ਇੰਡੋਨੇਸ਼ੀਆ ਦੇ ਜਾਵਾ ‘ਚ ਭੂਚਾਲ ਕਾਰਨ 56 ਲੋਕਾਂ ਦੀ ਮੌਤ, 700 ਦੇ ਕਰੀਬ ਜ਼ਖਮੀ
ਸੋਮਵਾਰ ਨੂੰ ਇੰਡੋਨੇਸ਼ੀਆ ਦੇ ਸੰਘਣੀ ਆਬਾਦੀ ਵਾਲੇ ਮੁੱਖ ਟਾਪੂ ਜਾਵਾ ‘ਤੇ ਇੱਕ ਮਜ਼ਬੂਤ ਭੁਚਾਲ ਨੇ ਇਮਾਰਤਾਂ ਅਤੇ ਕੰਧਾਂ ਨੂੰ ਢਹਿ ਢੇਰੀ ਕਰ ਦਿੱਤਾ, ਜਿਸ ਨਾਲ ਘੱਟੋ-ਘੱਟ 56 ਲੋਕ ਮਾਰੇ ਗਏ ਅਤੇ ਸੈਂਕੜੇ ਜ਼ਖਮੀ ਹੋ ਗਏ। ਐਮਰਜੈਂਸੀ ਕਰਮਚਾਰੀਆਂ ਨੇ ਮੁੱਖ ਹਸਪਤਾਲਾਂ ਦੇ ਬਾਹਰ, ਛੱਤਾਂ ‘ਤੇ ਅਤੇ ਪਾਰਕਿੰਗ ਸਥਾਨਾਂ ‘ਤੇ ਸਟਰੈਚਰ ਅਤੇ ਕੰਬਲਾਂ ‘ਤੇ ਜ਼ਖਮੀਆਂ ਦਾ ਇਲਾਜ ਕੀਤਾ। ਜ਼ਖਮੀਆਂ ਵਿੱਚ ਬੱਚੇ ਸ਼ਾਮਲ ਸਨ, ਜਿਨ੍ਹਾਂ ਵਿੱਚੋਂ ਕੁਝ ਨੂੰ ਆਕਸੀਜਨ ਮਾਸਕ, IV ਲਾਈਨਾਂ ਦਿੱਤੀਆਂ ਗਈਆਂ ਸਨ।
ਦੁਪਹਿਰ ਨੂੰ 5.6 ਤੀਬਰਤਾ ਦੇ ਭੂਚਾਲ ਦੇ ਝਟਕੇ ਤੋਂ ਬਾਅਦ ਕੁਝ ਵਸਨੀਕ, ਬੱਚਿਆਂ ਨੂੰ ਆਪਣੀਆਂ ਬਾਹਾਂ ਵਿੱਚ ਲੈ ਕੇ ਰੋਂਦੇ ਹੋਏ, ਨੁਕਸਾਨੇ ਗਏ ਘਰਾਂ ਤੋਂ ਭੱਜ ਗਏ। ਇਸ ਨਾਲ ਵੱਡੇ ਜਕਾਰਤਾ ਖੇਤਰ ਵਿੱਚ ਵੀ ਦਹਿਸ਼ਤ ਫੈਲ ਗਈ, ਜਿੱਥੇ ਉੱਚੀਆਂ ਇਮਾਰਤਾਂ ਹਿੱਲ ਗਈਆਂ ਅਤੇ ਕੁਝ ਨੂੰ ਖਾਲੀ ਕਰ ਲਿਆ ਗਿਆ। ਸਿਆਨਜੂਰ ਵਿੱਚ ਬਚਾਅ ਟੀਮਾਂ, ਨਾਗਰਿਕਾਂ ਦੀ ਤਲਾਸ਼ ਕਰ ਰਹੀਆਂ ਹਨ, ਜੋ ਸ਼ਾਇਦ ਢਹਿ-ਢੇਰੀ ਹੋਏ ਮਕਾਨਾਂ ਦੇ ਮਲਬੇ ਵਿੱਚ ਦੱਬੇ ਹੋਏ ਹੋਣ।
