ਟੋਰਾਂਟੋ: ਕੈਨੇਡਾ ਵਿੱਚ ਕਾਰਾਂ ਦੀ ਚੋਰੀ ਦੀਆਂ ਵਾਰਦਾਤਾਂ ਵਿੱਚ ਇੱਕ ਲੰਬੇ ਸਮੇਂ ਬਾਅਦ ਵੱਡੀ ਘਟੋਤਰੀ ਦਰਜ ਕੀਤੀ ਗਈ ਹੈ। ਇਸ ਸਾਲ ਦੇ ਪਹਿਲੇ ਛੇ ਮਹੀਨਿਆਂ ਦੌਰਾਨ ਕੌਮੀ ਪੱਧਰ ‘ਤੇ ਕਾਰਾਂ ਦੀ ਚੋਰੀ ਵਿੱਚ 17 ਫੀਸਦੀ ਦੀ ਕਮੀ ਆਈ ਹੈ। ਇਸ ਨਾਲ ਨਾਂ ਸਿਰਫ ਕਾਨੂੰਨ ਪ੍ਰਵਿਰਤੀਕ ਅਜੰਸੀਆਂ ਨੂੰ ਰਾਹਤ ਮਿਲੀ ਹੈ, ਸਗੋਂ ਲੋਕਾਂ ਨੇ ਵੀ ਚੈਨ ਦੀ ਸਾਹ ਲਈ ਹੈ। ਹਾਲਾਂਕਿ, ਗੈਰ ਮੁਨਾਫੇ ਵਾਲੀ ਸੰਗਠਨ ਐਕੁਇਟੀ ਐਸੋਸੀਏਸ਼ਨ ਦੇ ਪ੍ਰਦਾਨ ਕੀਤੇ ਅੰਕੜਿਆਂ ‘ਤੇ ਕੁਝ ਮਾਹਰਾਂ ਨੇ ਸ਼ੱਕ ਵੀ ਜਤਾਇਆ ਹੈ।
ਐਸੋਸੀਏਸ਼ਨ ਦੇ ਵਾਇਸ ਪ੍ਰੈਜ਼ੀਡੈਂਟ ਬਰਾਇਨ ਗਾਸਟ ਮੁਤਾਬਕ, ਨਾ ਸਿਰਫ ਚੋਰੀ ਦੀਆਂ ਵਾਰਦਾਤਾਂ ਵਿੱਚ ਕਮੀ ਆਈ ਹੈ, ਬਲਕਿ ਚੋਰੀ ਕੀਤੀਆਂ ਗੱਡੀਆਂ ਦੀ ਵਾਪਸੀ ਦਾ ਦਰ ਵੀ ਵਧਿਆ ਹੈ। 2024 ਵਿੱਚ ਹੁਣ ਤੱਕ 8,398 ਪਿਕਅੱਪ, 7,539 ਕਾਰਾਂ ਅਤੇ 1,448 ਵੈਨਾਂ ਚੋਰੀ ਹੋ ਚੁੱਕੀਆਂ ਹਨ। ਸਾਲਾਨਾ ਅਧਾਰ ‘ਤੇ, ਕਿਊਬੈਕ ਵਿੱਚ ਗੱਡੀ ਚੋਰੀ ਦੀਆਂ ਵਾਰਦਾਤਾਂ ਵਿੱਚ ਸਭ ਤੋਂ ਵੱਧ 36 ਫੀਸਦੀ ਦੀ ਕਮੀ ਹੋਈ ਹੈ, ਜਦਕਿ ਓਨਟਾਰੀਓ ਵਿੱਚ ਇਹ ਕਮੀ 14 ਫੀਸਦੀ ਦਰਜ ਕੀਤੀ ਗਈ ਹੈ। ਪੱਛਮੀ ਕੈਨੇਡਾ ਵਿੱਚ ਕਾਰਾਂ ਦੀ ਚੋਰੀ ਵਿੱਚ 10 ਫੀਸਦੀ ਅਤੇ ਐਲਬਰਟਾ ਵਿੱਚ 5 ਫੀਸਦੀ ਦੀ ਘਟੋਤਰੀ ਹੋਈ ਹੈ।
ਐਟਲਾਂਟਿਕ ਕੈਨੇਡਾ ਵਿੱਚ ਵੀ ਗੱਡੀ ਚੋਰੀ ਦੇ ਮਾਮਲੇ 11 ਫੀਸਦੀ ਹੇਠਾਂ ਆਉਣ ਦੀ ਰਿਪੋਰਟ ਹੈ। ਹਾਲਾਂਕਿ, ਇਹ ਅੰਕੜੇ ਕਿਸੇ ਸਰਕਾਰੀ ਦਫ਼ਤਰ ਵੱਲੋਂ ਪੁਸ਼ਟੀਕਰਿਤ ਨਹੀਂ ਹਨ। ਇਸ ਦੇ ਨਾਲ ਹੀ, ਓਨਟਾਰੀਓ ਪੁਲਿਸ ਨੇ ਕਿਹਾ ਹੈ ਕਿ ਗੱਡੀ ਚੋਰੀ ਦੀਆਂ ਵਾਰਦਾਤਾਂ ਨੂੰ ਨਜ਼ਰਅੰਦਾਜ਼ ਨਹੀਂ ਕੀਤਾ ਜਾ ਸਕਦਾ। ਹਰ ਪੁਲਿਸ ਅਜੰਸੀ ਦੀ ਸਖ਼ਤੀ ਅਤੇ ਕੈਨੇਡਾ ਬਾਰਡਰ ਸਰਵਿਸਿਜ਼ ਅਜੰਸੀ ਦੇ ਅਧਿਕਾਰੀਆਂ ਦੀ ਮੁਸਤੈਦੀ ਕਾਰਨ ਹੀ ਇਹ ਨਤੀਜੇ ਸਾਹਮਣੇ ਆਏ ਹਨ।
