ਡਾਰਕ ਚਾਕਲੇਟ ਖਾਣਾ ਸਿਹਤਮੰਦ ਕਿਉਂ ਹੈ?
ਅੱਜਕਲ੍ਹ ਹਰ ਬੱਚਾ , ਨੌਜਵਾਨ ਚਾਕਲੇਟ ਖਾਣਾ ਬਹੁਤ ਪਸੰਦ ਕਰਦਾ ਹੈ। ਚਾਕਲੇਟ ਕਈ ਤਰ੍ਹਾਂ ਦੀਆਂ ਹੁੰਦੀਆਂ ਹਨ। ਕਈ ਫਲੇਵਰ ਹੁੰਦੇ ਹਨ। ਸਾਰੇ ਆਪਣੀ ਪਸੰਦ ਨਾਲ ਖਾਂਦੇ ਹਨ। ਚਾਕਲੇਟ ਦੇ ਜਿੱਥੇ ਕਈ ਫਾਇਦੇ ਹਨ ਉੱਥੇ ਉਸ ਦੇ ਨੁਕਸਾਨ ਵੀ ਹਨ। ਡਾਰਕ ਚਾਕਲੇਟ ਇੱਕ ਪੌਸ਼ਟਿਕ ਭੋਜਨ ਹੈ ਜਿਸ ‘ਚ ਬਹੁਤ ਸਾਰੇ ਐਂਟੀਆਕਸੀਡੈਂਟ ਅਤੇ ਖਣਿਜ ਹੁੰਦੇ ਹਨ ਜੋ ਦਿਲ ਨੂੰ ਮਜ਼ਬੂਤ ਬਣਾਉਣ ‘ਚ ਮਦਦ ਕਰਦੇ ਹਨ। ਡਾਰਕ ਚਾਕਲੇਟ ਖਾਣ ਨਾਲ ਦਿਮਾਗ ਦੀਆਂ ਨਸਾਂ ਵੀ ਸਰਗਰਮ ਹੁੰਦੀਆਂ ਹਨ, ਜਿਸ ਨਾਲ ਮੂਡ ਠੀਕ ਰਹਿੰਦਾ ਹੈ।
ਚਾਕਲੇਟ ਫਲੇਵੋਨੋਇਡਸ ਬਲੱਡ ਪ੍ਰੈਸ਼ਰ ਨੂੰ ਸੰਤੁਲਿਤ ਰੱਖਦੇ ਹਨ ਅਤੇ ਦਿਲ ਨਾਲ ਜੁੜੀਆਂ ਬੀਮਾਰੀਆਂ ਦੇ ਖਤਰੇ ਨੂੰ ਘੱਟ ਕਰਦੇ ਹਨ। 100 ਗ੍ਰਾਮ ਡਾਰਕ ਚਾਕਲੇਟ ‘ਚ 11 ਗ੍ਰਾਮ ਫਾਈਬਰ, 66 ਫੀਸਦੀ ਆਇਰਨ, ਮੈਗਨੀਸ਼ੀਅਮ, ਕਾਪਰ ਅਤੇ ਮੈਂਗਨੀਜ਼ ਪਾਇਆ ਜਾਂਦਾ ਹੈ। ਇਸ ਤੋਂ ਇਲਾਵਾ ਇਸ ‘ਚ ਪੋਟਾਸ਼ੀਅਮ, ਫਾਸਫੋਰਸ, ਜ਼ਿੰਕ ਅਤੇ ਸੇਲੇਨੀਅਮ ਵੀ ਪਾਇਆ ਜਾਂਦਾ ਹੈ। ਹਾਲਾਂਕਿ ਡਾਰਕ ਚਾਕਲੇਟ ਦਾ ਸੇਵਨ ਘੱਟ ਕਰਨਾ ਚਾਹੀਦਾ ਹੈ ਕਿਉਂਕਿ ਇਸ ‘ਚ ਬਹੁਤ ਜ਼ਿਆਦਾ ਖੰਡ ਅਤੇ ਕੈਲੋਰੀ ਹੁੰਦੀ ਹੈ।
ਮੈਟਾਬੋਲਿਜ਼ਮ ਡਾਰਕ ਚਾਕਲੇਟ ਵਿੱਚ ਮੋਨੋਸੈਚੁਰੇਟਿਡ ਫੈਟੀ ਐਸਿਡ ਹੁੰਦਾ ਹੈ ਜੋ ਮੈਟਾਬੋਲਿਜ਼ਮ ਨੂੰ ਵਧਾ ਕੇ ਕੈਲੋਰੀ ਬਰਨ ਕਰਨ ਵਿੱਚ ਮਦਦ ਕਰਦਾ ਹੈ। ਇਸ ਤਰ੍ਹਾਂ ਇਹ ਭੁੱਖ ਘੱਟ ਕਰਦਾ ਹੈ ਜਿਸ ਕਾਰਨ ਇਹ ਭਾਰ ਨੂੰ ਕੰਟਰੋਲ ਕਰਨ ‘ਚ ਬਹੁਤ ਫਾਇਦੇਮੰਦ ਹੁੰਦਾ ਹੈ।
ਦਿਲ ਦੀ ਬੀਮਾਰੀ ਦੇ ਖਤਰੇ ਨੂੰ ਘੱਟ ਕਰੇ
ਡਾਰਕ ਚਾਕਲੇਟ LDL ਦੇ ਆਕਸੀਕਰਨ ਨੂੰ ਰੋਕਣ ‘ਚ ਮਦਦ ਕਰਦੀ ਹੈ। ਲੰਬੇ ਸਮੇਂ ਤੱਕ ਚਾਕਲੇਟ ਖਾਣ ਨਾਲ ਧਮਨੀਆਂ ‘ਚ ਜਮ੍ਹਾ ਖਰਾਬ ਕੋਲੈਸਟ੍ਰੋਲ ਬਾਹਰ ਨਿਕਲਦਾ ਹੈ, ਜਿਸ ਨਾਲ ਦਿਲ ਦੀਆਂ ਬੀਮਾਰੀਆਂ ਦਾ ਖਤਰਾ ਘੱਟ ਹੋ ਜਾਂਦਾ ਹੈ। ਇੱਕ ਅਧਿਐਨ ਵਿੱਚ ਪਾਇਆ ਗਿਆ ਹੈ ਕਿ ਡਾਰਕ ਚਾਕਲੇਟ ਉੱਚ ਕੋਲੇਸਟ੍ਰੋਲ ਤੋਂ ਬਚਾਉਂਦੀ ਹੈ। ਇਹ ਖਰਾਬ ਕੋਲੈਸਟ੍ਰੋਲ ਯਾਨੀ ਐੱਲ.ਡੀ.ਐੱਲ. ਦੇ ਪੱਧਰ ਨੂੰ ਵੀ ਘੱਟ ਕਰਦਾ ਹੈ।
ਚਮੜੀ ਦੀ ਰੱਖਿਆ ਕਰਦਾ ਹੈ
ਡਾਰਕ ਚਾਕਲੇਟ ‘ਚ ਬਾਇਓਐਕਟਿਵ ਕੰਪਾਊਂਡ ਹੁੰਦੇ ਹਨ ਜੋ ਚਮੜੀ ਨੂੰ ਸੂਰਜ ਦੇ ਨੁਕਸਾਨ ਤੋਂ ਬਚਾਉਂਦੇ ਹਨ। ਇਹ ਚਮੜੀ ਵਿੱਚ ਖੂਨ ਦੇ ਪ੍ਰਵਾਹ ਨੂੰ ਵਧਾਉਂਦਾ ਹੈ ਅਤੇ ਚਮੜੀ ਦੀ ਘਣਤਾ ਅਤੇ ਹਾਈਡਰੇਸ਼ਨ ਨੂੰ ਵਧਾਉਂਦਾ ਹੈ।
ਖੂਨ ਦਾ ਵਹਾਅ ਅਤੇ ਬਲੱਡ ਪ੍ਰੈਸ਼ਰ
ਰਿਪੋਰਟ ਅਨੁਸਾਰ ਡਾਰਕ ਚਾਕਲੇਟ ਧਮਨੀਆਂ ਦੀ ਲਾਈਨਿੰਗ, ਐਂਡੋਥੈਲਿਅਮ ਨੂੰ ਸਰਗਰਮ ਕਰਦੀ ਹੈ, ਜੋ ਨਾਈਟ੍ਰਿਕ ਆਕਸਾਈਡ ਪੈਦਾ ਕਰਦੀ ਹੈ। ਨਾਈਟ੍ਰਿਕ ਆਕਸਾਈਡ ਦੇ ਬਣਨ ਨਾਲ ਨਾੜੀਆਂ ਅਤੇ ਧਮਨੀਆਂ ਵਿਚ ਖੂਨ ਦਾ ਪ੍ਰਵਾਹ ਤੇਜ਼ ਹੋ ਜਾਂਦਾ ਹੈ ਅਤੇ ਇਸ ਨਾਲ ਬਲੱਡ ਪ੍ਰੈਸ਼ਰ ਕੰਟਰੋਲ ਵਿਚ ਰਹਿੰਦਾ ਹੈ।
ਬ੍ਰੇਨ ਫੰਕਸ਼ਨ
ਡਾਰਕ ਚਾਕਲੇਟ ਦਿਮਾਗ ਦੇ ਕੰਮ ਨੂੰ ਤੇਜ਼ ਕਰਦੀ ਹੈ। ਅਧਿਐਨ ‘ਚ ਇਹ ਸਾਬਤ ਹੋਇਆ ਹੈ ਕਿ ਕੋਕੋ ਦਿਮਾਗ ‘ਚ ਖੂਨ ਦੇ ਪ੍ਰਵਾਹ ਨੂੰ ਸਰਗਰਮ ਕਰਦਾ ਹੈ, ਜਿਸ ਨਾਲ ਦਿਮਾਗ ਦਾ ਕੰਮ ਤੇਜ਼ ਹੁੰਦਾ ਹੈ। ਡਾਰਕ ਚਾਕਲੇਟ ਸਰੀਰ ਵਿੱਚ ਸੇਰੋਟੋਨਿਨ ਅਤੇ ਐਂਡੋਰਫਿਨ ਹਾਰਮੋਨਸ ਨੂੰ ਵਧਾਉਂਦੀ ਹੈ।
