ਡੌਗ ਫੋਰਡ ਓਨਟਾਰੀਓ ਦੇ ਸ਼ਹਿਰਾਂ ‘ਚ ਹਾਊਸਿੰਗ ਨਿਰਮਾਣ ਵਿੱਚ ਤੇਜ਼ੀ ਲਿਆਉਣ ਲਈ ਦੇ ਰਿਹਾ ਹੈ ਜ਼ੋਰ
ਪ੍ਰੀਮੀਅਰ ਡੌਗ ਫੋਰਡ ਅਤੇ ਉਨ੍ਹਾਂ ਦੀ ਸਰਕਾਰ ਚਾਹੁੰਦੇ ਹਨ ਕਿ ਓਨਟਾਰੀਓ ਮਿਉਂਸਪੈਲਟੀਆਂ ਨਵੇਂ ਘਰਾਂ ਦੇ ਨਿਰਮਾਣ ਪ੍ਰੋਜੈਕਟਾਂ ਨੂੰ ਹੋਰ ਤੇਜ਼ੀ ਨਾਲ ਮਨਜ਼ੂਰੀ ਦੇਣ, ਇਹ ਦਾਅਵਾ ਕਰਦੇ ਹੋਏ ਕਿ ਮਨਜ਼ੂਰੀਆਂ ਵਿੱਚ ਦੇਰੀ ਘਰਾਂ ਦੀ ਲਾਗਤ ਨੂੰ ਵਧਾ ਰਹੀ ਹੈ।
ਫੋਰਡ ਨੇ ਕਿਹਾ ਕਿ ਓਨਟਾਰੀਓ ਦੇ ਬਹੁਤੇ ਸ਼ਹਿਰ ਨਿਰਮਾਣ ਪ੍ਰੋਜੈਕਟਾਂ ਨੂੰ ਮਨਜ਼ੂਰੀ ਦੇਣ ਵਿੱਚ ਹੌਲੀ ਹਨ।
ਫੋਰਡ ਵੱਲੋਂ ਅਗਲੇ ਮਹੀਨੇ ਓਨਟਾਰੀਓ ਦੇ 29 ਸਭ ਤੋਂ ਵੱਡੇ ਸ਼ਹਿਰਾਂ ਦੇ ਮੇਅਰਾਂ ਅਤੇ ਸ਼ਹਿਰੀ ਖੇਤਰੀ ਨਗਰਪਾਲਿਕਾਵਾਂ ਦੇ ਚੇਅਰਜ਼ ਨਾਲ ਹੋਣ ਵਾਲੇ ਹਾਊਸਿੰਗ ਸੰਮੇਲਨ ਦਾ ਕੇਂਦਰੀ ਵਿਸ਼ਾ ਤੇਜ਼ੀ ਨਾਲ ਹੋਰ ਘਰ ਬਣਾਉਣਾ ਹੈ।
ਸਿਰਫ਼ ਟੋਰਾਂਟੋ ਅਤੇ ਔਟਵਾ ਖੇਤਰਾਂ ਵਿੱਚ ਹੀ ਨਹੀਂ, ਸਗੋਂ ਓਨਟਾਰੀਓ ਵਿੱਚ ਹਰ ਥਾਂ ਘਰ ਖਰੀਦਣ ਦੀ ਕੀਮਤ ਬਹੁਤ ਜ਼ਿਆਦਾ ਵਧ ਰਹੀ ਹੈ।
ਫੋਰਡ ਨੇ ਮਕਾਨ ਮਾਲਕਾਂ ਬਾਰੇ ਇੱਕ ਨਿਊਜ਼ ਕਾਨਫਰੰਸ ਦੌਰਾਨ ਕਿਹਾ, “ਸਾਨੂੰ ਪਰਮਿਟ ਦੇ ਸਮੇਂ ਵਿੱਚ ਵੱਡੇ ਪੱਧਰ ‘ਤੇ ਕਟੌਤੀ ਕਰਨੀ ਚਾਹੀਦੀ ਹੈ ਅਤੇ ਜਿੰਨੀ ਜਲਦੀ ਹੋ ਸਕੇ ਘਰ ਬਣਾਉਣੇ ਸ਼ੁਰੂ ਕਰਨੇ ਪੈਣਗੇ।”
