ਹਾਲ ਹੀ ਵਿਚ ਜਾਰੀ ਵੇਰਵਿਆਂ ਮੁਤਾਬਕ ਅੰਗਰੇਜ਼ੀ, ਫ੍ਰੈਂਚ ਤੋਂ ਬਾਅਦ ਪੰਜਾਬੀ, ਕੈਨੇਡਾ ਵਿੱਚ ਸਭ ਤੋਂ ਵੱਧ ਬੋਲੀ ਜਾਣ ਵਾਲੀ ਭਾਸ਼ਾ ਹੈ, ਸਟੈਟਿਸਟਿਕਸ ਕੈਨੇਡਾ ਦੁਆਰਾ ਹਾਲ ਹੀ ਵਿੱਚ ਜਾਰੀ ਕੀਤੇ ਗਏ 2021 ਦੇ ਮਰਦਮਸ਼ੁਮਾਰੀ ਦੇ ਅੰਕੜੇ ਦੱਸਦੇ ਹਨ ਕਿ ਮਾਂ-ਬੋਲੀ ਵਜੋਂ ਪੰਜਾਬੀ ਤੀਜੇ ਸਥਾਨ ‘ਤੇ ਹੈ ਅਤੇ ਮੈਂਡਰਿਨ ਤੋਂ ਅੱਗੇ ਹੈ। ਪੰਜਾਬੀ ਨੂੰ ਮਾਤ ਭਾਸ਼ਾ ਦੇ ਤੌਰ ‘ਤੇ ਦੱਸਣ ਵਾਲਿਆਂ ਦੀ ਗਿਣਤੀ 7.63 ਲੱਖ ਤੋਂ ਵੱਧ ਹੈ, ਜਦੋਂ ਕਿ ਮੈਂਡਰਿਨ ਭਾਸ਼ਾ ਬੋਲਣ ਵਾਲਿਆਂ ਦੀ ਗਿਣਤੀ 7.30 ਲੱਖ ਹੈ।
ਅੰਕੜਿਆਂ ਅਨੁਸਾਰ ਪੰਜਾਬੀ ਮਾਤ ਭਾਸ਼ਾ ਦੇ ਤੌਰ ‘ਤੇ ਸ਼੍ਰੇਣੀ ਵਿੱਚ 8.6% ਅਤੇ ਕੁੱਲ ਆਬਾਦੀ ਦਾ 2.1% ਹੈ। ਮਾਤ ਭਾਸ਼ਾ ਦੇ ਤੌਰ ‘ਤੇ ਮੈਂਡਰਿਨ ਦੀ ਸ਼੍ਰੇਣੀ ਵਿੱਚ 8.3% ਹਨ ਅਤੇ ਕੁੱਲ ਆਬਾਦੀ ਦਾ 2% ਬਣਾਉਂਦੇ ਹਨ। ਜਿਨ੍ਹਾਂ ਦੀ ਮਾਂ-ਬੋਲੀ ਅੰਗਰੇਜ਼ੀ ਹੈ, ਉਨ੍ਹਾਂ ਦੀ ਗਿਣਤੀ 2.13 ਕਰੋੜ ਅਤੇ ਫ੍ਰੈਂਚ ਮਾਤ-ਭਾਸ਼ਾ 76.51 ਲੱਖ ਹੈ। ਇਹ ਅੰਕੜੇ ਕੈਨੇਡਾ ਦੇ ਵੱਖ-ਵੱਖ ਰਾਜਾਂ ਵਿੱਚ ਪੰਜਾਬੀਆਂ ਦੀ ਵੰਡ ਵੀ ਪ੍ਰਦਾਨ ਕਰਦੇ ਹਨ ਅਤੇ ਓਂਟਾਰੀਓ 3.03 ਲੱਖ ਦੀ ਆਬਾਦੀ ਦੇ ਨਾਲ ਸਭ ਤੋਂ ਉੱਪਰ ਹੈ, ਬ੍ਰਿਟਿਸ਼ ਕੋਲੰਬੀਆ ਵਿੱਚ 2.71 ਲੱਖ ਹੈ। ਅਲਬਰਟਾ ਵਿੱਚ 1,03,965 ਲੋਕ ਹਨ ਜਦੋਂ ਕਿ ਮੈਨੀਟੋਬਾ ਵਿੱਚ 37,870 ਲੋਕ ਪੰਜਾਬੀ ਅਤੇ ਕਿਊਬਿਕ ਵਿੱਚ ਪੰਜਾਬੀ ਮੂਲ ਦੇ 27,460 ਵਿਅਕਤੀ ਹਨ।
