ਬ੍ਰਿਟਿਸ਼ ਕੋਲੰਬੀਆ ਵਿੱਚ ਇੱਕ ਵਾਰ ਫਿਰ ਘੁਟਾਲੇਬਾਜ਼ ਸਰਗਰਮ ਹੋ ਗਏ ਹਨ, ਜਿਸ ਸੰਬੰਧੀ ਪੁਲਿਸ ਨੇ ਚੇਤਾਵਨੀ ਜਾਰੀ ਕੀਤੀ ਹੈ। ਪੁਲਿਸ ਦੇ ਅਨੁਸਾਰ, ਘੁਟਾਲੇਬਾਜ਼ ਮਸ਼ਹੂਰ ਕੰਪਨੀਆਂ ਦੀ ਨਕਲ ਕਰਕੇ ਲੋਕਾਂ ਨੂੰ ਧੋਖਾ ਦੇਣ ਦੇ ਨਵੇਂ ਤਰੀਕੇ ਅਪਣਾ ਰਹੇ ਹਨ।
ਪਿਛਲੇ ਦਿਨ ਜਾਰੀ ਕੀਤੀ ਗਈ ਇੱਕ ਨਿਊਜ਼ ਰਿਲੀਜ਼ ਵਿੱਚ ਆਲਸੀਐਮਪੀ ਨੇ ਦੱਸਿਆ ਹੈ ਕਿ ਘੁਟਾਲੇਬਾਜ਼ ਤੁਹਾਨੂੰ ਈਮੇਲ, ਟੈਕਸਟ ਮੈਸੇਜ ਜਾਂ ਕੰਪਿਊਟਰ ‘ਤੇ ਪੋਪ-ਅਪ ਚੇਤਾਵਨੀ ਦੇ ਕੇ ਤੁਹਾਡੇ ਬੈਂਕ ਖਾਤੇ ਵਿੱਚ ਧੋਖਾਧੜੀ ਦਾ ਅਹਿਸਾਸ ਕਰਵਾਉਂਦੇ ਹਨ। ਇਸ ਤੋਂ ਬਾਅਦ, ਉਹ ਕ੍ਰਿਪਟੋ ਕਰੰਸੀ ਖਰੀਦਣ ਜਾਂ ਤੁਹਾਡੇ ਪੈਸੇ ਸੁਰੱਖਿਤ ਕਰਨ ਲਈ ਵਿਸ਼ੇਸ਼ ਸਕੀਮ ਪੇਸ਼ ਕਰਦੇ ਹਨ।
ਆਰਸੀਐਮਪੀ ਅਧਿਕਾਰੀਆਂ ਨੇ ਸਲਾਹ ਦਿੱਤੀ ਹੈ ਕਿ ਅਜੇਕਰ ਕਿਸੇ ਨੂੰ ਅਜਿਹਾ ਸੁਨੇਹਾ ਮਿਲੇ, ਤਾਂ ਉਸ ਤੇ ਜਵਾਬ ਨਾ ਦੇਣ ਦਾ ਸੁਝਾਅ ਹੈ ਕਿਉਂਕਿ ਇਹ ਘੁਟਾਲਾ ਹੈ ਅਤੇ ਤੁਹਾਨੂੰ ਇਸ ਵਿੱਚ ਫਸਾਇਆ ਜਾ ਸਕਦਾ ਹੈ, ਜਿਸ ਨਾਲ ਵੱਡੀ ਧੋਖਾਧੜੀ ਹੋ ਸਕਦੀ ਹੈ।
ਇਸ ਦੇ ਨਾਲ, ਘੁਟਾਲੇਬਾਜ਼ ਤੁਹਾਨੂੰ ਕਿਸੇ ਕਿਊਆਰ ਕੋਡ ਜਾਂ ਲਿੰਕ ‘ਤੇ ਕਲਿੱਕ ਕਰਨ ਲਈ ਵੀ ਮਜਬੂਰ ਕਰ ਸਕਦੇ ਹਨ। ਅਧਿਕਾਰੀਆਂ ਨੇ ਕਿਹਾ ਕਿ ਕਿਸੇ ਵੀ ਆਨਲਾਈਨ ਪੋਪ-ਅਪ ਸੁਨੇਹਾ ‘ਤੇ ਕਲਿੱਕ ਨਾ ਕਰਨ ਅਤੇ ਆਪਣੀ ਬੈਂਕ ਡਿਟੇਲ ਜਾਂ ਨਿਜੀ ਜਾਣਕਾਰੀ ਸਾਂਝੀ ਨਾ ਕਰਨ ਦੀ ਸਲਾਹ ਦਿੱਤੀ ਹੈ। ਵਧੀਆ ਹੈ ਕਿ ਤੁਸੀਂ ਆਪਣੇ ਆਨਲਾਈਨ ਖਾਤੇ ਦੇ ਪਾਸਵਰਡ ਨੂੰ ਵਾਰ-ਵਾਰ ਬਦਲਦੇ ਰਹੋ, ਤਾਂ ਜੋ ਇਸ ਤਰ੍ਹਾਂ ਦੇ ਧੋਖੇ ਤੋਂ ਬਚਿਆ ਜਾ ਸਕੇ।
