜਣ ਚਾਲੂ ਕਰਕੇ ਉਨ੍ਹਾਂ ਨੂੰ ਚੰਦ ਵੱਲ ਭੇਜਿਆ ਜਾਵੇਗਾ। ਇਹ ਮਿਸ਼ਨ ਮਨੁੱਖਤਾ ਦੀ 50 ਸਾਲਾਂ ਤੋਂ ਵੱਧ ਸਮੇਂ ਬਾਅਦ ਚੰਦ ਵੱਲ ਵਾਪਸੀ ਨੂੰ ਦਰਸਾਉਂਦਾ ਹੈ।

ਖਾਸ ਗੱਲ ਇਹ ਹੈ ਕਿ Artemis II ਮਿਸ਼ਨ ਨਾਲ Jeremy Hansen ਪਹਿਲੇ ਗੈਰ-ਅਮਰੀਕੀ ਅਸਟਰੋਨਾਟ ਬਣਣ ਜਾ ਰਹੇ ਹਨ ਜੋ ਲੋਅ ਅਰਥ ਆਰਬਿਟ ਤੋਂ ਪਰੇ ਯਾਤਰਾ ਕਰਨਗੇ। ਉਡਾਣ ਤੋਂ ਠੀਕ ਪਹਿਲਾਂ ਉਨ੍ਹਾਂ ਨੇ ਕਿਹਾ, “ਅਸੀਂ ਪੂਰੀ ਮਨੁੱਖਤਾ ਲਈ ਜਾ ਰਹੇ ਹਾਂ।”

ਇਹ ਲਗਭਗ 10 ਦਿਨਾਂ ਦੀ ਯਾਤਰਾ ਹੈ ਅਤੇ Artemis II ਮਿਸ਼ਨ NASA ਦੇ ਭਵਿੱਖ ਦੇ ਚੰਦ ਬੇਸ ਦੇ ਯੋਜਨਾਵਾਂ ਲਈ ਬਹੁਤ ਮਹੱਤਵਪੂਰਨ ਮੰਨੀ ਜਾ ਰਹੀ ਹੈ। ਮਾਹਿਰਾਂ ਅਨੁਸਾਰ, ਇਹ ਮਿਸ਼ਨ ਭਵਿੱਖ ਵਿੱਚ ਚੰਦ ‘ਤੇ ਸਥਾਈ ਮਨੁੱਖੀ ਮੌਜੂਦਗੀ ਲਈ ਰਾਹ ਖੋਲ੍ਹ ਸਕਦਾ ਹੈ।