ਓਨਟਾਰੀਓ CUPE ਐਜੂਕੇਸ਼ਨ ਵਰਕਰਾਂ ਨੇ ਹੜਤਾਲ ਦੇ ਹੱਕ ‘ਚ ਦਿੱਤੇ 96.5 ਪ੍ਰਤੀਸ਼ਤ ਵੋਟ
ਓਨਟਾਰੀਓ ਦੇ ਸਿੱਖਿਆ ਕਰਮੀਆਂ ਜਿਵੇਂ ਕਿ ਲਾਇਬ੍ਰੇਰੀਅਨ, ਕਸਟਡੀਅਨ ਅਤੇ ਸਕੂਲ ਪ੍ਰਸ਼ਾਸਨ ਦੇ ਸਟਾਫ਼ ਨੇ ਹੜਤਾਲ ਦੇ ਹੱਕ ਵਿੱਚ 96.5 ਫੀਸਦੀ ਵੋਟ ਦਿੱਤੇ ਹਨ।
ਕੈਨੇਡੀਅਨ ਯੂਨੀਅਨ ਆਫ਼ ਪਬਲਿਕ ਇੰਪਲਾਈਜ਼ ਦਾ ਕਹਿਣਾ ਹੈ ਕਿ ਉਸਦੇ 55,000 ਸਿੱਖਿਆ ਕਰਮਚਾਰੀ ਮੈਂਬਰਾਂ ਵਿੱਚੋਂ 80 ਪ੍ਰਤੀਸ਼ਤ ਤੋਂ ਵੱਧ ਨੇ ਵੋਟ ਪਾਈ ਅਤੇ ਵੱਡੀ ਬਹੁਗਿਣਤੀ ਨੇ ਹੜਤਾਲ ਦਾ ਸਮਰਥਨ ਕੀਤਾ।
CUPE ਦੀਆਂ ਵੀਰਵਾਰ, ਸ਼ੁੱਕਰਵਾਰ, ਅਤੇ ਅਕਤੂਬਰ 17 ਅਤੇ 18 ਨੂੰ ਸਰਕਾਰ ਨਾਲ ਸੌਦੇਬਾਜ਼ੀ ਦੀਆਂ ਤਰੀਕਾਂ ਨਿਯਤ ਹਨ।
ਸਰਕਾਰ ਨੇ $40,000 ਤੋਂ ਘੱਟ ਕਮਾਉਣ ਵਾਲੇ ਕਾਮਿਆਂ ਲਈ ਸਾਲ ਵਿੱਚ ਦੋ ਪ੍ਰਤੀਸ਼ਤ ਅਤੇ ਹੋਰ ਸਾਰੇ ਕਾਮਿਆਂ ਲਈ 1.25 ਪ੍ਰਤੀਸ਼ਤ ਦੇ ਵਾਧੇ ਦੀ ਪੇਸ਼ਕਸ਼ ਕੀਤੀ ਹੈ, ਜਦੋਂ ਕਿ CUPE 11.7 ਪ੍ਰਤੀਸ਼ਤ ਦੇ ਸਾਲਾਨਾ ਵਾਧੇ ਦੀ ਮੰਗ ਕਰ ਰਿਹਾ ਹੈ।
ਸਾਰੀਆਂ ਪੰਜ ਪ੍ਰਮੁੱਖ ਸਿੱਖਿਆ ਯੂਨੀਅਨਾਂ 31 ਅਗਸਤ ਨੂੰ ਆਪਣੇ ਇਕਰਾਰਨਾਮੇ ਦੀ ਮਿਆਦ ਖਤਮ ਹੋਣ ਤੋਂ ਬਾਅਦ ਸਰਕਾਰ ਨਾਲ ਸੌਦੇਬਾਜ਼ੀ ਕਰਨ ਦੇ ਚੱਕਰ ਵਿੱਚ ਹਨ।
