ਕੈਨੇਡਾ ਦੀ ਮੋਸਟ ਵਾਂਟੇਡ ਸੂਚੀ ‘ਚ ਸ਼ਾਮਲ ਟੋਰਾਂਟੋ ਦਾ ਵਿਅਕਤੀ ਯੂ.ਕੇ. ‘ਚ ਗ੍ਰਿਫਤਾਰ

ਟੋਰਾਂਟੋ ਪੁਲਿਸ ਦਾ ਕਹਿਣਾ ਹੈ ਕਿ ਇੱਕ ਵਿਅਕਤੀ ਜੋ ਕੈਨੇਡਾ ਦੇ 25 ਮੋਸਟ ਵਾਂਟੇਡ ਅਪਰਾਧੀਆਂ ਵਿੱਚ ਸ਼ਾਮਲ ਸੀ, ਨੂੰ ਯੂਕੇ ਅਧਿਕਾਰੀਆਂ ਨੇ ਗ੍ਰਿਫਤਾਰ ਕਰ ਲਿਆ ਹੈ।ਉਸਮਾਨ ਕਾਸਿਮ, 40, ਕਤਲ ਦੀ ਕੋਸ਼ਿਸ਼, ਹਮਲੇ ਅਤੇ ਬੰਦੂਕ ਨਾਲ ਸਬੰਧਤ ਦੋਸ਼ਾਂ ਸਮੇਤ ਕਈ ਅਪਰਾਧਿਕ ਜਾਂਚਾਂ ਲਈ ਲੋੜੀਂਦਾ ਸੀ। ਉਸ ਦੀ ਗ੍ਰਿਫਤਾਰੀ ਲਈ $50,000 ਇਨਾਮ ਦੇ ਨਾਲ ਉਸ ਨੂੰ ਕੈਨੇਡਾ ਦੇ ਮੋਸਟ ਵਾਂਟੇਡ ਅਪਰਾਧੀਆਂ ਦੀ ਸੂਚੀ ਵਿੱਚ ਵੀ ਰੱਖਿਆ ਗਿਆ ਸੀ।

ਪੁਲਿਸ  ਨੇ ਕਿਹਾ ਕਿ ਹੁਣ ਕਾਸਿਮ ਯੂ.ਕੇ. ਵਿੱਚ ਹਿਰਾਸਤ ਵਿੱਚ ਹੈ।ਬੁਲਾਰੇ ਨੇ ਕਿਹਾ, “ਅਸੀਂ ਇਸ ਵਿਅਕਤੀ ਬਾਰੇ ਮਾਨਚੈਸਟਰ ਵਿੱਚ ਪੁਲਿਸ ਨਾਲ ਗੱਲਬਾਤ ਕਰ ਰਹੇ ਹਾਂ, ਪਰ ਇਸ ਸਮੇਂ ਉਹ ਵਿਚਾਰ-ਵਟਾਂਦਰੇ ਬਾਰੇ ਹੋਰ ਵੇਰਵੇ ਨਹੀਂ ਦੇ ਸਕਦੇ ।” ਉਨ੍ਹਾਂ ਕਿਹਾ ਕਿ ਯੂ.ਕੇ. ਤੋਂ ਟੋਰਾਂਟੋ ਪੁਲਿਸ ਹਿਰਾਸਤ ਵਿੱਚ ਤਬਦੀਲ ਹੋਣ ਤੋਂ ਬਾਅਦ ਉਹ ਹੋਰ ਵੇਰਵੇ ਪ੍ਰਦਾਨ ਕਰਨਗੇ।

ਜਨਵਰੀ 2020 ਵਿੱਚ, ਕਾਸਿਮ ਦੀ ਪਛਾਣ ਹਮਲੇ ਦੀ ਜਾਂਚ ਵਿੱਚ ਇੱਕ ਸ਼ੱਕੀ ਵਜੋਂ ਹੋਈ ਸੀ। ਉਹ ਹਮਲੇ, ਅਪਰਾਧਿਕ ਪਰੇਸ਼ਾਨੀ ਦੇ ਕਈ ਦੋਸ਼ਾਂ ਵਿੱਚ ਲੋੜੀਂਦਾ ਸੀ। ਮੰਗਲਵਾਰ ਸਵੇਰੇ Bolo Program ਦੀ ਵੈੱਬਸਾਈਟ ‘ਤੇ ਕਾਸਿਮ ਦੀ ਫੋਟੋ ਨੂੰ “ਗ੍ਰਿਫ਼ਤਾਰ” ਵਿੱਚ ਅੱਪਡੇਟ ਕੀਤਾ ਗਿਆ।