ਓਨਟਾਰੀਓ ਇਸ ਮਹੀਨੇ 5 ਤੋਂ 11 ਸਾਲ ਦੀ ਉਮਰ ਦੇ ਬੱਚਿਆਂ ਲਈ bivalent COVID-19 ਬੁਕਿੰਗ ਕਰੇਗਾ ਸ਼ੁਰੂ
ਓਨਟਾਰੀਓ ਪੰਜ ਤੋਂ 11 ਸਾਲ ਦੀ ਉਮਰ ਦੇ ਬੱਚਿਆਂ ਲਈ ਕੋਵਿਡ-19 ਬਾਇਵੈਲੈਂਟ ਬੂਸਟਰ ਵੈਕਸੀਨ ਲਈ ਯੋਗਤਾ ਵਧਾ ਰਿਹਾ ਹੈ। ਪ੍ਰੋਵਿੰਸ ਨੇ ਵੀਰਵਾਰ ਨੂੰ ਕਿਹਾ ਕਿ ਇਸ ਸਮੂਹ ਦੇ ਬੱਚੇ 21 ਦਸੰਬਰ ਤੋਂ ਸ਼ੁਰੂ ਹੋਣ ਵਾਲੀ bivalent COVID-19 ਖੁਰਾਕ ਲਈ ਯੋਗ ਹੋਣਗੇ।
ਇਹ ਘੋਸ਼ਣਾ ਪਿਛਲੇ ਹਫ਼ਤੇ 5 ਤੋਂ 11 ਸਾਲ ਦੀ ਉਮਰ ਦੇ ਬੱਚਿਆਂ ਲਈ ਹੈਲਥ ਕੈਨੇਡਾ ਵੱਲੋਂ Pfizer-BioNTech ਬਾਇਵੈਲੇਂਟ ਬੂਸਟਰ ਨੂੰ ਅਧਿਕਾਰਤ ਕਰਨ ਤੋਂ ਬਾਅਦ ਆਈ ਹੈ।ਪਬਲਿਕ ਹੈਲਥ ਓਨਟਾਰੀਓ ਡੇਟਾ ਦਿਖਾਉਂਦਾ ਹੈ ਕਿ 5 ਤੋਂ 11 ਸਾਲ ਦੀ ਉਮਰ ਦੇ 40% ਬੱਚਿਆਂ ਨੇ ਕੋਵਿਡ-19 ਵੈਕਸੀਨ ਦੀ ਇੱਕ primary series ਨੂੰ ਪੂਰਾ ਕਰ ਲਿਆ ਹੈ।
ਪ੍ਰੋਵਿੰਸ 5 ਸਾਲ ਅਤੇ ਇਸ ਤੋਂ ਵੱਧ ਉਮਰ ਦੇ ਬੱਚਿਆਂ ਨੂੰ ਉਨ੍ਹਾਂ ਦੇ ਪਹਿਲੇ ਦੋ ਕੋਵਿਡ-19 ਸ਼ਾਟ ਲੈਣ ਤੋਂ ਘੱਟੋ-ਘੱਟ ਛੇ ਮਹੀਨਿਆਂ ਬਾਅਦ ਨਵੀਂ ਵੈਕਸੀਨ dose ਲੈਣ ਦੀ ਸਿਫ਼ਾਰਸ਼ ਕਰ ਰਿਹਾ ਹੈ। ਸਿਹਤ ਮੰਤਰੀ ਸਿਲਵੀਆ ਜੋਨਸ ਨੇ ਕਿਹਾ ਕਿ ਜਿਵੇਂ ਕਿ ਮੌਸਮ ਠੰਡਾ ਹੁੰਦਾ ਜਾਂਦਾ ਹੈ ਅਤੇ ਲੋਕ ਛੁੱਟੀਆਂ ਮਨਾਉਣ ਲਈ ਇਕੱਠੇ ਹੋਣਗੇ, ਇਸ ਸਮੇਂ ਟੀਕੇ ਕੋਵਿਡ-19 ਅਤੇ ਫਲੂ ਦੇ ਗੰਭੀਰ ਪ੍ਰਭਾਵਾਂ ਤੋਂ ਸੁਰੱਖਿਆ ਪ੍ਰਦਾਨ ਕਰਨਗੇ।
