ਸਕਾਰਬਰੋ ਰੈਸਟੋਰੈਂਟ ਦੀ ਪਾਰਕਿੰਗ ਵਿੱਚ ਗੋਲੀਬਾਰੀ, ਇੱਕ ਵਿਅਕਤੀ ਦੀ ਮੌਤ
ਬੁੱਧਵਾਰ ਦੇਰ ਰਾਤ ਸਕਾਰਬਰੋ ਵਿੱਚ ਇੱਕ ਰੈਸਟੋਰੈਂਟ ਪਾਰਕਿੰਗ ਵਿੱਚ ਗੋਲੀਬਾਰੀ ਹੋਣ ਕਾਰਨ ਇੱਕ ਵਿਅਕਤੀ ਦੀ ਮੌਤ ਹੋ ਗਈ।
ਇਹ ਘਟਨਾ ਮੌਰਨਿੰਗਸਾਈਡ ਅਤੇ ਸ਼ੇਪਾਰਡ ਐਵੇਨਿਉਜ਼ ਦੇ ਨੇੜੇ ਸਥਿਤ ਸਿਨੇਮਾਰਟ ਡਰਾਈਵ ‘ਤੇ ਬੋਸਟਨ ਪੀਜ਼ਾ ਪਾਰਕਿੰਗ ਲਾਟ ਵਿੱਚ ਰਾਤ ਕਰੀਬ 11:30 ਵਜੇ ਵਾਪਰੀ।
ਪੈਰਾਮੈਡਿਕਸ ਨੇ ਦੱਸਿਆ ਕਿ ਇੱਕ ਵਿਅਕਤੀ ਨੂੰ ਗੰਭੀਰ ਹਾਲਤ ਵਿੱਚ ਘਟਨਾ ਸਥਾਨ ਤੋਂ ਟ੍ਰੌਮਾ ਸੈਂਟਰ ਲਿਜਾਇਆ ਗਿਆ[ ਪਰ ਪੁਲਿਸ ਨੇ ਬਾਅਦ ਵਿੱਚ ਪੁਸ਼ਟੀ ਕੀਤੀ ਕਿ ਪੀੜਤ, ਜਿਸਦੀ ਉਮਰ 40 ਸਾਲ ਮੰਨੀ ਜਾਂਦੀ ਹੈ, ਦੀ ਬਾਅਦ ਵਿੱਚ ਮੌਤ ਹੋ ਗਈ।
ਪੁਲਿਸ ਨੇ ਸੰਭਾਵਤ ਸ਼ੱਕੀ ਵਿਅਕਤੀਆਂ ਬਾਰੇ ਕੋਈ ਜਾਣਕਾਰੀ ਜਾਰੀ ਨਹੀਂ ਕੀਤੀ ਹੈ।
