ਟਰੰਪ ਦਾ ਵੱਡਾ ਐਲਾਨ! ਈਰਾਨ ਜੰਗ ਤੋਂ ਜਲਦੀ ਨਿਕਲ ਸਕਦਾ ਹੈ ਅਮਰੀਕਾ, ਗਲਫ਼ ਦੇਸ਼ਾਂ ‘ਚ ਹਮਲੇ ਜਾਰੀ |

Iran War: ਟਰੰਪ ਦਾ ਯੂ-ਟਰਨ, ਜੰਗ ਖ਼ਤਮ ਕਰਨ ਦੇ ਸੰਕੇਤ |

Iran War ਨੂੰ ਲੈ ਕੇ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਵੱਲੋਂ ਵੱਡਾ ਸੰਕੇਤ ਮਿਲਿਆ ਹੈ। ਟਰੰਪ ਨੇ ਕਿਹਾ ਹੈ ਕਿ ਅਮਰੀਕਾ ਜਲਦੀ ਹੀ ਇਸ ਜੰਗ ਤੋਂ ਬਾਹਰ ਨਿਕਲ ਸਕਦਾ ਹੈ ਅਤੇ ਇਹ ਸਮਾਂ ਸੀਮਾ “2 ਤੋਂ 3 ਹਫ਼ਤਿਆਂ” ਤੱਕ ਹੋ ਸਕਦੀ ਹੈ।

ਟਰੰਪ ਨੇ ਸਾਫ਼ ਕੀਤਾ ਕਿ Iran-War ਖ਼ਤਮ ਕਰਨ ਲਈ ਕਿਸੇ ਸਮਝੌਤੇ ਦੀ ਲਾਜ਼ਮੀ ਸ਼ਰਤ ਨਹੀਂ ਹੈ। ਉਨ੍ਹਾਂ ਕਿਹਾ ਕਿ “ਈਰਾਨ ਨੂੰ ਡੀਲ ਕਰਨ ਦੀ ਲੋੜ ਨਹੀਂ”, ਜਿਸ ਨਾਲ ਇਹ ਸਪਸ਼ਟ ਹੁੰਦਾ ਹੈ ਕਿ ਅਮਰੀਕਾ ਆਪਣੀ ਰਣਨੀਤੀ ਵਿੱਚ ਵੱਡਾ ਬਦਲਾਅ ਕਰ ਰਿਹਾ ਹੈ।

ਇਸੇ ਦੌਰਾਨ ਅਮਰੀਕੀ ਵਿਦੇਸ਼ ਮੰਤਰੀ ਮਾਰਕੋ ਰੁਬਿਓ ਨੇ ਵੀ ਕਿਹਾ ਕਿ ਦੋਵੇਂ ਦੇਸ਼ਾਂ ਵਿਚਕਾਰ ਸਿੱਧੀਆਂ ਗੱਲਬਾਤਾਂ ਦੀ ਸੰਭਾਵਨਾ ਹੈ ਅਤੇ Iran War ਦੇ ਖ਼ਤਮ ਹੋਣ ਦੀ ਦਿਸ਼ਾ ਵਿੱਚ ਅੱਗੇ ਵਧਿਆ ਜਾ ਰਿਹਾ ਹੈ। ਵ੍ਹਾਈਟ ਹਾਊਸ ਨੇ ਐਲਾਨ ਕੀਤਾ ਹੈ ਕਿ ਟਰੰਪ ਜਲਦੀ ਹੀ ਦੇਸ਼ ਨੂੰ ਸੰਬੋਧਨ ਕਰਦੇ ਹੋਏ Iran War ਬਾਰੇ ਅਹਿਮ ਅਪਡੇਟ ਦੇਣਗੇ।

ਪਰ ਦੂਜੇ ਪਾਸੇ ਹਾਲਾਤ ਅਜੇ ਵੀ ਗੰਭੀਰ ਹਨ। ਗਲਫ਼ ਦੇਸ਼ਾਂ ਵਿੱਚ ਹਮਲੇ ਜਾਰੀ ਹਨ। ਕੁਵੈਤ ਏਅਰਪੋਰਟ ‘ਤੇ ਡਰੋਨ ਹਮਲੇ ਨਾਲ ਵੱਡੀ ਅੱਗ ਲੱਗ ਗਈ, ਜਦਕਿ ਬਹਿਰੀਨ ਵਿੱਚ ਵੀ ਇਕ ਕੰਪਨੀ ਫੈਸਿਲਟੀ ‘ਚ ਅੱਗ ਲੱਗਣ ਦੀ ਖ਼ਬਰ ਆਈ ਹੈ। ਕਤਰ ਦੇ ਪਾਣੀਆਂ ਵਿੱਚ ਇੱਕ ਤੇਲ ਟੈਂਕਰ ਨੂੰ ਵੀ ਮਿਸਾਈਲ ਨਾਲ ਨਿਸ਼ਾਨਾ ਬਣਾਇਆ ਗਿਆ।

ਇਸ Iran War ਦਾ ਸਭ ਤੋਂ ਵੱਡਾ ਪ੍ਰਭਾਵ ਵਿਸ਼ਵ ਭਰ ਦੀ ਊਰਜਾ ਸਪਲਾਈ ‘ਤੇ ਪਿਆ ਹੈ। ਹੋਰਮੁਜ਼ ਜਲਮਾਰਗ ਦੇ ਬੰਦ ਹੋਣ ਕਾਰਨ ਤੇਲ ਅਤੇ ਗੈਸ ਦੀ ਸਪਲਾਈ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਈ ਹੈ। ਹਾਲਾਂਕਿ ਟਰੰਪ ਦੇ ਜੰਗ ਤੋਂ ਨਿਕਾਸ ਦੇ ਸੰਕੇਤਾਂ ਤੋਂ ਬਾਅਦ Oil Prices ਵਿੱਚ 3% ਤੋਂ ਵੱਧ ਦੀ ਗਿਰਾਵਟ ਵੀ ਦਰਜ ਕੀਤੀ ਗਈ ਹੈ।

ਇਸ ਦੇ ਨਾਲ ਹੀ ਮੱਧ-ਪੂਰਬ ਵਿੱਚ ਤਣਾਅ ਹੋਰ ਵਧ ਗਿਆ ਹੈ, ਜਿੱਥੇ ਇਜ਼ਰਾਈਲ, ਲੈਬਨਾਨ ਅਤੇ ਯਮਨ ਤੱਕ ਹਮਲੇ ਫੈਲ ਚੁੱਕੇ ਹਨ। ਹਿਜਬੁੱਲਾਹ ਅਤੇ ਹੂਥੀ ਬਾਗੀਆਂ ਦੀ ਸ਼ਮੂਲੀਅਤ ਨਾਲ Iran War ਹੁਣ ਕਈ ਮੋਰਚਿਆਂ ‘ਤੇ ਲੜੀ ਜਾ ਰਹੀ ਹੈ।

ਮਾਹਿਰਾਂ ਦਾ ਮੰਨਣਾ ਹੈ ਕਿ ਭਾਵੇਂ ਅਮਰੀਕਾ ਜੰਗ ਤੋਂ ਬਾਹਰ ਨਿਕਲਣ ਦੀ ਗੱਲ ਕਰ ਰਿਹਾ ਹੈ, ਪਰ ਜ਼ਮੀਨੀ ਹਕੀਕਤ ਅਜੇ ਵੀ ਬਹੁਤ ਅਸਥਿਰ ਹੈ ਅਤੇ ਆਉਣ ਵਾਲੇ ਦਿਨਾਂ ਵਿੱਚ Iran War ਹੋਰ ਵੱਡਾ ਰੂਪ ਲੈ ਸਕਦੀ ਹੈ।