Russian Oil ‘ਤੇ ਪਾਬੰਦੀਆਂ ਹਟਾਉਣ ਦੇ ਅਮਰੀਕੀ ਫੈਸਲੇ ਦਾ Carney ਨੇ ਕੀਤਾ ਵਿਰੋਧ |

Russian Oil ਪਾਬੰਦੀਆਂ ਹਟਾਉਣ ‘ਤੇ Carney ਦਾ ਵਿਰੋਧ |

ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਅਮਰੀਕਾ ਵੱਲੋਂ Russian Oil ‘ਤੇ ਪਾਬੰਦੀਆਂ ਹਲਕੀਆਂ ਕਰਨ ਦੇ ਫੈਸਲੇ ਨਾਲ ਅਸਹਿਮਤੀ ਜਤਾਈ ਹੈ। ਉਨ੍ਹਾਂ ਕਿਹਾ ਕਿ ਕੈਨੇਡਾ ਰੂਸ ‘ਤੇ ਲਗਾਈਆਂ ਗਈਆਂ ਪਾਬੰਦੀਆਂ ਨੂੰ ਜਾਰੀ ਰੱਖੇਗਾ ਅਤੇ ਯੂਕਰੇਨ ਜੰਗ ਦੇ ਮੱਦੇਨਜ਼ਰ ਮਾਸਕੋ ‘ਤੇ ਦਬਾਅ ਬਣਾਇਆ ਰੱਖਣਾ ਜ਼ਰੂਰੀ ਹੈ।

ਨਾਰਵੇ ਵਿੱਚ ਨਾਟੋ ਫੌਜੀ ਅਭਿਆਸ ਦੇ ਦੌਰੇ ਦੌਰਾਨ ਪੱਤਰਕਾਰਾਂ ਨਾਲ ਗੱਲ ਕਰਦਿਆਂ ਕਾਰਨੀ ਨੇ ਕਿਹਾ ਕਿ ਕੈਨੇਡਾ Russian Oil ਅਤੇ ਇਸ ਨੂੰ ਲਿਜਾਣ ਵਾਲੇ “ਸ਼ੈਡੋ ਫਲੀਟ” ਜਹਾਜ਼ਾਂ ‘ਤੇ ਲਗੀਆਂ ਪਾਬੰਦੀਆਂ ਨੂੰ ਜਾਰੀ ਰੱਖੇਗਾ। ਇਹ ਫੈਸਲਾ ਰੂਸ ਵੱਲੋਂ ਯੂਕਰੇਨ ‘ਤੇ ਕੀਤੇ ਗਏ ਹਮਲੇ ਤੋਂ ਚਾਰ ਸਾਲ ਬਾਅਦ ਵੀ ਲਾਗੂ ਰਹੇਗਾ।

ਕਾਰਨੀ ਦਾ ਇਹ ਰੁਖ ਜਰਮਨੀ ਅਤੇ ਨਾਰਵੇ ਦੇ ਨੇਤਾਵਾਂ ਦੇ ਬਿਆਨਾਂ ਨਾਲ ਮਿਲਦਾ ਹੈ। ਯੂਕਰੇਨ ਦੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੇਲੇਨਸਕੀ ਨੇ ਵੀ ਕਿਹਾ ਕਿ ਜੇ Russian Oil ‘ਤੇ ਪਾਬੰਦੀਆਂ ਹਟਾਈਆਂ ਗਈਆਂ ਤਾਂ ਇਸ ਨਾਲ ਰੂਸ ਨੂੰ ਆਪਣੇ ਯੁੱਧ ਲਈ ਲਗਭਗ 10 ਅਰਬ ਡਾਲਰ ਦੀ ਵਿੱਤੀ ਮਦਦ ਮਿਲ ਸਕਦੀ ਹੈ।

ਜਰਮਨੀ ਦੇ ਚਾਂਸਲਰ ਫ੍ਰੀਡਰਿਖ ਮੇਰਜ਼ ਨੇ ਵੀ ਕਿਹਾ ਕਿ G7 ਦੇ ਛੇ ਦੇਸ਼ਾਂ ਦੀ ਰਾਏ ਹੈ ਕਿ ਇਸ ਵੇਲੇ Russian Oil ‘ਤੇ ਪਾਬੰਦੀਆਂ ਹਟਾਉਣ ਦਾ ਸਮਾਂ ਨਹੀਂ ਹੈ। ਉਨ੍ਹਾਂ ਕਿਹਾ ਕਿ ਰੂਸ ‘ਤੇ ਹੋਰ ਦਬਾਅ ਪਾਉਣ ਦੀ ਲੋੜ ਹੈ ਤਾਂ ਜੋ ਯੂਕਰੇਨ ਜੰਗ ਖਤਮ ਹੋ ਸਕੇ।

ਦੂਜੇ ਪਾਸੇ ਨਾਰਵੇ ਦੇ ਪ੍ਰਧਾਨ ਮੰਤਰੀ ਜੋਨਾਸ ਗਾਰ ਸਟੋਰੇ ਨੇ ਵੀ ਕਿਹਾ ਕਿ ਪਾਬੰਦੀਆਂ ਲਗਾਤਾਰ ਰਹਿਣੀਆਂ ਚਾਹੀਦੀਆਂ ਹਨ ਤਾਂ ਜੋ ਰੂਸ ਨੂੰ ਗੱਲਬਾਤ ਦੀ ਮੇਜ਼ ‘ਤੇ ਲਿਆਂਦਾ ਜਾ ਸਕੇ।

ਦੱਸਣਯੋਗ ਹੈ ਕਿ ਅਮਰੀਕਾ ਨੇ ਹਾਲ ਹੀ ਵਿੱਚ Russian Oil ‘ਤੇ 30 ਦਿਨਾਂ ਦੀ ਛੂਟ ਦੇਣ ਦਾ ਐਲਾਨ ਕੀਤਾ ਹੈ, ਜਿਸ ਨਾਲ ਸਮੁੰਦਰ ਵਿੱਚ ਮੌਜੂਦ ਟੈਂਕਰਾਂ ‘ਚ ਭਰੇ ਰੂਸੀ ਤੇਲ ਦੀ ਖਰੀਦ ਸੰਭਵ ਹੋ ਸਕਦੀ ਹੈ। ਰਿਪੋਰਟਾਂ ਮੁਤਾਬਕ ਇਸ ਨਾਲ ਲਗਭਗ 100 ਮਿਲੀਅਨ ਬੈਰਲ ਕੱਚਾ ਤੇਲ ਬਾਜ਼ਾਰ ਵਿੱਚ ਆ ਸਕਦਾ ਹੈ।

ਵਿਸ਼ਲੇਸ਼ਕਾਂ ਦਾ ਕਹਿਣਾ ਹੈ ਕਿ ਇਰਾਨ ਜੰਗ ਕਾਰਨ ਵਿਸ਼ਵ ਭਰ ਵਿੱਚ ਤੇਲ ਦੀਆਂ ਕੀਮਤਾਂ ਵਿੱਚ ਕਰੀਬ 40 ਫੀਸਦੀ ਵਾਧਾ ਹੋਇਆ ਹੈ, ਜਿਸ ਕਰਕੇ ਅਮਰੀਕਾ ਨੇ ਕੀਮਤਾਂ ਨੂੰ ਕਾਬੂ ਵਿੱਚ ਰੱਖਣ ਲਈ ਇਹ ਕਦਮ ਚੁੱਕਿਆ ਹੈ।

ਹਾਲਾਂਕਿ ਕੈਨੇਡਾ ਨੇ 2022 ਵਿੱਚ ਹੀ Russian Oil ਦੀਆਂ ਆਮਦਾਂ ‘ਤੇ ਪਾਬੰਦੀ ਲਗਾ ਦਿੱਤੀ ਸੀ ਅਤੇ ਯੂਰਪੀ ਸੰਘ ਅਤੇ ਬ੍ਰਿਟੇਨ ਨਾਲ ਮਿਲ ਕੇ ਰੂਸੀ ਤੇਲ ਦੀ ਕੀਮਤ ‘ਤੇ ਸੀਮਾ ਲਗਾਉਣ ਦਾ ਫੈਸਲਾ ਵੀ ਕੀਤਾ ਸੀ।